ۇشاقتا تەلەفوندى ءوشىرىپ قويۋدىڭ قاجەتى نە: اۋە كومپانيالارىنىڭ تۇسىنىكسىز 5 جوراسى
ۇشۋ جانە قونۋ كەزىندە جولاۋشىلاردان نە ءۇشىن ورىندىقتاردىڭ ارقالىقتارىن تىكتەپ قويۋدى وتىنەتىنىن جانە سالونداعى شامداردى ءوشىرىپ تاستايتىنىن ءبىلىپ الىڭىز.
ۇشاق سالونىندا ءبىرىنشى رەت وتىرعان كىسى «اندا بارما»، «بۇلاي وتىرما»، «مىنانى قوسپا» دەگەن سياقتى ءراسىم-جوسىقتار مەن ەرەجەلەردىڭ كوپتىگىنە اڭ-تاڭ بولارى انىق.
ءبىز اۋە كومپانيالارىنىڭ 5 تۇسىنىكسىز جوراسىن تاڭداپ الىپ، نە ءۇشىن جولاۋشىلاردان ول جورالاردىڭ ساقتالۋىن تالاپ ەتەتىنىن ءتۇسىندىرىپ شىعۋدى ۇيعاردىق.
نەگە ۇشاق قونعان جانە ۇشقان كەزدە شامداردى ءوشىرىپ تاستايدى؟
ەگەر وسىلاي ىستەسە اسپاندى تاماشالاۋعا جاقسى بولادى دەپ ويلاساڭىز، قاتتى قاتەلەسەتىنىڭىزدى ايتۋعا ءتيىسپىز. بۇل تالاپ تەك قاۋىپسىزدىك ەرەجەلەرىنەن تۋىنداپ وتىر. بار گاپ ۇشاقتىڭ ۇشۋى مەن قونۋى — ۇشقىشتاردىڭ ەڭ ءقاۋىپتى مانيەۆرلەرى ەكەندىگىندە.
سوندىقتان، بۇنداي قاۋىپسىزدىك شارالارىنىڭ قاجەت بولاتىن سەبەپتەرىنىڭ ءبىرى: وقىس جاعداي بولا قالسا، ۇشاق ەكيپاجى جان-جاعىن كورە الاتىن بولۋى كەرەك. تۇندە جول جۇرگەندە سالونداعى شامى وشىرىلەتىن اۆتوكولىكپەن انالوگيا جاساپ كورۋگە بولادى.
ۇشاقتا وتىرعاندا تەلەفوندى نەگە ءوشىرىپ قويۋ كەرەك؟
«ۇشۋ كەزىندە سىزدەردەن ۇيالى تەلەفوندارىڭىزدى ءوشىرىپ قويۋدى جانە باسقا دا ەلەكتروندى تەحنيكا تۇرلەرىن پايدالانباۋدى وتىنەمىز»، — ءاربىر جولاۋشى كەز كەلگەن رەيستە وسىنداي حابارداندىرۋلاردى ەستيدى.
اقيقاتىن ايتساق، اتالعان اسپاپ-قۇرالدار اۋە كەمەلەرىنىڭ راديوقۇرىلعىلارى ءۇشىن سونشالىقتى قاتەر توندىرمەيدى. اۋە تەحنيكاسى پايدالاناتىن جيىلىكتەردىڭ تۇرمىستىق زاتتاردىڭ سيپاتتاماسىنان ايتارلىقتاي ايىرماشىلىعى بار.
ۇشىپ كەلە جاتىپ ۇشقىش ايتىپ جاتقان حابارلاندىرۋ ەستىلمەي، دىبىس جوق بولىپ كەتەتىنىن بايقاۋىڭىز مۇمكىن. بۇل جولاۋشىلاردىڭ ءبىرىنىڭ قوسۋلى تۇرعان تەلەفونىنىڭ كەسىرىنەن بولىپ تۇر.
