25 قاڭتاردا ەلوردادا ۋنيۆەرسيادا الاۋى جاعىلادى
25 قاڭتاردا ەلوردادا 28ء-شى بۇكىلالەمدىك قىسقى ۋنيۆەرسيادا الاۋى جاعىلادى. بۇل تۋرالى بۇگىن ق ر ۇكىمەتىنىڭ سەلەكتورلىق رەجىمدەگى وتىرىسىندا ەلىمىزدىڭ اقپارات جانە كوممۋنيكاسيالار ءمينيسترى داۋرەن ابايەۆ ءمالىم ەتتى.
«اقپارات جانە كوممۋنيكاسيالار مينيسترلىگى ۋنيۆەرسيادانى اقپاراتتىق تۇرعىدان قولداۋ جۇمىستارىن ارنايى مەديا جوسپارعا ساي جالعاستىرۋدا. جوسپار اياسىندا ەلىمىزدىڭ بارلىق مەملەكەتتىك اقپارات قۇرالدارىندا اتالعان شاراعا قاتىستى ماتەريالدار جۇيەلى تۇردە جارىق كورۋدە»،- دەدى ول.
ءمينيستردىڭ ايتۋىنشا، بۇل جۇمىستارمەن رەسپۋبليكالىق تەلەراديولار، گازەت-جۋرنالدار مەن ينتەرنەت رەسۋرستار جانە تۇتاس وڭىرلىك ماسس-مەديا قامتىلىپ وتىر.
«بۇگىندە بۇقارالىق اقپارات قۇرالدارىنىڭ وكىلدەرىن تىركەۋ ءراسىمى تولىق اياقتالدى. بارشاڭىزعا ءمالىم، 25 قاڭتاردا ەلوردادا ۋنيۆەرسيادا الاۋى جاعىلادى. مينيسترلىك بۇل شارانى جۇرتشىلىق نازارىنا كەڭىنەن ۇسىنۋدى جوسپارلاۋدا. وعان «قازاقستان» جانە «حاباردىڭ» استانا مەن الماتىداعى جانە وبلىستارداعى بارلىق تەحنيكالىق رەسۋرستارى تارتىلاتىن بولادى»، - دەدى ابايەۆ.
ايتا كەتەيىك، 2017 جىلدىڭ 28 قاڭتارى مەن 8 اقپانى ارالىعىندا الماتىدا وتەتىن 28ء-شى بۇكىلالەمدىك قىسقى ۋنيۆەرسيادا ويىندارىنا الەمنىڭ 59 ەلىنەن 2 مىڭنان استام سپورتشى قاتىسادى.
بايراقتى باسەكەدە ەل نامىسىن 168 سپورتشى قورعايتىن بولادى.
You Might Also Like
-
كەز-كەلگەن اتا-انانى ىس-ارەكەتىمەن ون وراپ الاتىنداي بالالاردىڭ بۇتىندەي ءبىر ۇرپاعى پايدا بولدى. تانىس بولىڭىزدار - سەنتەنيالدار. بۇلار ەرتەڭ-اق ەر جەتىپ، ەرەسەك ادامدارعا اينالادى. كوزدى اشىپ-جۇمع...
-
وبلىستاعى ءۇش اۋىسىمدى مەكتەپتەردى جويۋ ماقساتىندا ماڭعىستاۋ وبلىسىنداعى ينۆەستيسيالىق جوبالار تىزىمىنە رەسپۋبليكالىق بيۋدجەت پەن 2017-2019 جىلدارداعى ۇلتتىق قوردىڭ ەسەبىنەن 5400 ورىندىق 8 مەكتەپتىڭ ق...
