بوسانعان انا.
كوكتەمدە دالا بۋسانىپ،
بىرىنە-بىرى بولار ما ۇقساس مۇنشالىق.
تولعاتىپ دالا،
ەسەن-ساۋ انا ۇل تاۋىپ،
بارا جاتادى كوكتەمنىڭ كوكشىل بۇلتى اۋىپ،
تەرشيدى انا،
تەرشيدى دالا قىمتانىپ.
تامىرى ءيىپ،ءتاتتى ءبىر ۇيىقتاپ العاسىن،
انا شايىڭا،
دالا نوسەرگە قانعاسىن،
دالاعا - ديقان،
اناعا ادال جولداسى،
تىڭايتپاق بولىپ،
دايارلاپ جاتىر قالجاسىن.
وسكەندە ءسابي انادان تاۋساپ قورەگىن،
دالادا ءتاي-تاي ساۋساعىن جايار كوك ەگىن.
جەردى - اناما،
انامدى جەرگە تەڭەدىم،
ەكەۋىنەن دە ەگىز ۇقساستىق كورەمىن.
قاپەلىمدە بايقاماي جۇرگەمىن بە؟
قانات ءبىتىپ كەلەدى كۇننەن-كۇنگە.
مىنا ومىردەن ءبىر كەتىپ، ءبىر كەلدىم بە
ءتۇسى بولەك باياعى گۇلدەردىڭ دە،
كىمدەردىڭ دە، كۇن مەنەن تۇندەردىڭ دە
وسى، مەن...
الدە باسقا تۇرگە ەندىم بە؟\'
بال اراداي شىقپايتىن اينالامنان
باۋىر، جولداس، دوس، قۇربى قايدا قالعان
قىسىلتاياڭ كەزدەردە پايدالانعان،
جوقتى قۋعان، قايداسىڭ،
قايران ارمان؟
ارمىسىڭ!
ەسى دۇرىس، ميات-كۇنىم!
ءولىپ قايتا تىرىلگەن سياقتىمىن
جارقىن ءومىر، جان ءومىر، جاسىل شۋاڭ،
الدارىڭدا سەندەردىڭ، ۇياتتىمىن..
الىپ ۇشىپ بارادى قاناتتارىم،
كۇندى ۇزاتىپ، كۇتەمىن تاڭ اتقانىن.
ءدال وسىنداي ساتىڭنەن اداستىرماي،
اداستىرما، وتىنەم، جاراتقانىم!

---