InfoHub Logo

كوز استىندا قارا داقتىڭ پايدا بولۋىنا كوپتەگەن فاكتورلار سەبەپ بولۋى مۇمكىن. ودان قۇتىلۋ دا تاجىريبە كورسەتكەندەي، وڭاي ەمەس. كوبى دارىگەرگە كورىنۋگە، كۇن ءتارتىبى مەن تاماقتانۋ ءتارتىبىن ۇستانۋعا جانە تابيعي كومپونەنتتەردەن تۇراتىن كومپرەسستەر جاساۋعا كەڭەس بەرەدى.

Bilim-all.kz جانارىڭىزعا كورىك بەرەتىن 10 قاراپايىم ءادىستى ۇسىنادى.

القىزىل سۋ

^{© Apollofoto/shutterstock.com}

القىزىل سۋ تەرىڭىزدى ىلعالداندىرادى جانە نارلەندىرەدى، ىسىكتەن ارىلۋعا كومەكتەسەدى، قىزارۋ مەن قىشۋدى باسادى، سونىمەن قاتار اعارتاتىن جانە جاسارتاتىن قاسيەتكە يە.

ونى دۇكەن سورەلەرىنەن تابۋ قيىن ەمەس، ءبىراق ەگەر قانداي دا ءبىر سەبەپتەرمەن ساتىپ الا الماساڭىز، وندا ۇيدە جاساپ كورۋگە تىرىسىڭىز.

ول ءۇشىن سىزگە:

- راۋشاننىڭ جاس گۇلجاپىراعى

- 1 ستاقان قايناعان سۋ قاجەت بولادى.

دايىنداۋ:

- القىزىل گۇل جاپىراقتارىن جۋىپ، كىشكەنتاي تەگەشكە سالىپ قويىڭىز.

- ۇستىنە قايناعان سۋ قۇيىپ، سۋىتىپ قويىڭىز. كەيىن زالالسىزداندىرىلعان تاباعا سۇزگىدەن وتكىزىپ الىڭىز.

- ءۇي جاعدايىندا جاسالعان القىزىل سۋدى توڭازىتقىشتا ساقتاۋ كەرەك، ءبىراق ءبىر اپتادان اسا ساقتاۋعا بولمايدى.

قالاي قولدانۋ كەرەك:

- ەكى ماقتا ديسكىسىن القىزىل سۋعا باتىرىپ، جاقسىلاپ سىڭۋگە مۇمكىندىك بەرىڭىز.

- ديسكتەردى كوز اينالاسىنا 15 ممينۋتقا قويىپ قويىڭىز. پروسەدۋرانى تاڭەرتەڭ جانە كەشكە جاساڭىز. كۋرس وڭ اسەر ەتكەنگە دەيىن جالعاسادى.

 

ءتاتتى بادامنىڭ مايى

^{© monicore/pixabay.com}

بادام مايى كوز اينالاسىنداعى تەرىنى قاتايتادى، ءجيى قولدانعان جاعدايدا كوز اينالاسىنداعى سىزىقتار مەن ءىسىنۋدى كەتىرەدى. ۇيىقتار الدىندا مايدىڭ 2-3 تامشىسىن تامىزىپ، اقىرىنداپ ماسساج جاساڭىز، ءبىر اپتادان كەيىن تەرىڭىز جاقسارعانىن بايقايسىز.

 

كارتوپ شىرىنى

^{© HolgersFotografie/pixabay.com}

كارتوپتا تابيعي اعارتاتىن كومپونەنتتەر مەن س دارۋمەنى بار.

• شيكى كارتوپتى ۇككىشتەن وتكىزىپ، شىرىنىن سىعىپ الىڭىز.
• ماقتانى كارتوپ شىرىنىنا باتىرىپ، كوزىڭىزگە 10 مينۋتقا قويىپ قويىڭىز، كەيىن جۋىنىڭىز.
• قالاۋىڭىز بويىنشا پروسەدۋرانى ءزايتۇن نەمەسە شابدالى مايلارىنىڭ ءبىر تامشىسىمەن ماسساج جاساپ اياقتاساڭىز بولادى. بۇل ءادىستى 2 اپتا بويى كۇندەلىكتى جاساۋ كەرەك.

 

قياردان جاسالعان كومپرەسس

^{© monicore/pixabay.com}

قيار كوپ مولشەردەگى انتيوكسيدانتتارعا، سونىمەن قاتار اعارتاتىن قاسيەتتەرگە يە.

• جاڭا پىسكەن قياردى قالىڭ تىلىمدەرگە تۋراپ توڭازىتقىشقا 30 مينۋتقا قويىڭىز.
• قيار تىلىمدەرىن توڭازىتقىشتان شىعارىپ كوزىڭىزگە قويىڭىز. بارلىق پروبلەمالىق ايماقتى قامتىعانىنا كوز جەتكىزىڭىز.
• 10-15 مينۋت ۇستاپ، سالقىن سۋمەن جۋىڭىز. پروسەدۋرانى كۇندەلىكتى ءبىر اپتا بويى جاساڭىز.

 

شاي كومپرەسى

^{© condesign/pixabay.com}

شاي كوفەين، تانين (دۋبيلدىك زاتتەكتەر) جانە انتيوكسيدانتتارعا باي، دەمەك قارا داقتار مەن ىسىكتى جاقسى كەتىرەدى.

• كوك نەمەسە قارا شايدى شىعارىپ، سۋىعانشا كۇتىڭىز، سوسىن قايناعان شايعا ماقتانى باتىرىپ الىپ كوزىڭىزگە قويىڭىز. شاي قالتاشالارىن دا پايدالانساڭىز بولادى.
• كومپرەسستى 10-15 مينۋت ۇستاڭىز. ءبىر اپتا بويى قايتالاساڭىز تەرىڭىز جاقسارا تۇسكەنىن بايقايسىز.

