InfoHub Logo

ەكىنشى سابيلەر توبىنا ءتىل دامىتۋ پانىنە ارنالعان اشىق ساباق جوسپارى.
ءبىلىم بەرۋ سالاسى: قاتىناس
ءبولىمى: ءتىل دامىتۋ
تاقىرىبى: ءۇي جانۋارلارى
ماقساتى: ءۇي جانۋارلارىمەن جانە تولدەرىمەن تانىستىرۋ. جانۋارلارعا قامقورلىق جاساۋ كەرەكتىگىن ءتۇسىندىرۋ.
مىندەتتەرى: 1) ءۇي جانۋارلارمەن تانىستىرا وتىرىپ، جاڭا سوزدەرىمەن ءسوز قورلارىن مولايتۋ. سۇراقتارعا جاۋاپ بەرۋدى ۇيرەتۋ.
2) وي قابىلەتتەرىن دامىتۋ.
3) ءۇي جانۋارلارعا دەگەن قامقورلىق جاساۋعا تاربيەلەۋ.
ءادىس ءتاسىلى: كورسەتۋ، ءتۇسىندىرۋ، ۇيرەتۋ، ويىن، سۇراق جاۋاپ.
كورنەكىلىكتەر: سۋرەتتەر

موتيۆاسيا:
شاتتىق شەڭبەر
تاربيەشى: كانە، بالالار، شاتتىق شەڭبەرگە تۇرامىز

- ۋگاي، ۋگاي ءانىمىز،
ارپا – بيداي ءدانىمىز،
اشىق بولىپ اسپانىمىز،
ءساتتى بولسىن كۇنىمىز!
(بالالار شەڭبەرگە تۇرىپ، ولەڭ سوزدەرىن قايتالايدى)
- بالالار، ءبىر بىرىمىزگە بۇگىنگى كۇنگە ساتتىلىك تىلەيدى
عاجايىپ ءسات:
توپقا جىلاعان لاق كىرەدى.
تاربيەشى:- سالەم، لاق، نە بولدى ساعان، نەگە جىلاپ تۇرسىن؟
لاق:- سالەمەتسىز بە. سالەم بالالار. مەن انامدى جوعالتىپ الدىم.
تاربيەشى:- قالاي؟
لاق: - ءبىز انام ەكەۋمىز الاڭقايدا جۇردىك. مەن سەكىرىپ ويناپ ءجۇردىم. ەندى ءبىر قاراسام انام جانىمدى جوق. بالالار، ماعان انامدى تابۋعا كومەكتەسىڭدەرشى.
تاربيەشى: ال ەندەشە لاق سەن ءبىزدى اناڭدى جوعالتقان الاڭقايعا اپار، سول جەردەن اناڭدى ىزدەپ كورەيىك.
لاق بالالاردى الاڭقايعا اپارادى. ءبىر اعاشتىڭ تۇبىندە حات كورەدى. تاربيەشى حاتتى وقيدى.
«سالەم لاق! مەن قاسقىرمىن. مەن سەنىڭ اناڭدى ۇرلاپ اكەتتىم. مەن ساعان ءبىر نەشە تاپسىرما دايىنداپ قويدىم. وسى تاپسىرمالاردى ورىنداساڭ عانا اناڭدى قايتارىپ بەرەمىن. قاسقىر.»
لاق ودان سايىن جىلايدى.
تاربيەشى: - ۋايىمداما لاق، ءبىز بالالارمەن ساعان كومەكتەسەمىز. بالالار كومەكتەسەمىز عوي؟
بالالار: - ءيا، كومەكتەسەمىز.

ۇيىمداستىرۋ كەزەڭى:
تاربيەشى: 1 - تاپسىرما «ءۇي جانۋارلارمەن تانىسۋ»
بالالارعا جانۋارلاردىڭ سۋرەتتەرىن كورسەتە وتىرىپ جانۋارلارمەن تانىستىرۋ.
تاربيەشى: جارايسىڭدار بالالار. ال ەندى ەكىنشى تاپسىرما قانداي ەكەنىڭ كورەيىك.

2 - تاپسىرما «ءۇي جانۋارلار قالاي دىبىستايدى»
ات، بوتاقان، قوي، سيىر سۋرەتتەرىڭ بالالارعا تاراتىپ بەرەدى، وسىلاردىڭ قالاي دىبىستايتىنىن ايتىپ جاتتىعامىز دەپ ۇسىنىس جاسايدى.
- قوي «ءما - ءما» دەپ ماڭىرايدى؛
- سيىر «ءمو - ءمو» دەپ موڭىرەيدى؛
- بوتاقان «ءبو - ءبو» دەپ بوزدايدى؛
- ات «يكيكيكي» دەپ كىسىنەيدى.
بالالارعا داۋىستارىن ايتقىزىپ قايتالاتادى.

سەرگىتۋ ءسات:
كۇن اشىلدى،
بۇلت تونەدى،
نايزاعاي تارسىلدادى،
جەل سوقتى،
جاڭبىر جاۋدى،
جەل باسىلدى،
كۇن اشىلدى.

- جاقسى، بالالار، جارايسىڭدار. 3 - تاپسىرمانى كورەيىك.
ديداكتيكالىق ويىن: « ءتولىن تاپ»
«تولدەرىن تاپ!» سۋرەتتەن ءۇي جانۋارلارىن تولدەرىمەن سايكەستەندىرەدى.
تاربيەشى: جاقسى، جارايسىڭدار!

4 - تاپسىرما: ويىن
ديداكتيكالىق ويىن:
« قاي جانۋار قايدا تۇرادى»
ءۇي جانە دالا جانۋارلاردى مەكەن جايىنا قاراي ورنالاستىرۋ.

توپقا ەشكى كىرەدى. بالاسى ەكەۋى قۋانىپ قۇشاقتاسادى.
ەشكى: بالالار مەنى قۇتقارعاندارىن ءۇشىن سەندەرگە كوپ راحمەت. ال ءقازىر ءبىز كەتۋىمىز كەرەك. ساۋ بولىڭدار!

رەفلەكسيا:
تاربيەشى: بىزدە بالالار توبىمىزعا قايتايىق.
- بالالار، بىزگە بۇگىن نە كەلدى؟( لاق)
- تاپسىرمالاردى نە بەرىپ جىبەردى؟ ( قاسقىر)
- ءۇي جانۋارلارى قالاي دىبىستايدى
قوي «ءما - ءما» دەپ ماڭىرايدى؛
سيىر «ءمو - ءمو» دەپ موڭىرەيدى؛
بوتاقان «ءبو - ءبو» دەپ بوزدايدى؛
ات «يھو - يھو» دەپ كىسىنەيدى.
- ال ءۇي جانۋارلاردىڭ تولدەرىن قالاي اتتايمىز؟(قوشاقان، بوتاقان، قۇلىنشاق، بۇزاۋ، لاق)
- وسى جانۋارلاردى ءبىز نەگە ءۇي جانۋارلارى دەپ اتتايمىز؟ (ويتكەنى، ولاردى ادامدار كۇتىپ قارايدى).
تاربيەشى: جاقسى بالالار، سەندەر بۇگىن وتە جاقسى جۇمىس اتقاردىڭدار. سول ءۇشىن مەن سەندەرگە ارنالعان ازداعان سىيلىعىم بار. راحمەت، سەندەرگە.