بيىل 410 مىڭ ءبۇلدىرشىن مەكتەپ تابالدىرىعىن العاش رەت اتتايدى
بيىل جاڭا وقۋ جىلىندا ءبىرىنشى سىنىپقا 410 مىڭنان استام بالا كەلەدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتندا ق ر بعم مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى جاڭىل جونتايەۆا ءمالىم ەتتى.
«بيىل ءبىرىنشى سىنىپقا 410 مىڭنان استام بالا كەلەدى دەپ كۇتىلۋدە. بارلىق وبلىستاردا اقپاراتتىق ءتۇسىندىرۋ جۇمىستارى، مەكتەپتەردىڭ دايىندىعىن بويىنشا مالىمەتتەردى جيناقتاۋ اياقتالۋدى. بۇگىندە مەكتەپتەر دايىن. سونىمەن قاتار قازىرگى كەزدە ۇستازداردى، وقۋلىقتاردى دايارلاۋ شارالارى ءجۇرىپ جاتىر»، - دەدى دەپارتامەنت باسشىسى.
ونىڭ سوزىنە قاراعاندا، قازىرگى كەزدە ءبىلىم زاڭناماسىنا سايكەس، تامىزدىڭ ورتاسىنا قاراي بارلىق مەكتەپتەرگە وقۋلىقتار جەتكىزىلەدى. وسى رەتتە ءتيىستى كەلىسىمشارتتار بەكىتىلگەن كورىنەدى.
«ءبىلىم جانە عىلىم ءمينيسترى ونلاين رەجىمدە بارلىق اتا-انالار كوميتەتىنىڭ توراعالارىمەن پىكىر الماسۋلار وتكىزدى. ءقازىر ايىنا ءبىر رەت وسىنداي كەزدەسۋلەر وتكىزۋ تۋرالى ۇسىنىستار ءتۇسىپ جاتىر»، - دەدى ج. جونتايەۆا.
بۇدان بولەك، دەپارتامەنت ديرەكتورى ءبىرىنشى سىنىپقا قابىلداناتىن بۇلدىرشىندەرگە تەست نەمەسە ەمتيحان تاپسىرۋ قاراستىرىلماعانىن اتاپ ءوتتى.
«زاڭناماعا سايكەس، 6-7 جاسقا تولعان بالالاردى اتا-انالارى مەكتەپكە ءبىرىنشى سىنىپقا اپارۋعا قۇقىلى»، - دەدى ول.
You Might Also Like
-
الماتى وبلىسى، بالقاش اۋدانى، باقاناس اۋىلى، باقاناس اگرارلى–يندۋستريالدىق كوللەدجىنىڭ وندىرىستىك وقىتۋ شەبەرى مالىبايەۆ شارحان سەيداحمەتوۆيچ
-
بيىل 12 جىلدىق جانە ءۇش تىلدە ءبىلىم بەرۋگە دايىندىق كۋرستارىنان 69 مىڭنان استام ۇستاز وتەدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيسە-ميني...
