ۇستاز بەرگەن باعىت
جۇرەكتە تۇرار جالقى ءۇنىڭ،
جانىمنان جالىن جىگەر كۇت.
ۇستازىم، سەنىڭ ءار كۇنىڭ،
ءار ءساتىڭ تۇرعان ءبىر ەرلىك!فاريزا وڭعارسىنوۆا
ۇلىقبەك اتىنداعى جالپى ورتا ءبىلىم بەرەتىن مەكتەبىندەگى ەڭبەككە باۋلۋ ءپانىنىڭ ءمۇعالىمى، مەنىڭ سۇيىكتى ۇستازىم باباحانوۆا گۇلنار قورعانبايقىزىنا ارنايمىن.
ۇستاز-تاۋدان اققان وزەن سەكىلدى، جەر بەتىن نۇرلاندىراتىن، شاكىرتتەرىنە شۋاق سىيلايتىن كۇن-انا.مەن ءۇشىن ۇستاز –ەكىنشى اتا-انام، بولاشاققا ايقىن جول سىلتەر اقىلشى. ونىڭ جۇرەگى مەيىرىمگە تولى.ءبىزدىڭ اعاتتىقتارىمىزدى كەشىرە بىلەدى.. سوندىقتان ۇلگى-ونەگە بولعان سۇيىكتى ءمۇعالىمىمدى ۇستازىم دەپ اتايمىن.
ۇستازىم مەنىڭ، ۇستازىم! وزىڭمەن وتكەن قىس- جازىم. مەنىڭ ۇستازىم-گۇلنار اپايىمنىڭ ءۇنى اسەرلى، اسىقپاي مانەرلەپ سويلەيتىن جان. ونىڭ بويىنان بىزگە دەگەن قامقورلىعى،انالىق سەزىمنىڭ دانا ويدىڭ ىستىق لەبى ەسىپ تۇرادى.ءيا، اپايىم مەنىڭ جانىمدى تۇسىنەدى، رەنجىتپەي، قاتەلىگىمدى سەزدىرەدى. بۇل تەك قانا دۇنيەتانىمى تەرەڭ جانە كەڭ جۇرەكتى ادامنىڭ قولىنان كەلەدى.ول -ناعىز ۇستاز. ءوز كاسىبىن، ءوز ءپانىن، بارلىق شاكىرتىن شەكسىز سۇيەدى.
گۇلنار اپاي-وتە قاراپايىم، سىپايى ادام. كيىم كيىسى، مادەنيەتتى ءسوزى،ادەپتى ءجۇرىس-تۇرىسى، جيناقى ىس-ارەكەتى بىزگە ونەگە.ول بىزگە قۇرمەتپەن قارايدى.العاش باستاۋىش سىنىبىنان كەيىن ورتاڭعى بۋىنعا وتەر ساتتە كىشكەنە قورقاقتاپ، قوبالجىعانىم راس. الايدا سىنىپ جەتەكشىم گۇلنار اپايمەن العاش تانىسۋ ساتىنەن باستاپ، قورقىنىشىم سۋ سەپكەندەي باسىلدى.ول ءوز مەيىرىمدىلىگىمەن باۋراپ الدى .ءبىزدى زور ىقىلاسپەن قارسى الدى.انام قانداي ءقادىرلى بولسا، ۇستازىم دا مەن ءۇشىن قىمبات جانعا اينالدى.
ءالى ەسىمدە ۇستازىمدى كورگەنىم،
ءوز انامداي بولعان ەدى ول مەنىڭ.
سودان بەرى ءمۇعالىمىمدى قادىرلەپ،
ءبىلىم دەگەن اسقار تاۋعا ورلەدىم.
مىنا ولەڭ جولدارى گۇلنار اپايىما ارنالعانداي.ۇستازىمنان تالاي قىزىقتى اڭگىمەلەر تىڭداپ،ومىرلىك كەڭەستەر الۋدامىن.بىردە تاربيە ساعاتىندا ءوز ويىمدى ايتىپ بولعانىم سول ەدى، ۇستازىم ماعان بۇرىلىپ، مەنى ماقتاي باستادى. كەۋدەمدە ماقتانىش سەزىمى بيلەپ، سىنىپتاستارىمنىڭ الدىندا ءوزىمدى تىك ۇستاپ، ىشتەي قۋاندىم.
