ۇلى جەڭىس جاساسىن!
تاقىرىبى: «ۇلى جەڭىس جاساسىن!»
ماقساتى: وقۋشىلاردى ادامگەرشىلىككە، وتانىن سۇيۋگە، ونى قورعاۋعا باۋلۋ. وتانعا دەگەن سۇيىسپەنشىلىگىن ارتتىرۋ. ولارعا پاتريوتتىق تاربيە بەرۋ. وقۋشىلاردى ۇلى وتان سوعىسىمەن، قازاقستاندىقتاردىڭ ەرلىك ىستەرىمەن تانىستىرىپ، وي - ءورىسىن دامىتۋ. وقۋشىلاردى ۇلكەن ادامداردى سىيلاي بىلۋگە، ولاردى قادىرلەۋگە تاربيەلەۋ.
كورنەكىلىگى: ءۇنتاسپا، ۇلى وتان سوعىسى تۋرالى كىتاپتار، گۇلدەر، شارلار.
ءتۇرى: كەزدەسۋ
بارىسى:
بولمە ءىشىن بەزەندىرۋ. مۋزىكا ويناپ تۇرادى.
تاريح كەشى ۇنەمى جاڭالانىپ وتىرادى. دەسە دە ۇمىتىلمايتىن، ەسكەرمەيتىن تاريحي وقيعالار بولادى. سونىڭ ءبارى الەمدى ءدۇر سىلكىندىرگەن ەكىنشى دۇنيەجۇزىلىك سوعىستىڭ قاسىرەتى مەن ۇلى جەڭىستىڭ قاسيەتىڭ باتىر اعالارىمىز بەن اپالارىمىزدىڭ ەرلىگىن ەشكىم دە ەشقاشان ۇمىتپاق ەمەس. الەمدى ءدۇر سىلكىندىرگەن وقيعا 1941جىلى ماۋسىمنىڭ 22 - دە بولعان ەدى. ءبىراق سول كەزدەگى كەڭەس ەلىنىڭ بىرلىگى مەن دوستىعىنىڭ ارقاسىندا 1945 جىلى 9 - مامىردا بۇعا ۇلى جەڭىسپەن اياقتالدى. مىنە، سودان بەرى 71 جىل مەرزىم ۋاقىت ءوتتى. بيىل ۇلى جەڭىستىڭ 71 جىلدىعى.
ءۇنتاسپادان تىڭداۋ: تىڭداڭىزدار، تىڭداڭىزدار! 1941 جىلى 22 - ماۋسىمدا تاڭ شاپاعى جاڭا عانا ارايلانىپ كەلە جاتقان كەزدە ەلىمىزگە ءقاۋىپ ءتوندى. حالقىمىز ادام ايتقىسىز قيىن - قىستاۋ كەزەڭگە دۋشار بولدى. فاشيستىك گەرمانيا ەلىمىزگە وپاسىزدىقپەن باسىپ كىردى. سوعىستىڭ العاشقى كۇندەرىنەن باستاپ - اق كەڭەس حالقى جان تانىمەن وتانىن قورعادى. ءاربىر سەلو، ءاربىر قالا ءۇشىن كەسكىلەسكەن ۇرىس بولدى. قانىشەر نەمىس باسقىنشىلارىمەن كەڭەس ازاماتتارى ايانباي شايقاستى.
وقۋشى:
سوعىس جالماپ اعا - ءىنى باۋىردى،
زار جىلاتتى تىنىش جاتقان اۋىلدى.
جالعىزىنان ايىرىپتى انانى،
اكەسىنەن ايىرىپتى بالانى.
وسى سوعىستا كەڭەس وداعىنىڭ باسقا رەسپۋبليكالارىمەن بىرگە ءبىزدىڭ قازاقستان رەسپۋبليكاسى دا جان اياماي شايقاستى. داڭقتى قارۋلى كۇشتەردىڭ جانە ەڭبەك ارمياسىنىڭ قۇرامىندا 1 ملن 870 مىڭ قازاقستاندىقتار بولعان.
