ۇبت ناتيجەسىن ۇيدە وتىرىپ قالاي بىلۋگە بولادى؟
2 ماۋسىم كۇنى ەلىمىزدە ۇلتتىق ءبىرىڭعاي تەستىلەۋ باستالدى. وسىعان وراي تەست تاپسىرۋ ورتالىقتارىندا سىناق اياقتالعاننان كەيىن دە ناتيجەنىڭ جاريالانۋىن كۇتىپ جۇرگەن ادامداردى كورۋگە بولادى. ولار تۇلەكتەردىڭ ناتيجەلەرىن ۇبت-نىڭ رەسمي سايتى ارقىلى ۇيدە وتىرىپ-اق وڭاي ءارى جىلدام بىلۋگە بولاتىنىنان بەيحابار بولسا كەرەك.
ۇبت ناتيجەسىن ۇيدە وتىرىپ ءبىلۋ ءۇشىن ينتەرنەت بولسا جەتكىلىكتى. ول ءۇشىن مىنا سىلتەمە ارقىلى ءوتىپ، جسن ءنومىرى مەن قاتىسۋشىنىڭ ەمتيحان الدىندا العان جەكە كودىن تەرۋ قاجەت.
ماۋسىمنىڭ 2ء-سى مەن 9-ى ارالىعىندا وتەتىن سىناققا قاتىسۋعا بيىل مەكتەپ ءبىتىرۋشى 121 مىڭ بالانىڭ 87 مىڭى نيەت بىلدىرگەن. ونىڭ ىشىندە 63 مىڭ مەكتەپ ءبىتىرۋشى - قازاق تىلىندە، قالعان 24 مىڭعا جۋىعى ورىس تىلىندە ءبىلىمىن سىنايدى.
ايتا كەتەيىك، بيىل قازاقستاندىق تۇلەكتەر ۇبت-نى سوڭعى رەت ءداستۇرلى جۇيەدە تاپسىرىپ جاتىر. تەست 10 ماۋسىمعا دەيىن سوزىلادى.
You Might Also Like
-
«تەكەلى قالاسى ءبىلىم ءبولىمى» مم «№4 بالاباقشاسى» مكقك تاربيەلەنۋشى: مارات دايانا جەتەكشىسى: ماتاحبايەۆا ساۋلە قاسىمحان قىزى
-
ق ر بعم 2016 جىلعى 2-4 ماۋسىمدا وتكەن ۇبت ناتيجەسىن جاريالادى.
