ۇبت ءومىرىمنىڭ ماڭىزدى 1 باسپالداعى
ۇلتتىق ءبىرىڭعاي تەستىلەۋ... ءار تۇلەك ەستىگەن ساتتە ەرەكشە كۇيگە بولەيتىن 3 اۋىز ءسوز. قۋانۋ سەزىمىنە قاراعاندا، قورقىنىش سەزىمى باسىمىراق بولارى انىق. ەڭ ماڭىزدىسى — بۇل تەستتى ءار تۇلەك، ءار اتا-انا وزىنشە تۇسىنەدى. كەيبىرى مەنىڭ بولاشاعىمدى وسى تەست شەشەدى دەسە، كەيبىرى تەك جەڭىلدىكپەن قارايدى. كوپ تۇلەكتەر "جۇرتتىڭ بالالارىنان" باسىم ءتۇسۋ ءۇشىن تاپسىرۋى دا كوز قۋانارلىق ءجايت ەمەس. باسقاشا تۇرعىدان العاندا ءوز بالاسىنا قولداۋ ورنىنا قىسىم كورسەتىپ:"قايتسەڭ دە وسى باللدى قانجىعاڭا ەنشىلەۋىڭ كەرەك"، — دەپ تالاپ قوياتىن اتا-انالار دا از ەمەس. ارينە، ءار اتا-انا باۋىر ەتى بالاسىنىڭ بولاشاعى ءۇشىن الاڭدايدى. ول — زاڭدىلىق. الايدا، اتا-انا تەك بولاشاققا باعىت-باعدار بەرۋشى. سوڭعى ماڭىزدى نۇكتەنى تۇلەكتىڭ ءوزى قويۋى قاجەت دەگەن ويدامىن. بۇل ويىممەن كوپ تۇلەكتەر كەلىسەتىن شىعار.
ءدال وسى تەست ءۇشىن ءوز ءومىرىن ءوزى قيعان تۇلەكتەر دە جەتەرلىك. جۇرەكتى قىنجىلتاتىن جاعدايدىڭ ءبىرى-وسى. نەلىكتەن ءوز ومىرىنە ءوزى بالتا شاپتى؟ تەستتە جوعارى ناتيجە كورسەتە الماعانى ءۇشىن بە؟ الدە اينالاداعى ادامداردىڭ سوزىنەن سەسكەندى مە؟ مۇمكىن ۇكىلەپ ءۇمىت ارتىپ وتىرعان اتا-اناسىنىڭ ءۇمىتىن اقتاي الماعانى ءۇشىن شىعار... بۇل سۇراق قويىلعاندا كوپ ادامدار ءۇنسىز قالارى ءسوزسىز. بۇل جاعدايعا كىم كىنالى؟ ۇبت ۇعىمىن قاتە تۇسىنگەن تۇلەك پە؟ الدە تەست سۇراقتارىن قۇراستىرۋشى ورتالىقتار ما؟ بالكىم دۇرىس ءبىلىم بەرە الماعان ءمۇعالىم كىنالى شىعار. . مەنىڭ ويىمشا، بۇل قايعىلى جاعداي ورىن العانىنا بارلىعى كىنالى. بولاشاقتا ءبىزدى نە كۇتىپ تۇرعانىن ەشكىم دە بىلمەيدى. بولجاپ تا ايتا المايدى. سوندىقتان، ءار ءتۇرلى جاعدايعا پسيحولوگيالىق تۇرعىدان دا، باسقا جاعىنان دا دايىن بولعان دۇرىس بولار. اتا-انا ءوز بالاسىنا سەنەتىندىگىن، ءبارى جاقسى بولاتىنىن جەتكىزىپ وتىرسا، مۇعالىمدەر قىسىم جاساماسا، بارلىعى جاقسى بولاتىنىنا سەنەمىن.
تەستتى جوعارى ناتيجەدە تاپسىردىڭ دەلىك. قانداي جاعداي ورىن الادى؟ ال تاپسىرا الماساڭ شە؟ دەگەنمەن، "جاقسى ءسوز — جارىم ىرىس". تەستتى جاقسى ناتيجەدە تاپسىردىڭ. ەڭ الدىمەن كىمنىڭ جەتىستىگى؟ كوز مايىن تاۋىسىپ وقىعان وقۋشىنىڭ با؟ الدە وقىتۋشىنىڭ با؟ نە دەسەك تە، ەڭسەسىن بيىك كوتەرگەن اتا-انا، ءۇمىتى اقتالعان ءمۇعالىم جانە ەڭبەگى اقتالعان وقۋشى بولارى حاق. ال تاپسىرا الماعان جاعدايدا شە؟ كىم كىنالى؟ ارينە، بۇل-وقۋشى مۇلدەم ەڭبەكتەنبەدى دەگەندى بىلدىرمەيدى. تەك "ب ا ق شابا ما، الدە، باپ شابا ما؟ "، -دەپ ايتقانىمىز دۇرىسىراق بولار. دەگەنمەن، جاقسى ناتيجەگە قول جەەتكىزە الماعان جاعدايدا وقۋشىنىڭ ساعى سىنارى انىق. تاعى دا كوز قۋانتارلىق جاعداي ەمەس. . تەست ورتالىقتارىندا قاپتاعان ميليسيا قىزمەتكەرلەرى، جەدەل جاردەم كولىكتەرى، ءورت سوندىرۋشىلەر، كۇيزەلىسكە تۇسكەن تۇلەكتەر مەن بالاسى ءۇشىن جانىن شۇبەرەككە تۇيگەن اتا-انالار. ءدال وسى كورىنىستەر دە تۇلەككە پسيحولوگيالىق تۇرعىدان ۇلكەن اسەرىن تيگىزەرى ايدان انىق.
