بيىل جاڭارتىلعان ءبىلىم مازمۇنى ءبىرىنشى سىنىپقا ەنگىزىلەدى
2020 جىلعا قاراي 12 جىلدىق قۇرىلىممەن جاڭارتىلعان ءبىلىم مازمۇنىنا كوشۋ بارلىق سىنىپتاردا اياقتالادى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيسە-مينيسترى ەلميرا سۋحانبەردييەۆا ءمالىم ەتتى.
«مينيسترلىك «100 ناقتى قادام» ۇلت جوسپارىنىڭ قادامدارىن جانە ءبىلىم مەن عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىنداعى ءبىلىم مازمۇنىنا كەزەڭ-كەزەڭمەن كوشۋ جۇمىستارىن باستادى. جاڭا وقۋ جىلىنان باستاپ ەلىمىزدىڭ بارلىق مەكتەپتەرىنە نازاربايەۆ زياتكەرلىك مەكتەپتەرىنىڭ تاجىريبەسى بويىنشا جاڭارتىلعان ءبىلىم مازمۇنى ءبىرىنشى سىنىپتان باستاپ ەنگىزىلەدى»، - دەپ اتاپ ءوتتى ە. سۋحانبەردييەۆا.
وسى رەتتە ول وقۋشىلاردىڭ فۋنكسيونالدىق ساۋاتتىلىعىن دامىتۋعا باعىتتالعان جاڭارتىلعان مازمۇن 30 قاناتقاقتى مەكتەپتە سىناقتان تابىستى وتكەنىن ءمالىم ەتتى.
«جاڭارتىلعان ءبىلىم مازمۇنى ارنايى كەستەگە سايكەس كەزەڭ-كەزەڭمەن ەنگىزىلەدى: 2016 جىلى - 1-سىنىپ، 2017 جىلى - 2،5،7 سىنىپتار، 2018 جىلى - 3،6،8،10-سىنىپتار، 2019 جىلى - 4،9،11،12-سىنىپتار. 2020 جىلعا قاراي 12 جىلدىق قۇرىلىممەن جاڭارتىلعان ءبىلىم مازمۇنىنا كوشۋ بارلىق سىنىپتاردا اياقتالادى»، - دەدى ۆيسە-مينيستر.
You Might Also Like
-
كوز استىندا قارا داقتىڭ پايدا بولۋىنا كوپتەگەن فاكتورلار سەبەپ بولۋى مۇمكىن. ودان قۇتىلۋ دا تاجىريبە كورسەتكەندەي، وڭاي ەمەس. كوبى دارىگەرگە كورىنۋگە، كۇن ءتارتىبى مەن تاماقتانۋ ءتارتىبىن ۇستانۋعا ءجا...
