InfoHub Logo

ۇستازىم مەنىڭ ۇستازىم،

وزىڭمەن ءوتتى قىس جازىم.

قالدىرعان ءىزىڭ ماڭگىلىك،

جادىمدا تۇرار جاڭعىرىپ،

ۇستازىم مەنىڭ ۇستازىم.

بۇل ولەڭ جولدارىن بىلمەيتىن پەندە كەمدە كەم شىعار. بەينە ءبىر گيمنىمىزدەي بولىپ ۇلاعىمىزعا ءسىڭىپ جۇرەگىمىزدىڭ تورىنەن ورىن العان جاقسى ءان عوي. ۇستاز ۇلى تۇلعا! ادەمى ايتىلعان ءسوز. وسىنداي ءبىر كەرەمەت سوزگە ۇڭىلەتىن بولسام، ۇستازسىز شاكىرت قاناتسىز قۇس دەگەن ماقال ەسىمە تۇسەدى. قۇس سەكىلدى قاناتىڭدى كەڭگە سامعاپ بيىككە ۇشۋىڭ ءۇشىن ەڭ ءبىرىنشى ۇستاز كەرەك ەكەن. ۇستازدارىمىزدىڭ ارقاسىندا ەڭ ءبىرىنشى پارتاعا قالاي وتىرۋدى، قالامدى دۇرىس ۇستاۋدى ۇيرەندىك.

ەندى مىنە سەكسەن جىلدان اسا تاريحى بار قوقىتتاي بابامىزدىڭ اتىنداعى كيەلى ۋنيۆەرسيتەتتە، مەكتەپتەى ۇزدىك وقىپ مەملەكەتتىك گرانت يەگەرى اتانىپ جوعارعى بىلىممەن سۋسۋنداپ جاتقانىمىز ارينە ۇستازداردىڭ ەڭبەگى. ءارى قاراي تاربيەمىزدى جالعاستىرىپ جوعارعى ءبىلىم بەرىپ بىزدەرگە تۋرا جول كورسەتىپ جاتقان وقىتۋشى  پروفەسسور اعاي اپايلارىمىزعا راحمەتىمىزدى ايتامىز. اكە شەشەلەرىمىزدىڭ كەيدە ۇستازدارىن قالاي قۇرمەتتەگەندەرىن ەستىگەندە ەرتەگىدەي ەستىلەدى.

سوندا بىزدەردىڭ ۇساقتالىپ كەتكەنىمىز بە؟ الدە زامانىمىز سونداي تاربيە بەرىپ جاتىر ما؟ جوق ءبارى دە ءوز قولىمىزدا! دوستار ۇلكەنگە قۇرمەت، كىشىگە ىزەت ءبىلدىرۋدى ءبىرىنشى ورىنعا قويايىق. تاربيەسىز العان ءبىلىم ول ءبىلىم ەمەس دەمەي مە؟ بولاشاق ءبىزدىڭ قولىمىزدا. سوندىقتان دا سانالى ءبىلىم مەن قازاقى تاربيەمەن ۇيدەگى اتا انامىزدىڭ ءۇمىتىن اقتايتىن ۇستازدارىمىزدىڭ مارتەبەسىن كوتەرىپ جۇرەتىن قازاقستانىمىزدىڭ ءوسىپ وركەندەۋىنە ۇلەس قوسا الاتىن ءۇش ءتىلدى ەركىن مەڭگەرگەن، باسەكەلەستىكتە جەڭىپ شىعاتىن ۇرپاق بولىپ وسەمىز.

قۇرمەتتى دە ءقادىرلى ۇستازدارىمىزدى جوعارى ىلتيپاتەن قۇرمەتتەيمىز. بىزدەر ءۇشىن ۇستاز مارتەبەسى ەڭ جوعارى بيىكەتە. ۇستازدار مەرەكەلەرىڭىز قۇتتى بولسىن! سىزدەر ءۇشىن بيىلعى وقۋ جىلى جاقسى جەتىستىككە جەتەتىن، بەرەكەلى دە ابىرويلى جىل بولسىن! دەندەرىڭىز ساۋ بولسىن! اۋىرماڭىزدار! جانۇيالارىڭىزدان تىنىشتىق پەن بەرەكە جىلۋى كەتپەسىن!

---