ۇستاز اتى – بيىك، ءارى ماڭگىلىك
№ 182 مەكتەپتە وتكىزىلگەن مۇعالىمدەر كۇنى مەرەكەسىنە ارنالعان «ۇستاز اتى – بيىك، ءارى ماڭگىلىك» اتتى مەرەكەلىك جيىن
ماقساتى: وقۋشىلاردى ۇستازدى قۇرمەتتەۋگە، سىيلاۋعا ۇيرەتۋ، ۇستاز ماماندىعىنىڭ قىرى مەن سىرلارىن ءتۇسىندىرۋ. ۇستاز ەڭبەگىن ءارقاشان باعالاي بىلۋگە ۇيرەتۋ.
كورنەكىلىكتەر: قاناتتى سوزدەر، گۇلدەر، جالاۋشا، شارلار.
بي: «اقبۇلاق»
ءى جۇرگىزۋشى: ۇلىلىقتىڭ ۇيىتقىسىنان جارالعان،
ونەگەڭنەن بارلىق شاكىرت ءنار العان.
شاپاعاتتى شۋاق سەپكەن ۇستازدار،
وزدەرىڭنەن باستاۋ الار بار ارمان.
ءىى جۇرگىزۋشى: ۇستازدار جاقسىلىقتىڭ جول اشارى،
قولىڭدا شاكىرتىڭنىڭ بالا شاعى.
ءومىردى العا قاراي ورلەتەتىن،
سەندەردە ۇلى وتاننىڭ بولاشاعى –
ءى جۇرگىزۋشى: ۇستاز ... قانداي قاسيەتتى ءسوز! ءار ادامنىڭ جۇرەگىنە ەرەكشە جىلۋلىق
نۇرىن سەبەتىن اياۋلى تۇلعا بەينەسىمەن وزەكتەس ۇعىم. ادام بالاسىنىڭ جۇرەگىندەگى ءقادىر تۇتىپ، قۇرمەتتەيتىن ەكى ۇعىم بولسا، ونىڭ ءبىرى – ۇستاز.
ءىى جۇرگىزۋشى: دۇرىس ايتاسىڭ ۇلجان.
«ۇستاز» دەگەن ءسوز قازاق بالاسى ءۇشىن قاشاندا قاسيەتتى، ءقادىرلى بولعان.«ۇستازدان تاربيە العان » نەمەسە «ۇستاز الدىن كورگەن» دەگەن سوزدەر «انا تاربيەسىن العان» دەگەن سوزدەرمەن ۇشتاسىپ جاتادى.
ءى جۇرگىزۋشى: ءيا، جەڭىسبەك.
ۇرپاق تاربيەسى – ۇستازعا بايلانىستى. «ۇيادا نە كورسەڭ، ۇشقاندا سونى ىلەرسىڭ » دەگەندەي ونەگەلى ۇستازدان جاقسى شاكىرت شىعاتىنى ءسوزسىز.
ءىى جۇرگىزۋشى: ۇستاز – ۇلاعاتتى ەسىم. شاكىرتتەرىن ءبىلىم نارىمەن سۋسىنداتىپ، ءتالىم – تاربيە بەرۋ، جاقسى قاسيەتتەردى بويىنا دارىتىپ، ادامگەرشىلىك رۋحتا باعىت – باعدار بەرۋدە ەڭبەگى زور.
ءى جۇرگىزۋشى: شاكىرتتەرگە ءبىلىم بەرۋدە ۇستازداردىڭ ەڭبەگى ۇشان تەڭىز. سوندىقتاندا ۇستاز ءاردايىم قاسيەتتى تۇلعا رەتىندە ەرەكشەلەنەدى.
ءىى جۇرگىزۋشى: ولاي بولسا، ءقادىرلى ۇستازدار!
سىزدەردى ءتول مەرەكەلەرىڭىزبەن شىن جۇرەكتەن قۇتتىقتايمىز.
ءى جۇرگىزۋشى: سىزدەردىڭ شاكىرتتەردى تاربيەلەپ، ءبىلىم بەرۋ جولىنداعى ەڭبەكتەرىڭىز جانا بەرسىن.
ءى، ءىى جۇرگىزۋشى: ەڭبەكتەرىڭىزگە تابىس، وتباسىلارىڭىزعا باقىت، مەرەيلەرىڭىز ۇستەم بولا بەرسىن دەمەكپىز.