تاعى ايتا كەتەتىن جايت-بارلىق تۇەك ءوز كۇشىمەن تەستتى تاپسىرىپ، گرانت يەگەرى اتاندى دەسەك تاعى بولمايدى. باكەڭ مەن ساكەڭنىڭ بالالارى بار دەگەندەي... كوزبەن كورىپ، قۇلاقپەن ەستىپ جۇرگەننەن كەيىن ۇندەمەي قالا المادىم. جالپاق تىلمەن ايتقاندا — "كوررۋپسيا". بۇل قانشالىقتى دۇرىس؟ جىل بويى كوز مايىن تاۋىسىپ، ەڭبەكتەنىپ وقىعان وقۋشىنىڭ ەڭبەگىنىڭ زايا كەتكەنى مە؟ تاعى جاۋاپسىز سۇراق. ءبىراق، كىمگە دالەلدەي الاسىڭ؟ مەنىڭ ءبىلىمىم شىنايى، ولاردىكى شىنايى ەمەس دەپ... جاندى قىنجىلتاتىن وسى جاعداي تاعى بار. نە دەگەنمەن، جاقسىلىققا سەنگەنىمىز دۇرىس بولار.
نەلىكتەن ءوز ماقالاما ءدال وسى تاقىرىپتى ارقاۋ ەتتىم دەپ ويلايسىزدار؟ وسى سۇراققا جاۋاپ ىزدەپ كورەيىك. ەڭ باستى سەبەپ-مەن 2018-2019 وقۋ جىلىنىڭ تۇلەگىمىن. ياعني، 11 جىل وقىپ ءبىلىم العان، باقىتتى بالالىق شاعىم وتكەن اياۋلى مەكتەبىمنەن ۇشىپ كەتكەلى وتىرمىن. الدا مەنى ءومىرىمنىڭ ماڭىزدى 1 باسپالداعى ۇبت كۇتىپ تۇر. قاتتى ۋايىمداۋدىڭ قاجەتى جوق دەگەن ويدامىن. ءبىراق، ايتار اۋىزعا-ارينە وڭاي. ۋايىمدامايمىن دەگەنمەن دە تۇندە ۇيىقتار الدىندا، تىلەك تىلەگەندە، ارمانىڭ جايلى ويلاعاندا ەڭ الدىمەن ءتىل ۇشىنا كەلەرى — ۇبت دان جاقسى ناتيجە كورسەتىپ، اتا-انامنىڭ، وتباسىمنىڭ ۇكىلەگەن ءۇمىتىن اقتاپ، گرانت يەگەرى اتانسام دەگەن ءسوز تىركەستەرى. ۋاقىت جاقىنداعان سايىن جۇرەگىڭ قاتتىراق سوعىپ، ۋاقىتتىڭ زۋىلداپ ءوتىپ جاتقانى سەزىلەدى. قورقىنىش كۇيىن كەشەسىڭ. تۇلەكتەر، تەك ءوز بىلىمىمىزگە سەنەيىك! ۇبت — الىنبايتىن قامال ەمەس. ءبىز-قازاقستاننىڭ بولاشاعىمىز! ءبىزدىڭ قولىمىزدان كەلەدى! 11 جىل تەككە جۇرمەي، ءبىلىم نارىمەن سۋسىنداعانىمىزدى دالەلدەيتىن ۋاقىت كەلدى! بارلىعى جاقسى بولارىنا سەنەيىك!
ءوز ءسوزىمدى قورىتىندىلاي كەلە، بارشا تۇلەكتەرگە ساتتىلىكپەن قوسا سابىرلىلىق تا تىلەگىم كەلەدى. قۇرمەتتى اتا-انالار، ءوز بالالارىڭىزعا سەنىڭىزدەر، ءار باستاماسىندا قولداۋ كورسەتىپ، جاقسىلىققا سەندىرىڭىزدەر! بۇل سوزدەر-اربىر مەكتەپ ءبىتىرۋشى تۇلەك ءۇشىن اۋاداي قاجەت سوزدەر. "گرانت" — ەڭ باستىسى ەمەس. ەڭ باستىسى-بالاڭىزدىڭ بولاشاعى مەن ونىڭ ءومىرى جانە تاۋىنىڭ شاعىلماۋى. گرانت — تەك بىرنەشە جىلعا بەرىلەدى. ال بالاڭىزدىڭ ءومىرى مەن كوڭىلى — ماڭگىلىك!
دايىنداعان: 11 "ءا" سىنىپ وقۋشىسى
نۇرمۇحانبەت نۇرايلىم
You Might Also Like
-
جامبىل وبلىسى ت. رىسقۇلوۆ اۋدانى «ايتقۇل شىناسيلوۆ اتىنداعى ورتا مەكتەبى» كوممۋنالدىق مەملەكەتتىك مەكەمەسى 9 سىنىپ وقۋشىسى قالاۋوۆا ارۋنا ءمۇعالىم: مۋستافايەۆا گۋلميرا ۋشكەمپيروۆنا
-
قالىبىنداعى مۇقىم وزگەرىستى ماعجان جاڭا الگىدە، ەرتەڭگىسىن، توسەگىنەن تۇرىپ جاتىپ سەزگەن. قالانىڭ شەتىندە، قالىڭ قارا اعاشتىڭ ىشىنە قاراعايدان قيىپ سالعان ورىستىڭ ەكى بولمەلى شاعىن پاتەرىن جالداپ ت...
