ۇلى جەڭىس - ۇلى قۋانىش
«ءبىزدىڭ جۇرەگىمىز تەمىر ەمەس. ءبىراق ءبىزدىڭ كەك وتىمىز قانداي تەمىر بولسا دا ەرىتىپ، كۇيدىرىپ جىبەرە الادى... ءبىزدىڭ ۇرەيدى جەڭەتىن ەڭ كۇشتى قارۋىمىز بار، ول – وتانعا دەگەن سۇيىسپەنشىلىك »،- بۇل اتى اڭىزعا اينالعان قازاقتىڭ داڭقتى باتىرى، بەلگىلى جازۋشى باۋىرجان مومىش ۇلىنىڭ سوزدەرىنەن.
بيىل ۇلى جەڭىسكە 76 جىل تولىپ وتىر. جەڭىس! ءدال وسى ءتاتتى ءارى رۋحتى سەزىم 1945 جىلى 9 مامىردا باتىرلارىمىزدىڭ كەۋدەسىندە ويناپ، شاتتىق ءانى ايتىلعان ەدى. حالىقتىڭ كوزىنەن قۋانىش جاسى اعىپ، 5 جىلدىق قۇرباندىق پەن باتىرلىقتىڭ ارقاسىندا بەيبىت ءومىر تۋدى دەپ قۋانعان ەدى.
ميلليونداعان جاندار جەڭىس اتتى ءسوزدى ەستۋ ءۇشىن مەرت بولدى. ميلليونداعان جاندار مۇگەدەك بولىپ، ءبىرى اياعىنان، ءبىرى قولىنان ايىرىلدى. ءبىراق وسىنشا جانكەشتى قۇربان ەتۋدىڭ ارقاسىندا، جەڭىسكە جەتتىك.
قازاقتان شىققان، سوعىس كەزىندە وشپەس ەرلىك جاساعان جاندار كوپ. ايتسام جاعىم تالارى انىق. مىسالى، تولەگەن توقتاروۆ ەسىمدى اتامىز بورودينو سەلوسىندا نەمىس ءبولىمىنىڭ شتابىنا باسىپ كىرىپ، 5 نەمىس وفيسەرىنىڭ كوزىن جويعان. باقتىوراز بەسىكبايەۆ العاشقى بولىپ جانعان ۇشاعىن جاۋ توبىنا باعىتتاپ،ەرلىك جاساعان ەدى. سۇلتان بايماعامبەتوۆ لەنينگراد ءۇشىن شايقاستا، جاۋدىڭ ارنايى سالىنعان قورعانىس ۇياسىنىڭ وق جاۋدىرىپ تۇرعان اۋزىن كەۋدەسىمەن جاۋىپ، زامانداستارىن ءولىم اۋزىنان قورعاۋعا تىرىسىپ، اجال قۇشقان ەدى. بۇل باتىرلارىمىزدىڭ جاساعان ەرلىكتەرىڭ ءبىر ساراسى عانا. ايتىلماي كەتكەن ەرلىگى قانشاما دەسەڭشى.
ەستەرىنەن اداسىپ،
جولىنا ءۇيىپ ولگەنىن،
جەتى باستى جالماۋىز
جايىپتى قان شەڭگەلىن...
بۇل جامبىل جامابيەۆتىڭ «لەنينگرادتىق ورەنىم» شىعارماسىنان ءۇزىندى. بۇل ولەڭدە سوعىستىڭ تيگىزگەن زارلى ازابى مەن مۇڭدى جاعدايلار تۋرالى ايتىلادى. وقىعان جاننىڭ كوڭىلىنە اسەر بەرىپ، جۇرەكتى تەبىرەنتپەي قويمايدى.
قورتا ايتقاندا، سوعىس ەشكىمدى قۋانتقان جوق. ءتۇن ىشىندە قاراۋسىز، قاننەن قاپەرسىز جاتقان حالىقتى سوعىستىڭ اششششى زارىمەن وياتتى. ءبىراق ەل قورعاعان باتىرلارىمىزدىڭ ارقاسىندا، بۇنداي الپاۋىت ازاپتى ەڭسەرە بىلدىك. ءبىز، جاستار، وسى ءبىر قۇرباندىقتىڭ ءمانىن ءبىلىپ، قاستەرلەي ءبىلۋىمىز شارت. «جەرگە – تەر توگىپ، حالىققا – قان توگىپ قىزمەت ەتۋدەن تايسالما!»،- دەپ باۋىرجان اتامىز ايتقانداي، ەلىمىز ءۇشىن جان بەرىپ، جان الىساتىن، جۇرەگى سەكۋند سايىن وتان دەپ سوعاتىن، ەلىنىڭ، حالقىنىڭ يگىلىگى ءۇشىن قىزمەت اتقاراتىن جان بولايىق. ەلىمىز امان، جۇرتىمىز تىنىش، ەلىمىزدىڭ كەرەگەسى بيىك ءارى بەكەم بولعاي!
سايلاۋ ءاديا شاحماردان قىزى
You Might Also Like
-
كەز كەلگەن ەل، كەز كەلگەن ۇلت ءوز بولاشاعىن وسكەلەڭ ۇرپاعىمەن بايلانىستىرىپ وتىرادى. حالقىم بىلاي دەيدى: «گۇل ءوز جەرىندە عانا – گۇل، ادام ءوز وتانىندا عانا – ادام». ال مەنىڭ و...
-
ءال-فارابي اتىنداعى قازاق ۇلتتىق ۋننيۆەرسيتەتى، فيلوسوفيا جانە ساياساتتانۋ فاكۋلتەتى، ءدىنتانۋ جانە مادەنيەتتانۋ كافەدراسى، ءال-فارابي ورتالىعىنىڭ قولداۋىمەن ناۋرىز مەرەكەسىنە وراي 19 ناۋرىز كۇنى وتكە...