ءى جۇرگىزۋشى: ولاي بولسا بۇگىنگى مەرەكەگە ارنالعان «ۇستاز اتى – بيىك ءارى ماڭگىلىك» اتتى مەرەكەلىك جيىنىمىزدى اشۋ ءۇشىن مەكتەپ باسشىسى عالىمبەك اعايعا بەرەمىز. راحمەت، اعاي!
«توي باستار» ءانىن قابىل الىڭىزدار. ورىندايتىن 8 – كلاسس وقۋشىسى سەيدىلدا جۇلدىز.
ءىى جۇرگىزۋشى: كەلەسى تىڭدايتىن اندەرىڭىز «ۇستازىم» ورىندايتىن 10 – كلاسس وقۋشىسى سىلتەۋ مادينا.
ءى جۇرگىزۋشى: ۇستاز! وسى ءبىر ءسوزدىڭ وزىندە قانشاما ءمان – ماعىنا، قاسيەتتى ۇعىم جاتىر. ۇستاز الدىنان وتپەيتىن ەشكىم جوق. جۇرەكسىز ءومىر بولماسا، ءمۇعالىمسىز ءبىلىمنىڭ، تاربيەنىڭ ىسكە اسپايتىنى بەلگىلى. نەبىر دانىشپان ادامدار، قاراپايىم ەڭبەككەرلەر، ءتىپتى ارمان قۋعان جەتكىنشەكتەر دە ءبارى ءبىر ادامعا قارىزدار.
ءىى جۇرگىزۋشى: ءيا، ول – ۇستاز! ۇستازسىز ءومىردىڭ ناقتى تۇتقاسىن ۇستاۋ مۇمكىن ەمەس. ادامدى تاربيەلەپ، ونى ازامات اتاندىرۋدىڭ ءوزى ءبىر ۇلكەن كۇش، سوندىقتان دا ۇستازدىڭ ەڭبەگى – ۇلى ەڭبەك.
عىلىم يەسى عالىم دا، ەل قورعاعان باتىر دا، تىلىنەن بال تامعان اقىن دا، تەگەۋرىنى تەمىر بالقىتقان جۇمىسشى دا، ەگىن سالعان ديقان دا، مال باعىپ تەر توككەن شوپان دا ءبارى – ءبارى ۇستازدان ءتالىم العان، سوندىقتان بارلىق قۇرمەت ۇستازدارعا ارنالادى.
ءى جۇرگىزۋشى: ولاي بولسا ۇستازدارىمىزدىڭ قۇرمەتىنە اۋىل اكىمى ءبيبىسارا اپايدىڭ جىلى لەبىزىن تىڭداساق.
راحمەت، اپاي!
ءىى جۇرگىزۋشى: «قازاق قىزى» ورىندايتىن 8 – كلاسس وقۋشىسى قۋانىشباي ءابدۋالي.
ءى جۇرگىزۋشى: ۇستاز ءسوزىن ايتىپ جۇردىك ءان قىلىپ،
ودان باسقا جۇرگەن كىم بار جاندى ۇعىپ،
ۇستاز دەگەن – ۇلىلاردىڭ ۇلىسى،
قاسيەتىنە باس يەيىك ماڭگىلىك! – دەپ كەلەسى مەرەكەلىك قۇتتىقتاۋ ءسوزدى ارداگەر ۇستاز كەمال اعايعا بەرەمىز. راحمەت، اعاي!
ءىى جۇرگىزۋشى: «ۇستازىما» ورىندايتىن 7 – كلاسس وقۋشىسى جەتكەرباي گۇلزات.
ءى جۇرگىزۋشى: «مەكتەپ – ءبىلىم تىرەگى، ۇستاز - ونىڭ جۇرەگى» - دەپ عۇلاما اعالارىمىز ايتقانداي، جەڭىسبەك مەنىڭ ويىمشا، كەز – كەلگەن ادام ۇستاز بولا المايدى.
ءىى جۇرگىزۋشى: ولاي ويلاۋىڭنىڭ سەبەبى نەدە؟
ءى جۇرگىزۋشى: سەبەبى ۇستازدىق - ونەر، تاعىلىمى تەرەڭ ونەر. ال ونەرلى بولۋ كەز – كەلگەن ادامعا قونا بەرمەيدى.
ءىى جۇرگىزۋشى: ولاي بولسا، شىن ۇستاز بولۋ ءۇشىن تابيعي دارىن، ىزگىلىكتى ىزدەنىس پەن ەرەن ەڭبەككە ۇشتاستىرىلۋى شارت.
ۇلجان، «شاكىرتسىز ۇستاز تۇل» دەگەن ءسوز تەگىن ايتىلماسا كەرەك.
