ۇلى جەڭىسكە مىڭ تاعزىم!
جەڭىس كۇنى - ەلىمىز ءۇشىن ورنى ەرەكشە مەرەكە. ناعىز ۇلتشىلدىقتى وياتاتىن، رۋحاني سەزىم بەرەتىن، تاريحىمىزدى ەسكەرىپ، سول جەڭىستى سىيلاعان ارداگەرگە باس يەتىن جەڭىستى كۇن. الەمدى ءدۇر سىلكىندىرگەن ۇلى وتان سوعىسىن ەسكە الۋدىڭ ءوزى اۋىر. قان مەن جانى ءبىر ارنادا بولسا دا، ويلانباستان ەلى ءۇشىن ءوزىڭ قۇربان ەتكەن سول سوعىستاعى اتا - اپالارىمىزدىڭ ەرلىك ىستەرى ماڭگى ولمەيدى.
بيىل جەڭىس تۋىنىڭ جەلبىرەگەنىنە جەتپەس بەس جىل تولادى. تۋرا سول ءبىر سۇم سوعىستىڭ اياقتالعانىنا جەتپەس جىل جىل. ارداقتى ارداگەرلەرىمىزگە قانشا العىس ايتساق تا سول كەزدە كورسەتكەن ءبىر ەڭبەگىن دە وتەي الماعانىمىز انىق. جەڭىس كۇنى جاقىنداعاندا ءاردايىم مەنى ءبىر وي قىنجىلتادى.“نەگە ءبىز ارداگەرلەرىمىزدى تەك توعىزىنشى مامىر كۇنى عانا ەسكە الامىز؟„. وسى سۇراق مەنىڭ سانامنان شىقپايدى، ءجيى مازالايدى. ۇرپاقتارىنا تاۋەلسىزدىكتىڭ اق تاڭىن سىيلاعان باتىرلارىمىزعا نەگە تەك جەڭىس كۇنى قارساڭىندا عانا ەسكەرىپ، باس يەمىز؟ تاۋەلسىزدىك، جەڭىس - ءتاڭىردىڭ بىزگە بەرگەن سىيى دەيمىز اۋ، دەگەنمەن جەڭىسكە دەگەن جولدا قانشا باتىر اتالارىمىز باسىن بايگەگە تىكتى! بار اسىلىنان باس تارتتى، ارمانى ۇلى وتان سوعىسىندا ءوز ەرلىگىن كورسەتۋ، ەلى ءۇشىن جانىڭ بەرۋ. سونى ۇمىتپاساق دەيمىن. بۇگىنگى تاڭداعى جاھاندانۋ، جاستاردىڭ اياعىن الشاق باسىپ ءجۇرۋى، حالىقتىڭ ەركىندىكتە ءومىر ءسۇرۋى ءبارى ءبارى جەڭىستىڭ، ساۋساقپەن سانارلىق باتىرلارىمىزدىڭ ارقاسى.
“ەر ەسىمى - ەل ەسىندە ساقتالادى„ - دەيدى دانا حالقىمىز. سول ءبىر قانتوگىس جىلدار ميىنا ماڭگى ساقتالعان وتكەن كۇنىڭ باتىرلارى ياعني ارداگەرلەردىڭ بۇگىنگى جاعدايى قانداي؟ ارينە كوڭىل قۋانتارلىق ەمەس... ءوز حالقى ءۇشىن جانىڭ شۇبەرەككە تۇيگەن باتىرلارىمىزدى نەگە تەك ءسوز ارقىلى ءقادىر تۇتامىز؟! بۇل البەتتە ءبىزدىڭ قاتە. باتىر اتالارىمىزدىڭ ورنىڭدا بولىپ، سول ءوتىپ كەتكەن سۇراپىل كەزەڭدەگى سۇم سوعىستى ءوز باسىمىزدان وتكىزبەي، ءتۇسىنىپ بولمايمىز. اتا - بابالارىمىزدىڭ قاھارماندىعىن تەك سول كەزدە عانا تۇسىنەتىنىمىز انىق. ارينە وڭداي سوعىستار ەلىمىزدىڭ ماڭايىنا جولاماسىن، ءارقاشان كوك تۋىمىز كوككە جەلبىرەي بەرسىن. ەشقاشان سوعىس بولماي، الەمدە تەك بەيبىتشىلىك بولسىن!
قوستاناي وبلىسى، قوستاناي اۋدانى
مەملەكەتتىك تىلدە وقىتاتىن زارەچنىي ورتا مەكتەبىنىڭ
11 - سىنىپ وقۋشىسى ارمان قىزى ارۋجان
You Might Also Like
-
قىزىم يبالى، ۇلىم نامىستى بولسىن دەسەڭ…«ۇلت تاربيەلەي وتىرىپ، جەر يەسىن تاربيەلەيمىز،قىز تاربيەلەي وتىرىپ، ۇلتتى تاربيەلەيمىز».پلاتون.ۇرپاق تاربيەسىنە ءۇستىرت قاراماعان بابالارىمىزدىڭ جاقسى ءداستۇرى ...
-
ەلىمىزدە بولىپ جاتقان الەۋمەتتىك - ەكونوميكالىق تۇرلەندىرۋلەر ادامزاتتىڭ بارلىق سالالارىنا ەلەۋلى وزەرتۋلەر ەنگىزدى. اسىرەسە بۇل ءبىلىم سالاسىنا ايتارلىقتاي ىقپال ەتتى. ەلباسىمىز ن. ءا. نازاربايەۆتىڭ ...
