InfoHub Logo

ق ر بعم 2016 جىلعى 2-4 ماۋسىمدا  وتكەن ۇبت ناتيجەسىن جاريالادى.

باسپا ءسوز قىزمەتىنەن حابارلاعانداي، 2 جانە 4 ماۋسىم كۇندەرى وتكىزىلگەن تەستىلەۋگە 58343 ءبىتىرۋشى قاتىستى، سونىڭ ىشىندە قازاق تىلىندە - 42186، ورىس تىلىندە - 16157 ءبىتىرۋشى. 

تەستىلەۋ ءۇشىنشى كۇنى 70 ءۇبتوپ-تىڭ بازاسىندا وتكىزىلدى.

تەستىلەۋدىڭ ءۇش كۇنىندە مۇمكىن بولعان 125 بالدى 11 ءبىتىرۋشى جينادى:

- ماتقالييەۆا دينارا مارات قىزى، «ش.ءۋاليحانوۆ اتىنداعى №12 مامانداندىرىلعان گيمنازيا» (الماتى ق.)؛

- مەيىرحانوۆا ارۋجان ەرلان قىزى، «ى.التىنسارين اتىنداعى №159 گيمنازيا» (الماتى ق.)؛

- وسپانوۆا رامزيا رامازانوۆنا، «ى.التىنسارين اتىنداعى №159 گيمنازيا» (الماتى ق.)؛

- مۇحامەتقالي ەركەجان دوسەن قىزى، «№175 گيمنازيا «جاڭا عاسىر» (الماتى ق.)؛

- ماحامبەتوۆ قالدىبەك يبراگيم ۇلى، «№169 مەكتەپ-ليسەي» (الماتى ق.)؛

- بەركىنوۆا اقنۇر نۇربولوۆنا، «قاراتوبە مەكتەپ-گيمنازياسى» (باتىس قازاقستان وبلىسى)؛

- بولات كامشات بولات قىزى، «№17 سەمەي جالپى ورتا ءبىلىم بەرۋ مەكتەبى» (سەمەي ق.)؛

- ەرجانوۆ نۇراسىل ەرجان ۇلى، «№72 مەكتەپ-ليسەي» (استانا ق.)؛

- يسمايلوۆا دانا سۇيىندىك قىزى، «قاشىر اۋدانىنىڭ تەرەڭكول ا. ح.وسپانوۆ اتىنداعى №3 جوببم» (پاۆلودار وبل.)؛

- ماراتوۆا اقەركە مارات قىزى، «اباي اتىنداعى ورتا جالپى ءبىلىم بەرۋ مەكتەبى» (شىعىس قازاقستان وبلىسى)؛

 - ۋسين ءادىل قۋات ۇلى، «قىزىلقاق جوببم» (پاۆلودار وبل.).

تەستىلەۋدىڭ ءۇش كۇنىنىڭ ناتيجەسىندە تىيىم سالىنعان زاتتاردى قولدانعان جانە اۋديتوريادا ءتارتىپ بۇزعاندارى ءۇشىن 31 ءبىتىرۋشى تەستىلەۋدەن شىعارىلدى، ونىڭ ىشىندە:

- ۇيالى بايلانىس تەلەفوندارىن پايدالانۋ - 13 ءبىتىرۋشى؛

- ەمتيحان ماتەريالدارىن ءبۇلدىرۋ - 1 ءبىتىرۋشى؛

- سۇراق كىتاپشالاردى سىرتقا شىعارۋ ماقساتىندا ونىڭ ىشىندەگى ىشكى بەتتەرىن اۋىستىرۋ - 17 ءبىتىرۋشى.

كەلەسى كەستەدە ۇبت-نىڭ تەستىلەۋ كۇندەرى بويىنشا قىسقاشا ناتيجەلەرى كەلتىرىلگەن:

№	لەك كۇنى	ءوتىنىش سانى			ۇبت-عا قاتىستى			ءوتۋ دەڭگەيىنەن وتە الماعاندار			بەس ءپان بويىنشا 100-دەن جوعارى			تەستىلەۋدىڭ ءبىر ءپانى بويىنشا قاناعاتتانارلىقسىز باعا العاندار
		بارلىعى	قاز	ورىس	بارلىعى	قاز	ورىس	بارلىعى	قاز	ورىس	بارلىعى	قاز	ورىس
1	02.06	18599	13349	5250	17934	13026	4908	2274	1615	659	3834	2811	1023	480
2	03.06	19802	14189	5613	19224	13970	5254	3302	2343	959	3246	2275	971	709
3	04.06	22021	15533	6488	21185	15190	5995	3946	2777	1169	4270	3103	1167	857
بارلىعى		60422	43071	17351	58343	42186	16157	9522	6735	2787	11350	8189	3161	2046
%		100	71،284	28،716	96،559	72،307	27،693	16،321	70،731	29،269	19،454	72،15	27،85

 

تەستىلەۋ ناتيجەسىمەن كەلىسپەگەن بىتىرۋشىلەردىڭ كەلەسى كۇنى ساعات 14:00-گە دەيىن ءاربىر پۋنكتتە قۇرىلعان اپەللياسيالىق كوميسسياعا شاعىمدانۋعا قۇقىقتارى بولادى. اپەللياسياعا وتىنىشتەر تەست تاپسىرمالارىنىڭ مازمۇنى بويىنشا دا، تەحنيكالىق سەبەپتەر بويىنشا دا قابىلدانادى.

اپەللياسياعا ءوتىنىشتى بەرۋ بارىسىندا ءبىتىرۋشىنىڭ ءاربىر تەست تاپسىرماسى بويىنشا تەستىلەۋ ناتيجەلەرىمەن كەلىسپەيتىن نەگىزدەمەسىمەن بەرۋ كەرەك.

تەستىلەۋدىڭ ەكى كۇنىندە رەسپۋبليكالىق اپەللياسيالىق كوميسسيانىڭ قاراۋىنا بارلىعى 279 ءوتىنىش كەلىپ ءتۇستى. ونىڭ ىشىندە 60 تەست تاپسىرماسى قاناعاتتاندىرىلدى، ياعني جالپى قولدانعان تەست تاپسىرمالارىنىڭ 0،5%-ن قۇرايدى. نەگىزىندە بۇل اپەللياسيالار قازاق تىلىنەن، ماتەماتيكا جانە قازاقستان تاريحى پاندەرىنەن بولدى.

كەلىپ تۇسكەن وتىنىشتەردى قاناعاتتاندىرۋدىڭ نەگىزگى سەبەبى:

-         ءارتۇرلى اۆتورلاردىڭ وقۋلىقتارىنداعى وقىلۋدىڭ ايىرماشىلىعى؛

-         تەحنيكالىق سەبەپتەر، ونىڭ ىشىندە باسپالىق قاتەلەر.

سونىمەن قاتار، شەكتىك دەڭگەيدەن وتە الماعان بىتىرۋشىلەر اعىمداعى جىلى قايتا كەشەندى تەستىلەۋ تاپسىرۋ ارقىلى جوعارى وقۋ ورىندارىنا اقىلى نەگىزدە وقۋعا تۇسۋگە قۇقىلى. قايتا كەشەندى تەستىلەۋگە قاتىسۋ ءۇشىن وتىنىشتەر جوعارى وقۋ ورىندارىنىڭ قابىلداۋ كوميسسيالارىندا تامىز ايىنىڭ 1ء-سى مەن 8ء-ى ارالىعىندا قابىلدانادى، ال تەستىلەۋ تامىز ايىنىڭ 19-ى مەن 24ء-ى ارالىعىندا وتكىزىلەدى.

---