مەملەكەتارالىق قورعانداردى كىم جانە قاشان سالدى؟
ەجەلدە قورعانداردى ەلدى مەكەندەردىڭ، ال كەيىن قالالاردىڭ اينالاسىنا سالعانى بەلگىلى – بۇل ولاردى سىرتقى جاۋدان قورعايتىن بولعان. الايدا ولار مەملەكەت اينالاسىنا دا سالىنعان، ءبىراق وتە سيرەك جاعدايدا. بۇل ءداستۇر قايتا جاندانىپ جاتقانعا ۇقسايدى.
ريم دۋالدارى. ۆارۆارلاردىڭ شابۋىلىنان قورعايتىن ريم يمپەرياسىنىڭ ءى-ىى عاسىرلارداعى قورعانىس قۇرىلىس جۇيەسى. كارپاتتار مەن قارا تەڭىز اراسىندا قۇراستىرىلعان ترايان دۋالى. بريتانيانىڭ ريم ايماعىن قورعاۋ ءۇشىن 122 جىلى ادريانوۆ (100 كم) جانە انتونينوۆ (50 كم) دۋالدارى تۇرعىزىلعان. ۇزىندىعى 368 كم قۇرايتىن جوعارعى المانيالىق دۋال. افريكانىڭ شەكاراسىنا تريپوليتان دۋالى سالىنعان.
جۇڭگو. رەسمي تۇردە ۇلى جۇڭگو قورعانى سولتۇستىگىندەگى عۇن جانە دۋنحۋ سياقتى كوشپەلى تۇركى تايپالاردان قورعانۋ ءۇشىن ب.ز.د. ءىىى عاسىردا سالىنا باستادى. جانە دە 1620 جىلى سالىنىپ ءبىتتى. ۇزىندىعى – 5000 كم. ا.ت.فومەنكونىڭ گيپوتەزى بويىنشا جۇڭگو مەن رەسەي اراسىنداعى قورعاندى ب.د. XVII عاسىردىڭ سوڭىندا سالعان. قازىردە قايتا قالپىنا كەلتىرىلگەن ايماق تۋريستەردىڭ ءجيى كەلەتىن مەكەنى.
المانيا. ەڭ سيمۆوليكالىق (شىعىس-باتىس ەكى جۇيەنىڭ شەكاراسى)، سونىمەن قاتار از وتكىزەتىن بەرلين قابىرعاسى – گەرمان دەموكراتيالىق رەسپۋبليكاسى مەن باتىس بەرليننىڭ مەملەكەتپەن بەكىتىلگەن شەكاراسى. 13 تامىز 1961 جىلى تۇرعىزىلىپ، 1989 جىلى حالىق كۇشىمەن بۇزىلعان. قاشىقتىعى 155 كم، ونىڭ ىشىندە بەرلين اۋماعىندا 43 كم. ەڭ كوپ سىنعا الىنعان جانە ءاجۋالانعان قابىرعا بولىپ سانالادى.
اقش مەكسيكامەن اراعا ءوز قابىرعاسىن سالدى.
مەكسيكا. 2005 جىلدىڭ جەلتوقسانىندا امەريكا-مەكسيكا شەكاراسىنىڭ ايماعىندا قابىرعا تۇرعىزۋ جۇمىسى باستالدى. ماقسات – كونتراباندا اعىمى مەن ميگرانتتاردىڭ اقش-قا زاڭسىز ءوتۋىن قىسقارتۋ. قورشاعان ورتانى قورعاۋ زاڭىن ۇستانۋ تالابى ورىندالماۋىنان قورىق شەكارالارىنا 800 كم-دەي قابىرعا تۇرعىزىلدى. بۇل جۇڭگو قورعانىنان كەيىنگى ەكىنشى ورىندى الادى. الايدا مەكسيكالىقتار ءالى دە بۇل قورعانداردان جاسىرىن ءوتىپ كەلەدى، ءبىراق جانۋارلارعا ءقاۋىپ ءتونىپ تۇر. قابىرعا كۇندەلىكتى مىڭداعان جانۋاردىڭ ولىمىنە سەپ بولىپ وتىر. تاسباقالار، مىسالى، مۇنداي بوگەتتى ءتىپتى باعىندىرا المايدى، ال ەگەر قانداي دا ءبىر جانۋار جىرتقىش اڭنان قاشىپ كەلە جاتىپ، وسى قابىرعاعا كەلگەندە امالسىز بەرىلۋىنە تۋرا كەلەدى.
يزرايل. ءيزرايلدى يوردان وزەنىنىڭ باتىس جاعالاۋىنان ءبولىپ تۇراتىن دۋال. الەمدە Wall of Shame(ماسقارا دۋالى) اتاۋىمەن تانىمال. ۇزىندىعى – 703 كم. 2003 پەن 2005 جىلدار ارالىعىندا سالىندى. ماقساتى....
ۆەنگريا. ۇلى ۆەنگر قورعانى. ۆەنگريا مەن حورۆاتيا شەكاراسىندا قورعان سالۋ جۇمىسى باستالدى. سەربيا اۋماعىنداعى شامامەن 170 كم قۇرايتىن شەكارالىق قورعان سالىنىپ ءبىتتى. حورۆاتيا شەكاراسى مەن قاتار ۆەنگريا رۋمىنيا اراسىندا دا قورعان تۇرعىزۋعا شەشىم قابىلدادى. وسىليشا ريم يمپەرياسىنىڭ تاريحى ەۋرووداق تۇرىندە قايتالانىپ جاتىر.
You Might Also Like
-
جانۋارلاردىڭ كوبى وسىمدىكپەن قورەكتەنەتىنىن جاقسى بىلەمىز. الايدا ءتيىن سياقتى جانۋارلار قىس مەزگىلىنە تاعام قورىن ساقتامايدى، ال سۋىق تۇسكەندە وسىمدىكتەردىڭ ءبارى سولىپ قالادى.
-
5-سىنىپتىقتاردىڭ مەكتەپتەن مۇعالىمدىك تاجىريبەدەن ءوتۋ كەزىندە وزدەرىنە سىنىپ جەتەكشىلىك جاساعان جانە ساباق بەرگەن اپايلارىن قايتادان كۇتىپ جۇرگەندەرىنە دە ءبىرشاما ۋاقىت بول...
