InfoHub Logo

ءۇندى جۇرتىنىڭ ءبىر ادامى ءبىر جاقتان ۇيىنە قايتىپ كەلسە، ءۇيدىڭ قاسىنداعى اعاشتىڭ باسىنا كەپتىرۋگە ءىلىپ قويعان ەتى جوق. اعاشتىڭ اينالاسىن ابدەن ءجۇرىپ، قاراپ بولعان سوڭ، ورامعا شىعىپ جولاي داۋىستاپ سۇرايدى:
- الاسا بويلى، قولىندا قىسكانتاق مىلتىعى بار، سوڭىندا تاراق-قۇيرىق كىشكەنتاي ءيتى بار، ءبىرى قارت ادام كوردىڭىز بە؟ - دەپ. بۇل كىسىنى اركىم كورگەن ەكەن، سىلتەۋمەن بارىپ تاۋىپ ۇرىسىن ۇستاپتى-مىس. اۋىلداس ادامدارى ۇندىدەن «ۇرىنىڭ تۇسى-تۇگىن قايدان ءبىلدىڭىز» دەپ سۇراسىپتى. سوندا ءۇندى ايتتى دەيدى:
- ۇرىنىڭ الاسا بويلى ەكەنىن بىلگەنىم، مەنىڭ قولىممەن ىلگەن ەتىمدى، ول اعاشتان اياعىنىڭ استىنا تاس قويىپ، سونىڭ ۇستىنە شىعىپ الىپتى. قارت ەكەنىن بىلگەنىم، جۇرگەندەگى ىزىنەن بايقادىم - ادىمىنىڭ اراسى تىم جاقىن ەكەن. مىلتىعىنىڭ قىسقا ەكەنىن: ەتىمدى ۇرلاردا، مىلتىعىن اعاشقا سۇيەپ قويعان ەكەن، سوندا مىلتىقتىڭ اۋزى اعاشتىڭ كىشكەنە قابىعىن جىرىپ كەتىپتى، جەر مەن سول جىرىلعان قابىقتىڭ اراسىنان شامالادىم. ۇرىنىڭ قاسىندا ءيتى بار ەكەنىن، جانە ول ءيتتىڭ ءوزى كىشكەنتاي، قۇيرىعى تاراق-كۇيرىق ەكەنىن بىلگەنىم، ەتىمدى ۇرلاپ جاتقاندا، يت اناداي ءبىر كۇمايتىراق جەردە وتىرعان ەكەن؛ سونىڭ قۇمعا ءتۇسىپ قالعان ىزىنەن، جانە بىلعاڭداتقان قۇيرىعىنىڭ تابىنان بايقادىم دەپتى-مىس.

---