 

ءسۇت پەن ناننان جاسالعان ماسكا

^{© cuidandotudiabetes/pixabay.com}

ءسۇت تەرىنى الدەندىرەدى، ىلعالداندىرادى جانە اعارتادى. ال ناندا ۆ دارۋمەنىنە باي اشىتقى بار، بۇل تەرىنى سەرگىتىپ، ءبورتۋدىڭ الدىن الادى.

• اق نان مەن سۇتتەن بوتقا دايىنداڭىز.
• ماسكانى جۇقاراق ەتىپ بەتىڭىزگە جاعىڭىز. 10-15 مينۋت ۇستاپ، جۋىپ تاستاڭىز.

وسى ماسكانى ءجيى جاساپ تۇراتىن بولساڭىز كوز اينالاسىنداعى قارا داقتار كوپ ۇزاماي كەتەدى.

 

تومات شىرىنى

^{© pixabay.com}

توماتتا كاپيلليارلاردىڭ قابىرعالارىن قاتايتاتىن ليكوپين انتيوكسيدانتى بار. تومات شىرىنمەن پروبلەمالىق ايماقتى ءسۇرتىپ شىعىڭىز، 10 مينۋتتان سوڭ سالقىن سۋمەن جۋىپ تاستاڭىز. بۇل پروسەدۋرانى ەكى اپتا بويى كۇندەلىكتى جاساڭىز.

 

اقجەلكەن قوسىلعان سۇزبە ماسكاسى

^{© Ana_J/pixabay.com}

سۇزبە تەرىنە تاماشا نارلەندىرەدى، ال اقجەلكەن قارا داقتارمەن كۇرەسەتىن تاماشا قۇرال.

• اقجەلكەننىڭ 1 ۇلكەن قاسىق ۇگىتىلگەن جاپىراقتارى مەن بۇتاقتارىن 2 شاي قاسىق مايلى سۇزبە مەن 1 شاي قاسىق قايماقپەن ارالاستىرىڭىز.
• قوسپانى پروبلەمالى ايماققا قويىپ، 15 مينۋت كۇتىڭىز، كەيىن سالقىن سۋمەن جۋىپ تاستاڭىز.

وسى ماسكانى ءجيى پايدالانۋ تەرىڭىزدىڭ جاعدايىن جاقسارتادى، كوز اينالاسىنداعى قارا شەڭبەر مەن ۇساق اجىمدەر قاتتى كورىنبەيدى.

 

ماسساج بەن جاتتىعۋلار

^{© ولگا سولوگۋب/takioki.ru}

بۇل ادىستەر كوز استىنداعى شەڭبەردەن ارىلتىپ قانا قويماي، كورۋ قابىلەتىنە دە وڭ اسەر ەتەدى.

ماسساجدان باستايىق:

• ساۋساقتارىڭىزدىڭ ۇشىمەن كوز اينالاسىن 2-3 مينۋت اقىرىنداپ ۋقالايمىز. تومەنگى قاباقتىڭ بويىمەن سامايدان كەڭسىرىككە قاراي جۇرەمىز. كوز الماسىنا تۇسەتىن ارتىق كۇشتى بولدىرماس ءۇشىن ۇستىڭگى قاباققا تيىسپەيمىز.
• ماسساجدان كەيىن كوز اينالاسىنا جاعاتىن كرەمىڭىزدى جاققان دۇرىس. ونى جاعىپ جاتقاندا تەرىڭىزدى سوزىپ نەمەسە قوزعالتپاۋعا تىرىسىڭىز.

ەندى جاتتىعۋلارعا كوشۋگە بولادى:

• كوزىڭىزدى جۇمىڭىز، ءاجىم تۇسپەس ءۇشىن سۇق ساۋساقتارىڭىزبەن كوزدىڭ سىرتقى بۇرىشىنداعى تەرىنى ۇستاپ تۇرىڭىز.
• 6 سەكۋندقا كوزىمىزدى قاتتى جۇمامىز، كەيىن قاباعىمىزدى بوساڭسىتامىز. بۇل جاتتىعۋدى كەم دەگەندە 10 رەت قايتالاۋ كەرەك.

 

شوپتەن جاسالعان مۇز

^{© Olga Mishenkina}

مۇز ءوز بەتىنشە تەرىگە پايدالى: ول ونى يىلگىش ەتەدى، اجىمدەردى تەگىستەيدى، ءىسىنۋدى باسادى. ال ەگەر ءسىز شيپالى شوپتەردى مۇزداتىپ قوياتىن بولساڭىز، ونىڭ اسەرى ەسەلەنە تۇسەدى.

سىزگە قاجەت زاتتار:

• شاتىراش ءشوبى
• تۇيمەداق پەن كەكىرە گۇلدەرى
• اقجەلكەن (جاس نەمەسە كەپتىرىلگەن)

دايىنداۋ:

• ءار شوپتەن 200 مل سۋعا 1 شاي قاسىقتان الامىز.
• قايناعان سۋ قۇيىپ، 2 ساعات ۇستايمىز.
• سۋىعان سوڭ مۇز پىشىندەرىنە قۇيىپ توڭازىتقىشقا سالامىز.

تاڭەرتەڭ قاباق پەن كوز اينالاسىنداعى تەرىنى شوپتەن جاسالعان مۇزبەن 30 سەكۋند سۇرتەمىز. ەكى اپتا بويى وسى پروسەدۋرانى ىستەسەڭىز، وڭ اسەرىن بەرەدى.

---