ءوز ىسىندەي ەڭبەك ەتۋ
ءبىر كارى قۇرىلىسشىنىڭ زەينەتكە شىعاتىن كەزى تاياپ قالادى. باستىعىنا بۇدان بىلاي جۇمىسقا شىقپايتىنىن، ۇيدە بالا-شاعاسىنا، نەمەرەلەرىنە باس-كوز بولىپ وتىراتىنىن ايتادى. ارينە زەينەتكە شىققاندا الىپ جۇرگەن ايلىعىن ساعىنادى، ءبىراق باسقا امال جوق ەدى. باستىعى وتە تاجىريبەلى جۇمىسشىسىنان ايرىلعانىنا ازداپ كوڭىلى تۇسىڭكىرەيدى. جۇمىسشىسىنا، سوڭعى رەت ءبىر ءۇي سالىپ بەرۋىن وتىنەدى. كارى ۇستا بۇل ۇسىنىستى قابىل ەتىپ، جۇمىسىنا كىرىسەدى. ءبىراق ىستەپ جاتقان ىسىندە كوڭىلى جوق ەكەنى، امال جوعىنان ىستەپ جاتقانى ءبىلىنىپ تۇرادى. ۇيگە ساپاسىز ماتەريالدار قولدانىپ، قيسىق-قىڭىرىنا قاراماي، قالاي بولسا سولاي سالىپ بەرەدى. ءۇي بىتكەن سوڭ باستىعى ءۇيدى تەكسەرۋ ءۇشىن كەلىپ، قاراپ شىعادى. شىعاردا ءۇيدىڭ كىلتىن ۇستاعا بەرىپ: «مىنە، كىلتتەردى الىڭىز، ءۇي سىزدىكى! قانشاما جىلعى ەڭبەكتەرىڭىز ءۇشىن مەنەن سىزگە سىيلىق بولسىن!» دەيدى. الگى ۇستا تۇسىنبەي، ابدىراپ قالادى، قاتتى ۇيالادى. اتتەڭ، وسى سالعان ءۇيى وزىنىكى بولاتىنىن بىلگەندە، ءۇيدى وسىلاي سالار ما ەدى!..
You Might Also Like
-
ەمحانادا جاتقان ادام ءۇشىن جاقسى ەممەن قوسا، جاقسى تاماقتانۋدىڭ دا ماڭىزى ۇلكەن. تومەندە الەمدەگى كلينيكالار ءوز پاسيەنتتەرىنە قانداي تاماقتار ۇسىناتىندارى كورسەتىلگەن.
-
ءۇندى جۇرتىنىڭ ءبىر ادامى ءبىر جاقتان ۇيىنە قايتىپ كەلسە، ءۇيدىڭ قاسىنداعى اعاشتىڭ باسىنا كەپتىرۋگە ءىلىپ قويعان ەتى جوق. اعاشتىڭ اينالاسىن ابدەن ءجۇرىپ، قاراپ بولعان سوڭ، ورامعا شىعىپ جولاي داۋىستاپ سۇر...
