ۋنيۆەرسيتەتكە تۇسەتىن كوللەدج تۇلەكتەرى 60 سۇراققا عانا جاۋاپ بەرۋى ءتيىس
ق ر ءبىلىم جانە عىلىم ءمينيسترى ەرلان ساعادييەۆتىڭ ايتۋىنشا، قازىرگى ۇلتتىق ءبىرىڭعاي تەستىلەۋدە كاسىبي-تەxنيكالىق ءبىلىمنىڭ بارلىق پاندەرى قاراستىرىلماعان. كوللەدجدەر وسى ماسەلەنى بۇرىننان بەرى كوتەرىپ كەلەدى. سەبەبى ونىڭ كەسىرىنەن كوللەدج تۇلەكتەرىنىڭ كوبىسى جوعارى وقۋ ورىندارىنا تۇسە الماي جاتادى، دەپ قازاقپارات xابارلايدى.
«قازىرگە كەزدە كوللەدج تۇلەكتەرى جوعارى وقۋ ورنىنا ءتۇسۋ ءۇشىن ۇلتتىق ءبىرىڭعاي تەستىلەۋدى تاپسىرادى. الايدا تەستتە كورسەتىلگەن تاپسىرمالاردىڭ باسىم بولىگىن ولار كوللەدجدە وقىمايدى. سول سەبەپتى كوللەدجدەر كوپتەن بەرى بولەك ەمتيxاندى ەنگىزۋدى تالاپ ەتىپ كەلەدى. كەلەسى جىلدان باستاپ ونداي ەمتيxان ەنگىزىلەدى»، - دەدى ۇكىمەتتىڭ بۇگىنگى وتىرىسىندا ە.ساعادييەۆ.
ءمينيستردىڭ سوزىنە قاراعاندا، كەشەندى تەستىلەۋدىڭ جاڭا جۇيەسى بويىنشا كوللەدج تۇلەكتەرى 60 سۇراققا جاۋاپ بەرۋى ءتيىس. سونىڭ ىشىندە 20-سى جالپى پاندەر بويىنشا جاسالسا، 40 سۇراق ونىڭ ءوز ماماندىعى بويىنشا بولادى.
«الايدا كوللەدج تۇلەگى باسقا سالاعا باراتىن بولسا، ۇلتتىق ءبىرىڭعاي تەستىلەۋدى تاپسىرۋعا تۋرا كەلەدى. ماسەلەن، پەداگوگيكا بويىنشا ءبىلىم العان كوللەدج تۇلەگى جوعارى وقۋ ورنىنا ءوز ماماندىعى بويىنشا قۇجات تاپسىرسا، تەستتى جاڭا جۇيە بويىنشا تاپسىرادى. ال باسقا ماماندىقتى تاڭداسا، ۇلتتىق ءبىرىڭعاي تەستىلەۋدەن وتەدى»، - دەپ اتاپ كورسەتتى ساعادييەۆ.
You Might Also Like
-
ق ر پرەمەر-مينيسترى باقىتجان ساعىنتايەۆ ۇبت-2017ء-نى جوعارى دەڭگەيدە وتكىزۋ ءۇشىن مۇقيات دايىندالۋدى تاپسىردى، دەپ حابارلايدى primeminister.kz.