الايدا بۇل كەدەرگىلەر بولار-بولماس قانا، ونىڭ ۇستىنە قازىرگى زامانعى ۇشاقتاردا ولاردىڭ اسەرى جوقتىڭ قاسى، ءبىراق، ونداي كەدەرگىلەردى بولدىرماۋ ءۇشىن، ۇشۋ جانە قونۋ كەزىندە ءبارىبىر تەلەفونداردى ءوشىرىپ قويۋدى وتىنەدى.
ۇشۋ جانە قونۋ كەزىندە نە ءۇشىن ورىندىقتاردىڭ ارقالىقتارىن تىكتەپ قويۋدى وتىنەدى؟
بۇل ەندى تۇسىنىكتى: تىك تۇرعان ارقالىق سىزگە جانە باسقا جولاۋشىلارعا ارى-بەرى وڭاي وتۋگە مۇمكىندىك بەرەدى.
بۇعان قوسا، وقىس جاعداي بولا قالسا، ارقالىقتاردىڭ ءدال وسىلاي تىك تۇرۋى سىزگە دە، ارتىڭىزدا وتىرعان جولاۋشىعا دا جاقسى قورعانىش بولادى.
ءدال وسى سەبەپتى ورىندىقتارعا ورناتىلعان تاقتالار مەن ميني-ستولدار دا جيناۋلى تۇرۋى ءتيىس. ورىندىق ارقالىقتارىنىڭ وسىلاي تىك تۇرۋى مەن قاۋىپسىزدىك شارالارىنىڭ ساقتالۋى ۇشۋ كەزىندەگى ءار ءتۇرلى قىزىق-شىجىقتار مەن ءقاۋىپتى جاعدايلاردىڭ بولۋ مۇمكىندىگىن ازايتادى.
بۇكىل كوماندا مەن جولاۋشىلار ۇشاق بورتىنا جينالىپ بولعان كەزدە boardong completed دەپ نەگە ايتادى؟
Boarding completed دەگەن ءسوز جولسەرىكتەرگە (ستيۋاردەسسالارعا) ارنالعان ىشكى ينسترۋكسيا. بۇل ءسوز جولاۋشىلار ءۇشىن ايتىلمايدى.
اعىلشىن ءتىلى حالىقارالىق اۆياسيا ءتىلى بولعاندىقتان، بۇكىل دۇنيە ءجۇزىنىڭ اۋە كومپانيالارى ءبىرىن ءبىرى ءتۇسىنۋى ءۇشىن، ءدال وسى تىلدە ايتىلادى.
ۇشاق ۇشىپ شىققان كەزدە جانە كەلىپ قونعان كەزدە بەرىلەتىن دىبىستىق سيگنال نەنى بىلدىرەدى؟
دىبىستىق سيگنال Cabin crew take your seats دەپ اۋدارىلادى. بۇل ەكيپاجدىڭ كابيناسىنا بەرىلەتىن حابارلاما، ولار ورىندارىنا وتىرۋلارى ءتيىس ەكەنىن بىلدىرەدى.
وقۋعا كەڭەس بەرەمىز:
ۇشاق جايلى ءسىزدى تولعاندىرعان 8-سۇراقتىڭ جاۋاپتارى
اۆياسيا جانە اۆياساياحاتتار جايلى قىزىقتى دەرەكتەر
ۇشاقتار اسپاندا نەگە اق ءىز قالدىرادى؟
You Might Also Like
-
جامبىل وبلىسى ت.رىسقۇلوۆ اۋدانى قۇلان اۋىلى قۇلان شاعىن ورتالىقتى مەكتەپ-گيمنازياسىنىڭ وقۋشىسى جاقان دانيار
-
بۇلقىشيەۆ باۋبەك (1916، قاراعاندى وبلىسى ۇلىتاۋ اۋدانى — 1944، ۋكراينا، دنەپرو-پەتروۆسك وبلىسى سوفيەۆسك اۋدانى) — جازۋشى. شىعارمالارىن قازاق، ورىس تىلدەرىندە جازعان. قارساقبايداعى فزو مە...
