InfoHub Logo

ق ر ءبىلىم جانە عىلىم ءمينيسترى ەرلان ساعادييەۆتىڭ ايتۋىنشا، بۇگىندە مەملەكەتتىك گرانتتاردىڭ سانىن جەرگىلىكتى بيۋدجەتتەردىڭ ەسەبىنەن كوبەيتۋ باستاماسىن اكىمدىكتەردىڭ وزدەرى قولداپ وتىر، دەپ قازاقپارات xابارلايدى.

«جاستاردى بىلىممەن كەڭىنەن قامتىپ، ولاردىڭ شەتەلگە كەتپەۋىن بولدىرماۋ ماقساتىندا ءبىزدىڭ دەپۋتاتتارىمىز جەرگىلىكتى بيۋدجەتتەردىڭ ەسەبىنەن قوسىمشا گرانتتاردى ءبولۋدى ۇسىنعان بولاتىن. ونى بيۋدجەت كودەكسى مەن ءبىلىم تۋرالى زاڭعا وزگەرىستەر ەنگىزۋ ارقىلى جۇزەگە اسىرۋعا بولادى. ءبىز ءوز كەزەگىمىزدە اتالعان ۇسىنىستى قولدايمىز. اكىمدىكتەر دە كولداپ وتىر. «اتامەكەن» ۇلتتىق كاسىپكەرلەر پالاتاسى دا، ۇكىمەتتىك ەمەس ۇيىمدار دا ونى قولعا الۋ قاجەت دەپ سانايدى. قازىرگى كەزدە ۇكىمەتتىڭ وڭ شەشىمىنە ارنالعان قورىتىندى قۇجات دايىن تۇر»، - دەدى ە.ساعادييەۆ مينيسترلەر كابينەتىنىڭ بۇگىنگى وتىرىسىندا.

ايتا كەتەيىك، بيىل رەسپۋبليكالىق بيۋدجەتتىڭ ەسەبىنەن 31 700 مەملەكەتتىك گرانت بولىنگەن بولاتىن. «سوڭعى بەس جىلدىڭ ىشىندە جالپى گرانتتاردىڭ سانى 31 مىڭنىڭ ماڭايىندا. قازىرگى كەزدە ءبىز دەپۋتاتتاردىڭ قولداۋىمەن گرانت سانىن كوبەيتۋ جولدارىن قاراستىرىپ جاتىرمىز. سونىڭ بىردەن-بىر جولى - جەرگىلىكتى باسقارۋشى ورگانداردىڭ ەسەبىنەن گرانت سانىن ۇلعايتۋ. ارينە، ءبىزدىڭ تۇلەكتەر ءۇشىن ول ۇلكەن كومەك بولادى»، - دەيدى بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى دارحان احمەد-زاكي.

---