ۇستازىن كۇتكەن سىنىپ
5-سىنىپتىقتاردىڭ مەكتەپتەن مۇعالىمدىك تاجىريبەدەن ءوتۋ كەزىندە وزدەرىنە سىنىپ جەتەكشىلىك جاساعان جانە ساباق بەرگەن اپايلارىن قايتادان كۇتىپ جۇرگەندەرىنە دە ءبىرشاما ۋاقىت بولىپ قالعان ەدى. سەبەبى اپايلارى بۇلارعا سەندەردى تاعى دا ىزدەپ كەلەمىن دەگەن.
وزدەرىنىڭ سىنىپتارىنان مۇعالىمدىك تاجىريبەدەن وتكەن جاس ستۋدەنت قىزعا 5-سىنىپتىقتار از عانا ۋاقىتتا ابدەن-اق باۋىر باسىپ قالعان ەدى. ەندى سول اپايلارى قايتار كەزدە بۇلارمەن قوشتاسىپ تۇرىپ، سەندەردى تاعى دا ىزدەپ كەلىپ تۇرامىن دەپ ۋادە بەردى. سودان بەرى 5-سىنىپتىقتار اپايلارىن كۇتىپ ءجۇر.
ءدال ەڭ سوڭعى كۇنى بۇلارعا اپايلارىمەن قوشتاسۋ وڭايعا تۇسكەن جوق. ولار اپايلارىن ودان دا ءارى شىعارىپ سالماق ەدى، ءبىراق اپاي بۇلارمەن اۋلادا قوشتاسۋدى ءجون سانادى. سول كۇنى 5-سىنىپتىقتاردىڭ جانارلارى كادىمگىدەي جاساۋراپ تۇردى. ءتىپتى اپايدىڭ ءوزىنىڭ دە جانارى جاساۋراپ تۇرعانداي كورىنگەن. سونان سوڭ بۇلارعا مەن سەندەردى تاعى دا ىزدەپ كەلىپ تۇرامىن دەدى.
ەندى، مىنە، سودان بەرى ءبىرشاما ۋاقىت ءوتتى. ءبىراق اپايلارى كەلگەن جوق.
الدە اپايلارى بۇلاردى ۇمىتىپ كەتتى مە؟ ال بۇلار شە؟.. اپايلارىنىڭ ايتقانىن قىلمادى ما؟ قىلدى عوي. وقۋدان تىس ۋاقىتتاعى
ءىس-شارالاردىڭ كەزىندە ونىڭ جانىندا شۇپىرلەپ جۇرمەدى مە؟ ءجۇردى. باسقا سىنىپتارداعى وسىنداي اپايلاردىڭ الدىندا ءوز اپايلارىن ۇياتقا قالدىرماۋعا تىرىسپادى ما؟ تىرىستى. ءتىپتى باسقا مۇعالىمدەرگە كەلگەندە قىرسىق مىنەز تانىتاتىن ۇلداردىڭ ءوزى دە تىرىستى. ەندەشە، اپايلارى وسىنىڭ ءبارىن قالاي عانا ۇمىتادى؟! ەگەر اپايلارى وسىنىڭ ءبارىن ۇمىتىپ كەتەتىن بولسا، وندا ادىلدىك بولماعانى.
الدە... الدە اپايلارى بۇلاردى جاي سوزبەن الدارقاتا سالدى ما؟ باسقا ادام الدارقاتسا، الدارقاتسىن، كەيدە ءتىپتى اكە-شەشەڭنىڭ ءوزى دە الدارقاتا سالۋى مۇمكىن. ءبىراق اپايلار ولاي ەتپەسىن. ەگەر اپايلار ولاي ەتسە، شاكىرت كۇمبەزدىڭ كۇلدىرەۋىشى شىتىنار... جوق! اپايلارى الدارقاتا سالعان جوق. ول كەلەدى!..
قىز كويلەگىن كيىپ كوكتەم دە كەلدى. 5-سىنىپتىقتار وسى ءبىر كوكتەمنىڭ ۇنىنە ىلەسىپ، سىنىپقا اپايلارى كۇلىمدەپ كىرىپ كەلەتىندەي ەلەگىزىدى. ءبىراق اپاي كەلگەن جوق.
كوپ ۇزاماي مەكتەپ ءوزىنىڭ كەزەكتى ءبىر وقۋ جىلىنىڭ اياقتالعانىن قوڭىراۋ ۇنىمەن ءبىلدىردى. 5-سىنىپتىقتاردى جازعى كانيكۋلدارىنا شىعارىپ سالدى. ولاردى ەندى 6-سىنىپتىڭ ساباقتارى كۇتىپ تۇر. وسى ءبىر جىل وزدەرىن تىم ەسەيتىپ جىبەرگەندەي سەزىندى.
مۇمكىن اپايلارى بۇلاردى 6-سىنىپتا ىزدەپ كەلەتىن بولار؟! سويتەدى ءالى! ويتكەنى اپايلار ەشقاشان دا الدامايدى!
You Might Also Like
-
ەجەلدە قورعانداردى ەلدى مەكەندەردىڭ، ال كەيىن قالالاردىڭ اينالاسىنا سالعانى بەلگىلى – بۇل ولاردى سىرتقى جاۋدان قورعايتىن بولعان. الايدا ولار مەملەكەت اينالاسىنا دا سالىنعان، ءبىراق وتە سيرەك ج...
-
ەلىمىزدىڭ ماقتان تۇتار ايماقتارىنىڭ ءبىرى - ۇلان-بايتاق دالا ەكەنى جاسىرىن ەمەس. دارحان قازاق كوڭىلى وسى كەڭ دالامەن تىعىز بايلانىستى. كەڭەس ءداۋىرى باسشىلىعىنىڭ كۇشتەپ ەگىنشىلىككە باۋلۋىنا قاراماستا...