ات اۋىزدىعىمەن سۋ ىشكەن، ەر ەتەگىمەن سۋ كەشكەن سۇراپىل سوعىستا ەرلەرمەن بىرگە قولدارىنا قارۋ الىپ، وتانىن قورعاۋعا ءبىزدىڭ باتىر اپالارىمىز شىعىس جۇلدىزدارى ءاليا مولداعۇلوۆا مەن مانشۇك مامەتوۆا ەرلىك كورسەتىپ، باتىرلىقپەن قازا تاپتى.
- ءيا، كەۋدەسىن وققا توسەگەن قازاقتىڭ قاراپايىم قىزى مانشۇك قاس دۇشپانىنان ەلىن قورعاعان ەدى. ول اناسىن، تۋعان جەرىن قاتتى ساعىنعاندا، قولى قالت بوساعاندا اناسىنا جازعان ساعىنىش حاتتارى ءبىر تولاستاعان ەمەس.
مانشۇكتىڭ حاتىن وقۋ. (وقۋشى)
«ءاليا - مانشۇك» (تاقپاق).
- ءيا، سۇراپىل سوعىس ەشكىمدى ايامادى. انا جارىنان ايىرىلدى، بالا اكەسىنەن ايىرىلدى. ءبىراق ءۇمىت وتى ەش وشكەن جوق. بالا اكەسىن كۇتە بەردى، كۇتە بەردى.
سولداتتار جارالى مايداننان ورالادى.
اجال بوپ تونگەن جاۋىنا،
داۋىلدى كوكتىڭ قىرانى.
ورالدى الاتاۋىنا،
ەرلىكتىڭ وجەت ءبىر ءانى.
تاڭعالتقان باتىرلىقتارىمەن،
تارلانبوز باتىر اعالارىمىز.
راديو سويلەيدى. 1945 جىل.
(بارلىعى ۋلاپ - شۋلايدى، قۇشاقتاسادى).
دۇنيە ءجۇزى حالقى بوستاندىق الدى. حالىق وتان ۇعىمىڭ تەرەڭ سەزىنە ءتۇستى. قاھارمان ەرلىك پەن ەڭبەك جەڭىپ شىقتى. زۇلىمدىق، باسقىنشىلىق تىزە بۇكتى. بىرلىك، ەرلىك، حالىقتار دوستىعى نىعايا ءتۇستى. ءبىزدىڭ وتانىمىز - قازاقستان.
بۇگىنگى قازاقستان دۇنيە جۇزىندەگى كوپتەگەن مەملەكەتتەر تانىعان ەل. ونىڭ ءوز ەلتاڭباسى، تۋى، ءانۇرانى بار. ەلىمىز ءوز ەگەمەندىگىن، تاۋەلسىزدىگىن 1991 جىلى 16 – جەلتوقساندا الدى.
وقۋشى:
تاۋەلسىزدىك كىندىگىن
كەسكەن حالىق بىرلىگى.
ىنتىماعى بارشا ۇلتتىڭ
نۇرىن شاشقان كۇن بۇگىن.
(ەسكەرتكىش. انا گۇل قويادى. ەكى قىز بالا).
ۇلى وتان سوعىسىنا قاتىسقان: باۋىرجان مومىش ۇلى، مانشۇك مامەتوۆا، ءاليا مولداعۇلوۆا، مالىك عابدۋللين، تالعات بيگەلدينوۆ ت. ب. ءوز جەرلەستەرىمىز: تۋلاقبايەۆ ارون اتا، اياپبەرگەنوۆ قامەش اتا.....
ول كىسىلەرگە قۇرمەتپەن باس يەمىز. ال وسى بەيبىت ومىرگە جەتە الماعان، ەرلىكپەن قازا تاپقان اعالارىمىز بەن اپالارىمىزدىڭ رۋحىنا باس ءيىپ، ەسكە الايىق. 1 مينۋت ەسكە الۋ.
You Might Also Like
