InfoHub Logo

كەز كەلگەن ەل، كەز كەلگەن ۇلت ءوز بولاشاعىن وسكەلەڭ ۇرپاعىمەن بايلانىستىرىپ وتىرادى. حالقىم بىلاي دەيدى: «گۇل ءوز جەرىندە عانا – گۇل، ادام ءوز وتانىندا عانا – ادام». ال مەنىڭ وتانىم – قازاقستان! بۇل – ۇلان بايتاق دالا، بەيبىت ەل. تۋعان جەرى، وتانىنىڭ ءقادىرىن ءار ادام ءارقالاي تۇسىنەتىن شىعار. مەن ءوز كەزەگىمدە، وتانىمدى ءقادىر تۇتامىن، مەن ءۇشىن تۋعان جەر ءقادىرى دۇنيەدەگى ەڭ ۇلى دەگەن نارسەمەن پار-پار. ويتكەنى، ول – ايالاپ، الپەشتەپ وسىرگەن انام، اكەم، ءبىلىم جولىنا جەتەلەپ كەلگەن ۇستازدارىم، قورشاعان تۋىستارىم مەن قۇرداستارىم دۇنيەگە كەلگەن جەر. اتا-بابالارىمىز وسى جەردى بولاشاق ۇرپاق ءۇشىن جىلدار، عاسىرلار بويى قان-تەرىن توگىپ، سوڭعى دەمى قالعانشا كۇرەسىپ، ءمولدىر كوزىنىڭ قاراشىعىنداي ساقتاپ كەلدى. ەندىگى كەزەك، جاستاردىڭ، ياعني، ءبىزدىڭ قولىمىزدا.

“وتان ءۇشىن وتقا ءتۇس – كۇيمەيسىڭ” دەگەن باۋىرجان مومىش ۇلى. ال ءبىزدىڭ حالقىمىزدا اتامەكەندى ارداقتاۋ سەزىمى تەرەڭ دەپ ويلايمىن. جوعارىدا ايتىپ كەتكەندەي، اتا-بابالارىمىز ەلى ءۇشىن جانىن دا، بارىن دا اياماعان. حالقىمىزدىڭ وسى قاسيەتى جانىمىزعا انا سۇتىمەن تاراپ، انا تىلىمەن دارىپ، اق نانىمەن بەكۋى ءتيىس. تۋعان ەلگە، تۋعان جەرگە، تۋعان تىلگە دەگەن ىستىق سەزىمنىڭ ۇلگىسى مەن ءۇشىن وسىنداي. شىنىمەن دە، ءبىزدىڭ حالىق ءۇشىن وتان وتتان دا ىستىق.

بارلىعىمىزدى كىشى كەزىمىزدەن پاتريوت بولۋعا تاربيەلەپ كەلدى. ءبىز وتانىمىز – قازاقستان رەسپۋبليكاسى تۋرالى ءجيى ايتامىز، ونىڭ جەتىستىكتەرىمەن، باي تاريحى مەن مادەنيەتىمەن، قوناقجاي ادامدارىمەن جانە ادەمى تابيعاتىمەن ماقتانامىز. ءبىراق، پاتريوت بولۋ دەگەنىمىز نە؟

پاتريوت بولۋ – تەك وتاندى ءسۇيۋ عانا ەمەس، ونىمەن بىرگە ءومىر ءسۇرۋ: ونى قورعاۋ، ءوز ەلىڭنىڭ تاريحى مەن ءتىلىن ءبىلۋ، ءوز حالقىڭنىڭ ادەت-عۇرىپتارى مەن داستۇرلەرىن ساقتاۋ، ءوز وتانىڭنىڭ يگىلىگى ءۇشىن ەڭبەك ەتۋ جانە وقۋ.

ەندى «مەن ءوز مەملەكەتىم ءۇشىن نە ىستەي الار ەدىم؟» دەگەن سۇراق تۋىندايدى. مەنىڭ ويىمشا، ەگەر سىناق ساعاتى كەلسە، وندا مەن مىڭداعان جاستار سياقتى ونىڭ شەكاراسىن جانە ونىڭ تاۋەلسىزدىگىن قورعاۋعا تۇرامىن، ارعى تەكتەرىمىز سەكىلدى سوڭعى دەمىم شىققانشا ءبىزدىڭ بوستاندىققا، ءومىر سۇرۋگە، ءتىل مەن ادەت-عۇرىپقا، مەملەكەتىمىزدىڭ تاۋەلسىزدىگىنە دەگەن قۇقىعىمىزدى قورعايمىن.

