InfoHub Logo

قازىرگى كۋيبىشيەۆ سوۆحوزىندا دەنى سۋناق دەگەن رۋ تۇرادى. بۇدان ءبىر عاسىرعا جۋىق بۇرىن بارلىق سۋناقتار سول جەردەگى تورتكۇل دەگەن توبەنىڭ باسىنا عانا سىيىپ وتىرادى ەكەن. ءوزىنىڭ كەدەيلىگىنە قاراماي سەرى، ءارى ماقتانشاق اتامىز — قالمىرزا دەگەن ءسانقوي ەكەن. تورتكۇل باسىنداعى كىسىلەر ءار كەشتە اۋقاتتارىن ءىشىپ بولىپ، ءبىر جەرگە جينالىپ اڭگىمە-دۇكەن قۇرادى ەكەن. قالمىرزا ءوزىنىڭ كەدەي، جوق-جۇقا ەكەنىن بىلدىرمەۋ ءۇشىن، قاتىقسىز قارا كوجەسىن ءىشىپ بولىپ، مۇرتىن ساقالىق بارماق باسىنداي ءوزىنىڭ ساقتاپ جۇرگەن مايىمەن مايلاپ:

— بۇگىن ەت وتە مايلى ەكەن. بالالار بۇگىن قاساپتان ەتتىڭ ەڭ مايلى جەرىن الىپتى، — دەپ ءبوسىپ وتىرعاندا، ەڭ كىشى ۇلى جۇگىرىپ كەلىپ:

— اتا، سەنىڭ مۇرتىڭدى مايلاپ جۇرگەن مايىڭدى الا مىسىق جەپ كەتتى، — دەيدى.

ءسويتىپ، ۇلى اتاسىنىڭ وتىرىك ماقتانعانىن ءبىر اۋىز سوزبەن ايتىپ بەرىپتى.

---