InfoHub Logo

اقىرىن ءجۇرىپ انىق باس،

ەڭبەگىڭ كەتپەس دالاعا.

ۇستازدىق ەتكەن جالىقپاس،

ۇيرەتۋدەن بالاعا، — دەپ ۇلى ويشىل اتامىز اباي قۇنانباي ۇلى جىرلاعانداي، ومىردەگى كوپ ماماندىقتاردىڭ ىشىندە جان — جاقتى بىلىمدىلىكتى، يكەمدىلىكتى، شەبەرلىكتى، ەرەكشە شاكىرت جاندىلىقتى، مەيىرىمدىلىكتى اسا  قاجەت ەتەتىن — ۇستازدىق ماماندىق . ۇستاز. . ءار ادام ويعا العاندا ەزۋىنە كۇلكى ورالىپ، العاش رەت ءبىلىم كۇنىندە ءبىر قۇشاق گۇلىن الىپ، اتا — اناسى جەتەكتەپ ەرتىپ اپارعان ءبىلىم ورداسىن كورگەن ساتتەگى العاشقى ۇستازىنا امانداسىپ، سىڭعىرلاعان قوڭىراۋ ءۇنىن ەستىپ، اياڭداي باسىپ مەكتەپ تابالدىرىعىن اتتاپ، العاشقى سىنىبىنىڭ پارتاسىنا وتىرىپ، سول ساتتەگى تاڭسىق دۇنيە — قولىنا قالام العان ءساتى ورالادى دەگەن ويدامىن. ەڭ العاشىندا وتە قاتال جاندى، ياعني ءمۇعالىم كورگەندەي بولارى ءسوزسىز. سەبەبى ءدال ءوزىم وسى جاعدايدى باستان كەشكەن بولاتىنمىن. ءبىراق كەيىننەن ءوزىنىڭ ەكىنشى اناسىنداي جاقىن تارتىپ، مەيىرلەنە الىپپە ارىپتەرىن ۇيرەتىپ، جاقسىدان ۇيرەنىپ، جاماننان جيرەنۋگە، ءبىلىمدى ازامات پەن ازاماتشا بولۋعا جەتەلەيتىن ۇستازىنان جاقىن جان جوق ەكەنىن تۇسىنەدى.

ءبىلىم — شەتى مەن شەگى جوق تەلەگەي تەڭىز بولسا، سول تەڭىزدىڭ ءسانىن كەلتىرىپ، بايىپپەن عانا ءار شاكىرت جۇرەگىنە جول تاۋىپ، سونىڭ كىلتىن اشا بىلگەن اق جەلكەندى كەمە — ارداقتى ۇستازدارىمىز. ءبىرىنشى سىنىپتان — ون ءبىرىنشى سىنىپقا دەيىن ەسىمىزدى تولىق بىلمەيتىن، ءار ءجايت تۇسىنىكسىز بولىپ كورىنەتىن ساتىمىزدە قولعا قالام ۇستاۋدان باستاپ، ءار عىلىم سالاسىنىڭ قىر — سىرىن ۇيرەتىپ، جەتىك مەڭگەرتكەن، ءبىلىم نارىمەن سۋسىنداتىپ، ەلىمىزدىڭ ءبىر كىرپىشى بولىپ قالاناتىن ازامات بولۋعا تاربيەلەگەن التىن ۇيا مەكتەبىمنىڭ ايناسى، ۇستازدار قاۋىمىنا العىسىم شەكسىز.

شىن ۇستاز — ۇستاز بولۋدى بالالىق شاعىنان ارماندايدى دەگەن ويدامىن. قيىندىعى مەن قىزىعى قاتار جۇرەتىن وسىناۋ ماماندىقتىڭ شىنايى يەسى بولۋ ءۇشىن كوپتەگەن قيىندىقتاردان وتەدى. قيىن دەۋ سەبەبىم:ءار ساباعىڭا جەتە دايىنداىپ، بالالارعا ءبىلىم بەرىپ قانا قويماي، ءتالىم — تاربيە بەرۋ، ومىرگە يكەمدەۋ، ادالدىققا باۋلۋ، سونىمەن قاتار ادامگەرشىلىك قاسيەتتەردى بويىنا دارىتۋ وڭاي ەمەس شارۋا. "ۇستاز بولۋ — ءوز ۋاقىتىڭدى اياماۋ، وزگەنىڭ ۋاقىتىن ايالاۋ"، — دەپ مۇحتار اۋەزوۆ ايتقانداي، ۋاقىتپەن ساناسپاي بالالاردىڭ بولاشاعى ءۇشىن ايانباي جۇمىس جاساساڭ، ەڭبەگىڭ ەش كەتپەسىنە سەنىمدىمىن. قانشا جىلدار بويى  تەر توگىپ، ەڭبەك ەتسەڭ دە، "بولدىم، تويدىم، مەن ءبارىن دە بىلەمىن" دەپ ايتۋ تاعى ورىنسىز. ءومىر ءبىر ورىندا تۇرىپ قالمايدى، ۇنەمى تەك العا جىلجۋ ۇستىندە. وسىعان وراي جاڭا زاماننىڭ جاڭا ادامىن تاربيەلەپ، وقىتۋ ءۇشىن ۇنەمى ىزدەنىس ۇستىندە ءجۇرىپ، بىلىمدىلىگىمەن قاتار بىلىكتىلىگىن دە ارتتىرىپ وتىرۋ قاجەت.

