ءبىزدىڭ ءۇي بولاتۇعىن وسى ارادا،
جاتاتىن بۇلاق اعىپ بوساعادا.
ورنى دا وشەيىن دەپ قالىپتى عوي،
ءوتىپتى كوپ ۋاقىت...
توسا ما الدا.
قازىنا بولماسا دا قامباسىندا.
قارىق بوپ وتىراتىن نانعا، سۋعا.
ءتۇتىنى كەرنەيىنەن ءتۇزۋ شىعىپ،
جالعىز ءۇي جاربياتىن جار باسىندا.
ەسكەرمەي تىرشىلىكتىڭ جاراقاتىن،
سوندا دا كۇن شىعاتىن، تاڭ اتاتىن.
بار سىيىن تابيعاتتىڭ ءوزى بەرگەن،.
ءبىزدىڭ ءۇي كەرەگىنە جاراتاتىن.
قارا ورنىڭنان اينالدىم، ۇيام مەنىڭ،
كۇمىستەن ءمۇسىنىڭدى قۇيار ما ەدىم.
...الدەقالاي اسپاننان قۇلاپ تۇسەم،
اياداي بوساعاندى قيار ما ەدىڭ؟..

---