ال ەلىمنىڭ گۇلدەنۋى ءۇشىن نە ىستەي الار ەدىم؟  مەن ءوزىمنىڭ وتانىمنىڭ گۇلدەنۋى ءۇشىن ادال ەڭبەك ەتەتىنىمدى بىلەمىن. وتان – بارلىعىمىز ءۇشىن ءبىر، ەگەر ءار ادام از بولسا دا ءوز ۇلەسىن قوساتىن بولسا، ءبىز العاشقىلاردىڭ اراسىندا ءبىرىنشى بولامىز، بۇكىل الەم مەنىڭ ەلىم - قازاقستان رەسپۋبليكاسى تۋرالى بىلەتىن بولادى!

بيىل مەن 11ء-شى سىنىپتى ءبىتىرىپ، ءال-فارابي اتىنداعى قازاق ۇلتتىق ۋنيۆەرسيتەتىنە، جۋرناليستيكا ماماندىعىنا وقۋعا ءتۇستىم. ماقساتتارىم مەن ارماندارىمنىڭ تەڭ جارتىسى وسى ماماندىقپەن تىعىز بايلانىستى. بولاشاقتا ەلىمىزدىڭ اتاقتى ءجۋرناليستى بولىپ، ەلىمىزدىڭ گۇلدەنىپ، العا جىلجۋىنا ۇلەس قوسسام دەگەن ءۇمىتىم مەن ءوزىمنىڭ جەكە اۆتورلىق باعدارلامامدى اشىپ، ەلىمىزدى ەلەڭ ەتكىزەتىندەي دۇنيە ويلاپ شىعاراتىن جوسپارلارىم بار. ءبىر ورىندا تۇرا بەرگەن بولمايدى،  ن.ءا. نازاربايەۆ: “جارقىن بولاشاق – جاستاردىڭ قولىندا” دەگەندەي، ءبىزدىڭ بولاشاق پەن ەلىمىزدىڭ بولاشاعى ءوز قولىمىزدا. مەن جاستاردى يگى ىستەر جاساۋعا، ۋاقىتتى زايا كەتىرمەي، العا جىلجۋعا ۇمتىلدىرۋدى كوزدەيمىن. ياعني، مەنىڭ ماقساتىم – تەك قانا جۋرناليست بولۋ ەمەس، ەلگە ءوز ەڭبەگىن سىڭىرە بىلەتىن، قوعامعا كەرەكتى ناعىز كاسىبي مامان اتانۋ. الدا ءوزىم ءۇشىن عانا ەمەس، ەلىم ءۇشىن، حالقىم ءۇشىن دە قىزمەت اتقاراتىن قالاۋلى، ەلەۋلى جۋرناليست اتانامىن دەگەن وي مەنى بۇگىنگى كۇنى دە العا قاراي جەتەلەپ، ىنتالاندىرىپ كەلەدى.

مىنە، قازىردەن باستاپ مەنىڭ وسىنداي مىندەتتەرىم بار. ولاردى مىندەتتى تۇردە ورىنداۋىم كەرەك، ويتكەنى پارىز سەزىمى بالا كەزدەن قالىپتاسادى.  مەن جاقسى وقۋعا، سپورتپەن شۇعىلدانۋعا، جارىستارعا قاتىسۋعا، مۇمكىندىگىنشە بار ىنتامدى سالىپ، قولىمنان كەلگەننىڭ بارلىعىن ىستەۋگە تىرىسامىن، ويتكەنى، بۇل مەنىڭ مەكتەبىمە، مەنىڭ قالاما، مەنىڭ اۋدانىما، دەمەك، ءوزىم ءۇشىن دە قاجەت. مەن الەمنىڭ كەز كەلگەن بۇرىشىندا ءبىزدىڭ قازاقستاننىڭ قانشالىقتى ادەمى، باي جانە قۋاتتى ەكەنىن بىلسە ەكەن دەپ ارماندايمىن.  ءبىزدىڭ وتانىمىزدىڭ اتى ەستىلمەيتىن جەردە ادامدار بىزگە تاڭدانىسپەن قارايتىن بولادى، ويتكەنى ءبىز ۇلكەن مەملەكەتتىڭ ازاماتىمىز، ءبىز قازاقستاندىقپىز جانە بولاشاققا سەنىمدى قارايمىز!

---