مەنىڭ پىكىرىمشە، سونىمەن قاتار عيبراتتى عۇمىرىنىڭ قىمبات شاقتارىن بولاشاق بۋىنداردى وقىتۋ مەن تاربيەلەۋ ىسىنە ارناپ كەلەدى. ءوز ىسىنە بەرىلگەن، شاكىرتىنىڭ جانىنا نۇر قۇيا بىلگەن ۇستازدارىمىزدىڭ ەڭبەگى وتە زور. مەكتەپتەگى شاكىرتىن ءوز بالالارىنان ارتىق كورىپ، بار نازارىن شاكىرتىنە اۋدارىپ، ۋاقىتىنىڭ كوپ بولىگىن مەكتەپتە وتكىزەتىن ۇستازدار قاۋىمىنىڭ شاكىرتتەرى ۇلكەن شىڭداردى باعىندىرعان ساتتە ءوزى سول شىنار شىڭنىڭ ەڭ بيىگىنە شىعىپ تۇرعانداي ەرەكشە كۇيگە بولەنىپ، وزىنەن شاكىرتىنىڭ وزعانىن كورىپ، قۋانىشىنىڭ ەكى ەسەلەنەرى ءسوزسىز. مەنىڭ پىكىرىمشە، ءار شاكىرتىنە ەرەكشە سۇيىسپەنشىلىكپەن، ەرەكشە كوزقاراسپەن قارايتىن ۇستازدار ءۇشىن ءار شاكىرتىنىڭ ءوز ەڭبەگىن اقتاعانىن كورىپ، ريزاشىلىعىن الۋ ۇلكەن قۋانىش اكەلەدى.

اسپان الەمىن باعىندىرعان عارىشكەر دە، ەلىمىزدىڭ كوك بايراعىن كوككە جەلبىرەتىپ جۇرگەن سپورتشىلارىمىز دا، قازاقستاننىڭ اتىن بار الەمگە ايگىلى ەتىپ جۇرگەن ءبىرتۋار ازاماتتارىمىز دا ەڭ العاشىندا ۇستازداردان ءتالىم — تاربيە جانە ەڭ باستىسى ءبىلىم العان. ۇستاز دەگەن ۇلى ەسىمدى قۇرمەتتەي، سىيلاي بىلەيىك، جاس بۋىن. ءوز ماقالامدى ەلباسىمىز نۇرسۇلتان ءابىش ۇلى نازاربايەۆتىڭ سوزىمەن اياقتاعىم كەلىپ وتىر: "بولاشاقتا ەڭبەك ەتىپ، ءومىر سۇرەتىندەر — بۇگىنگى مەكتەپ وقۋشىلارى، ءمۇعالىم ولاردى قالاي تاربيەلەسە، قازاقستان سول دەڭگەيدە بولادى. سوندىقتان ۇستازعا جۇكتەلەتىن جۇك اۋىر". ءححى عاسىر — بىلىمدىلەر عاسىرى. ەندەشە بىزگە وي ءورىسى جوعارى دامىعان، زەردەلى، جان — جاقتى دامىعان، پاراساتتى ۇرپاق كەرەك ەكەنىن ءبىر ساتتە ەستەن شىعارماعانىمىز ءجون. بىلىكتى دە ءبىلىمدى ۇستازدارىمىز باردا كەلەسى ۇرپاق ءبىلىمدى بولارى حاق.

 

دايىنداعان:11 "ءا" سىنىپ وقۋشىسى

نۇرمۇحانبەت نۇرايلىم 

---