ۇساق باۋىرساق
قاراتاۋ ەلىنىڭ دوساي اۋىلىندا ەسالى دەگەن بولىپتى. ول بالا-شاعامەن دە، كەلىن-كەپشىنمەن دە قالجىڭداسا بەرەتىن اق كوڭىل، اڭقاۋ كىسى ەكەن. ەسالى جازدىڭ ءبىر كۇنىندە تۇركىستان ماڭىنداعى قۇرداسىنىڭ ۇيىنە كەلىپ قونىپ وتىرادى.
جەكجاتى كەلگەن سوڭ ءۇي يەسى قاراپ وتىرسىن با، شاي قويىلىپ، مال سويىلىپ جاتادى. كوپ كەشىكپەي-اق ەسالىنىڭ الدىنا داستارحان جايىلىپ، شاي كەلەدى. كۇنى بويى ءجۇرىپ، ەش جەرگە تۇستەنبەگەن ەسالى الدىنداعى قويدىڭ قۇمالاعىنداي ۇساق باۋىرساقتى ۇشەۋلەپ-تورتەۋلەپ جەپ-ىشىپ وتىرادى.
ەسالىنىڭ بۇل قىلىعىن كۇلكى ەتكىسى كەلگەن الگى ءۇيدىڭ بويجەتكەن قىزى:
— ءسىزدىڭ ەلدە قويدى قوراعا قاماردا نەشەۋدەن ايدايدى؟ — دەيدى.
قىزدىڭ قالجىڭىن تۇسىنگەن ەسالى دەرەۋ تۇسىنە قويىپتى دا:
— قوي توق بولسا بىرتىندەپ ايدايدى، اش بولسا توپتاپ ايدايدى، — دەپتى.
شاي قۇيىپ وتىرعان قىز بەتىن باسىپ، كۇلگەن بويى ۇيدەن تۇرا جونەلىپتى.
You Might Also Like
-
قازىرگى كۋيبىشيەۆ سوۆحوزىندا دەنى سۋناق دەگەن رۋ تۇرادى. بۇدان ءبىر عاسىرعا جۋىق بۇرىن بارلىق سۋناقتار سول جەردەگى تورتكۇل دەگەن توبەنىڭ باسىنا عانا سىيىپ وتىرادى ەكەن. ءوزىنىڭ كەدەيلىگىنە قاراماي سەر...
-
الەم كۇن سايىن جاڭارۋدا. كۇن سايىن ءتۇرلى جاڭالىقتار اشىلۋدا. كۇن سايىن جاڭا جوبالار ىسكە اسىرىلۋدا. كۇن سايىن بۇل ءومىردىڭ بىزگە دايىنداعان سىيى ارتۋدا. سوندىقتان ءار كۇنگە جاڭاشا كوزقاراسپەن قاراۋعا...