ءى جۇرگىزۋشى: ۇستاز دەگەن – جارىق كۇنى عالامنىڭ،
ۇستاز دەگەن – اناسى ول ادامنىڭ.
بۇكىل الەم مويىندايدى ەڭبەگىن،
سەن دە ودان ادام بولىپ جارالدىڭ – دەپ كەلەسى مەرەكەلىك قۇتتىقتاۋ ءسوزدى مەكتەپىشىلىك اتا – انالار ۇيىمىنىڭ ءتوراعاسى مەيرامبەك اعايعا بەرەمىز. راحمەت، اعاي!
ءىى جۇرگىزۋشى: «اسىل دوسىم» ءانى ورىندايتىن 8 – كلاسس وقۋشىسى سەيدىلدا جۇلدىز.
ءى جۇرگىزۋشى: ءمۇعالىم، عازيز ءمۇعالىم،
توگىلگەن اراي، شۋاعىم
ارمانىم قونسا، قولىما،
ارقاڭ دەپ سەنىڭ ۇعامىن.
ءىى جۇرگىزۋشى: ءمۇعالىم، عازيز ءمۇعالىم،
سارقىلماس ماڭگى بۇلاعىم.
ۇلانىڭ بۇگى تويىڭدا،
ارنايدى ساعان بۇل ءانىن.
ءى جۇرگىزۋشى: جەڭىسبەك، ۇستازدىق ەتۋ – ۋاقىت ۇتۋ ەمەس، وزگەنىڭ باقىتىن ايالاۋ، ءوزىنىڭ ۋاقىتىن اياماۋ – دەگەن ەكەن عۇلاما اعالارىمىز.
ءىى جۇرگىزۋشى: دۇرىس ايتاسىڭ، ۇلجان.
التىن ۋاقىتتارىن سارپ قىلىپ، ۇستازدىق ەڭبەگىن شىڭداۋ بارىسىندا كومەگىن اياماي، بالالاردى ءبىلىم نارىمەن سۋسىنداتقان اياۋلى ۇستازدارىمىزدىڭ ەڭبەگى زور.
ءى جۇرگىزۋشى: ولاي بولسا ۇستازدارىمىزعا ارنالعان قۇتتىقتاۋ ءسوزدى مەكتەپىشىلىك ءوزىن - ءوزى باسقارۋ ۇيىمىنىڭ پرەزيدەنتى ءابىلوۆا اقمارالعا بەرەمىز. راحمەت!
ءىى جۇرگىزۋشى: «ۇستازىم» ءانى ورىندايتىن 7 – كلاسس وقۋشىسى جۇماتاي تۇرسىناي.
ءى جۇرگىزۋشى: ۇستاز جولى قيىنىراق باسقادان،
سىرلارى مول ءالى سىرتقا شاشپاعان
شارشاسا دا وسى جولدىڭ بويىندا،
قانداي جاقسى شىن باقىتىن تاپسا ادام – دەي كەلە ەندىگىن مەرەكەلىك قۇتتىقتاۋ ءوزدى مەكتەپ باسشىسى عالىمبەك اعايع بەرەمىز. راحمەت، اعاي!
«دوستار» ءانى ورىندايتىن 10 – كلاسس وقۋشىسى سىلتەۋ مادينا.
ءىى جۇرگىزۋشى: مەكتەپ ءۇيىم، ۇستازدارىم اتا – انام،
سەنەن ءوسىپ، سەنەن عانا ءنار الام.
ساياڭ ىستىق، سەن ماۋەلى بايتەرەك،
تامىرلارى سان تاراپقا تاراعان.
ءى جۇرگىزۋشى: بۇگىنگى كۇن قۇشاقتارى گۇلگە تولسىن،
دەندەرىڭنىڭ ساۋلىعى مىقتى بولسىن.
بىلىمىمەن سۋارعان شاكىرتتەرىن،
ءتول مەرەكەڭ ۇستازدار قۇتتى بولسىن!
ءىى جۇرگىزۋشى: قۇرمەتتى ۇستازدار، قوناقتار!
بۇگىنگى ۇستازدار مەرەكەسىنە ارنالعان «ۇستاز اتى – بيىك ءارى ماڭگىلىك» اتتى مەرەكەلىك جيىنىمىزدى جابىق دەپ جاريالايمىز.
ءى جۇرگىزۋشى: كوڭىل قويىپ تىڭداعاندارىڭىزعا كوپ – كوپ راحمەت!
You Might Also Like
