InfoHub Logo

ۇلتتىق ءبىرىڭعاي تەستىلەۋدىڭدىڭ ەكى كۇنى قورىتىندىسىمەن التى تۇلەك رەكوردتتىق 125 بالل جينادى، ولاردىڭ بەسەۋى - الماتى مەكتەپتەرىنىڭ وقۋشىلارى.

ق ر ءبىلىم جانە عىلىم مينيسترلىگىنىڭ مالىمەتتەرى بويىنشا، 2 جانە 3 ماۋسىم كۇندەرى وتكىزىلگەن تەستىلەۋگە 37157 ءبىتىرۋشى قاتىستى، سونىڭ ىشىندە قازاق تىلىندە - 26995، ورىس تىلىندە - 10162 ءبىتىرۋشى. 

«تەستىلەۋدىڭ ەكى كۇنىندە مۇمكىن بولعان 125 باللدى الماتىنىڭ بەس تۇلەگى: دينارا ماتكالييەۆا («ش.ءۋاليحانوۆ اتىنداعى №12 مامانداندىرىلعان گيمنازيا»)،  ارۋجان مەيرحانوۆا  (ى.التىنسارين اتىنداعى №159 گيمنازيا»)، رامزيا وسپانوۆا  («ى.التىنسارين اتىنداعى №159 گيمنازيا»)، ەركەجان مۇحامەتقالي  «(№175 گيمنازيا «جاڭا عاسىر»)، قالدىبەك ماحامبەتوۆ   "«№169 مەكتەپ-ليسەي»)  جينادى. سونداي-اق «قاراتوبە مەكتەپ-گيمنازياسىنان» اقنۇر بەركىنوۆا(باتىس قازاقستان وبلىسى) 125 باللعا يە بولدى. 

تەستىلەۋ ءبىرىنشى كۇنى 44 ءۇبتوپ-تىڭ، ال ەكىنشى كۇنى 60 ءۇبتوپ-تىڭ  بازاسىندا وتكىزىلدى.

تەستىلەۋدىڭ ەكى كۇنىنىڭ ناتيجەسىندە تىيىم سالىنعان زاتتاردى قولدانعان جانە اۋديتوريادا ءتارتىپ بۇزعان ءۇشىن 10 ءبىتىرۋشى تەستىلەۋدەن شىعارىلدى، ونىڭ ىشىندە:

- ۇيالى بايلانىس تەلەفوندارى تاركىلەنگەن - 9 ءبىتىرۋشى؛

- ەمتيحان ماتەريالدارىن بۇلدىرگەن - 1 ءبىتىرۋشى.

كەلەسى كەستەدە ۇبت-نىڭ تەستىلەۋ كۇندەرى بويىنشا قىسقاشا ناتيجەلەرى كەلتىرىلگەن:

№	لەك كۇنى	ءوتىنىش سانى			ۇبت-عا قاتىستى			ءوتۋ دەڭگەيىنەن وتە الماعاندار			بەس ءپان بويىنشا 100-دەن جوعارى			تەستىلەۋدىڭ ءبىر ءپانى بويىنشا قاناعاتتانارلىقسىز باعا العاندار
		بارلىعى	قااق	ورىس	بارلىعى	قاز	ورىس	بارلىعى	قاز	ورىس	بارلىعى	قاز	ورىس
1	02.06	18599	13349	5250	17933	13025	4908	2274	1615	659	3834	2811	1023	480
2	03.06	19802	14189	5613	19224	13970	5254	3306	2347	959	3244	2274	970	709
بارلىعى		38401	27538	10863	37157	26995	10162	5580	3962	1618	7078	5085	1993	1189
%		100	71،712	28،288	96،761	72،651	27،349	15،017	71،004	28،996	19،049	71،842	28،158

تەستىلەۋ ناتيجەسىمەن كەلىسپەگەن بىتىرۋشىلەردىڭ كەلەسى كۇنى ساعات 14:00-گە دەيىن ءاربىر پۋنكتتە قۇرىلعان اپەللياسيالىق كوميسسياعا شاعىمدانۋعا قۇقىقتارى بولادى. اپەللياسياعا وتىنىشتەر تەست تاپسىرمالارىنىڭ مازمۇنى بويىنشا دا، تەحنيكالىق سەبەپتەر بويىنشا دا قابىلدانادى.

اپەللياسياعا ءوتىنىشتى بەرۋ بارىسىندا ءبىتىرۋشىنىڭ ءاربىر تەست تاپسىرماسى بويىنشا تەستىلەۋ ناتيجەلەرىمەن كەلىسپەيتىن نەگىزدەمەسىمەن بەرۋ كەرەك.

2016 جىلى 3 ماۋسىمدا رەسپۋبليكالىق اپەللياسيالىق كوميسسيانىڭ قاراۋىنا بارلىعى 123 ءوتىنىش كەلىپ ءتۇستى. ونىڭ ىشىندە 25 تەست تاپسىرماسى قاناعاتتاندىرىلدى، ياعني جالپى قولدانعان تەست تاپسىرمالارىنىڭ 0،5ء-تى قۇرايدى. نەگىزىندە بۇل اپەللياسيالار قازاق تىلىنەن، ماتەماتيكا، قازاقستان تاريحى پاندەرىنەن بولدى.

كەلىپ تۇسكەن وتىنىشتەردى قاناعاتتاندىرۋدىڭ نەگىزگى سەبەبى:

-         ءارتۇرلى اۆتورلاردىڭ وقۋلىقتارىنداعى وقىلۋدىڭ ايىرماشىلىعى؛

-         تەحنيكالىق سەبەپتەر، ونىڭ ىشىندە باسپالىق قاتەلەر.

سونىمەن قاتار، ءوتۋ دەڭگەيىنەن وتە الماعان بىتىرۋشىلەر اعىمداعى جىلى قايتا كەشەندى تەستىلەۋ تاپسىرۋ ارقىلى جوعارى وقۋ ورىندارىنىڭ اقىلى نەگىزدە وقۋعا تۇسۋىنە قۇقىلى. قايتا كەشەندى تەستىلەۋگە قاتىسۋ ءۇشىن وتىنىشتەر جوعارى وقۋ ورىندارىنىڭ قابىلداۋ كوميسسيالارىندا تامىز ايىنىڭ 1ء-سى مەن 8ء-ى ارالىعىندا قابىلدانادى، ال تەستىلەۋ تامىز ايىنىڭ 19-ى مەن 24ء-ى ارالىعىندا وتكىزىلەدى. 

---