ۋنيۆەرسيادا-2017-دە ەل نامىسىن 168 سپورتشى قورعايدى
ۋنيۆەرسيادا-2017-دە ەل نامىسىن 168 سپورتشى قورعايدى. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا 28ء-شى بۇكىلالەمدىك قىسقى ۋنيۆەرسياداعا دايىندىق ماسەلەلەرى جايىندا بايانداعان ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.
«بۇگىنگى كۇنى سپورت تۇرلەرى بويىنشا كوماندا قۇرامالارى انىقتالدى. ءبىزدىڭ ەلىمىزدىڭ اتىنان ۋنيۆەرسيادادا ونىڭ باعدارلاماسىنا ەنگەن سپورتتىڭ بارلىق تۇرلەرى بويىنشا 168 سپورتشى مەن 65 جاتتىقتىرۋشى قاتىسادى»، - دەدى ول.
مۇحامەدي ۇلىنىڭ سوزىنە قاراعاندا، سپورتشىلارىمىزدىڭ جاقسى ونەر كورسەتۋگە ۇكىمەتتىڭ جازعى جانە قىسقى دۇنيەجۇزىلىك ۋنيۆەرسيادا جەڭىمپازدارى مەن جۇلدەگەرلەرىنە ءبىر رەتتىك سىياقى بەلگىلەۋ تۋرالى شەشىمى ىنتالاندىرا تۇسەتىن بولادى.
«ءبىرىنشى ورىنعا 4،9 ملن. ەكىنشى ورىنعا 3،3 ملن.، ءۇشىنشى ورىنعا 1،6 ملن. تەڭگە بەرىلەدى. ءدال وسىنداي سىياقىلار ۋنيۆەرسيادا جەڭىمپازدارى مەن جۇلدەگەرلەرىنىڭ جاتتىقتۋشىلارىنا دا قاراستىرىلعان»، - دەدى مينيستر.
You Might Also Like
-
الماتىدا ۋنيۆەرسيادا-2017 باسەكەسىنىڭ مەدال توپتامالارى تانىستىرىلدى.