مەنىڭ اپايىم ەشكىمگە ۇقسامايتىن ەڭبەكقور، ءبىلىمدى، مەيىرىمدى جان. ول كىسى ءار سىنىپ ساعاتىن قىزىقتى ەتىپ وتكىزەدى. مەكتەپتە وتەتىن شارالارعا ءبىزدى دايىندايدى.كوركەمسوز ونەرىنە داۋىس ىرعاعىن ۇيرەتەدى.ءتىپتى ءۇزىلىس كەزدەرىندە قىزىقتى ويىندار ويناتىپ، اڭگىمەلەر ايتىپ،ەڭبەك ساباقتارىندا ادەمى ويىنشىقتار جاساۋعا ۇيرەتىپ قىزىقتىرادى.ءبارىمىزدى ءوز بالاسىنداي كورىپ،اقىل ايتىپ، كوپ نارسەلەردى ۇيرەتىپ جۇرەتىن ارداقتى جان.ومىردە نەعۇرلىم اداسپاي، دۇرىس جولمەن جۇرۋگە ۇيرەتەدى.ءومىر ءسۇرۋدىڭ ءمانىن ۇعىندىرىپ، ونىڭ قىر-سىرىن اشادى. دانا ابايدىڭ مىنا سوزدەرى ەسكە ورالادى: «بەس نارسەدەن قاشىق بول، بەس نارسەگە اسىق بول.ادام بولام دەسەڭىز! وسەك، وتىرىك،ماقتانشاق، ەرىنشەك بەكەر مال شاشپاق».بۇل قاسيەتتەردەن اۋلاق ءجۇرۋ كەرەك. «تالاپ، ەڭبەك، تەرەڭ وي، قاناعات، راقىم ويلاپ قوي». بۇل اسىل قاسيەتتەرگە جاقىن بولۋ كەرەك.ءيا، نەتكەن دانا سوزدەر! اپايىمىز: « دانا ابايدىڭ سوزدەرىن ۇنەمى جادىلارىڭا ساقتاڭدار!»- دەيدى.مىنە ۇستازىمنىڭ بەرگەن باعىتى وسىنداي. مەن گۇلنار اپايىممەن ماقتانامىن دا، ماقتان تۇتامىن.مەنىڭ ۇستازىم ەڭ بەدەلدى، كەرەمەت جان.
عالىم دا، باتىر دا، اقىن دا، مالشى دا، زاڭگەر دە ءبارى-بارى ۇستازدان ءبىلىم، ءتالىم العان.سوندىقتان ۇلاعاتتى ۇستازدارعا بۇكىل ادام بالاسى قۇرمەتپەن باس يەدى.ءبىلىمدى، تاربيەلى، ەل بولاشاعىن ويلايتىن سانالى ۇرپاققا تاربيە بەرەتىن ۇستازىما مىڭ العىس! گۇلنار اپايىم، دەنىڭىز ساۋ بولسىن، بىزگە ءاردايىم ادىلدىكتىڭ، ەڭبەكقورلىقتىڭ، بىلىمدىلىكتىڭ، تاربيەلىكتىڭ ۇلى ۇستازى بولىپ جۇرە بەرىڭىز.ءبىز ،شاكىرتتەرىڭىز، ءاردايىم سىزدەن ۇلگى-ونەگە الىپ، ءبىلىم تاۋىنا تاسىمىزدى دومالاتىپ جۇرە بەرەيىك! ۇستاز، ءسىز، بەرگەن باعىتتان تايماي، تۋرا جولمەن جۇرەمىن دەپ ۋادە بەرەمىن.
شىمكەنت قالاسى №3 جوببم
6 «د» سىنىپ وقۋشىسى قۇدايبەرگەنوۆ رۋسلان
You Might Also Like
-
نەمەرەلەر — ماقتانىم، اشىق بولسىن اسپانىڭ وسىلايشا، بالالار، جىردان شاشۋ شاشقانىم. ءبىرتالاي جۇمىس تاپسىردىم، ءبىلىمىڭدى ارتتىرعىن. اكەڭ مەنەن شەشەڭە جەمىسىڭدى تاتتىرعىن!
-
اقارىس (ءۇيسىن)، جانارىس (سارى كەلىمبەت)، بەكارىس (قارا كەلىمبەت) وسى ۇشەۋىنىڭ ۋاقىتىندا الانشا دەگەن حان بولىپ، حالقىن ۇشكە ءبولىپ، ۇشەۋىنە ءۇش ءجۇز كىسىنى ءۇش ءبولىپ ءۇش جۇزگە باستىق قىلىپ، ءۇيسىندى &laq...
