ۇيادا نە كورسە
ءبارى دە قارىز سۇراۋدان باستالادى. اقشا جۇرگەن جەردە، ۇيات سىنعا تۇسەدى. قارىزدى العان ادام ەمەس، قارىزدى بەرگەن ادام ۇيالىپ جۇرەدى.
- كەشىرىڭىز، - دەيدى قارىزىن سۇراپ كەلۋشى قىسىلا تۇرىپ. - سىزدەردە الاشاعىمىز بار ەدى.
- الاشاعىڭ بولسا نەعىل دەيسىڭ ەندى؟! - دەيدى ءۇي يەسى ايەل شاپتىعا سويلەپ. - بىلتىر عوي العانىمىز، ءالى تولىق ءبىر جىل دا بولعان جوق.
- سىزدەر ءبىر ايدان كەيىن قايتارامىز دەگەنسىزدەر.
- ءبىر ايدان كەيىن قايتارامىز دەسەك، اقشا بولماي جاتقان جوق پا؟! - دەيدى ءۇي يەسى ايەل ودان ءارى شاپتىعىپ.
- سىزدەردەن ىڭعايسىز بولدى-اۋ، - دەيدى قارىزىن سۇراپ كەلۋشى قىسىلا ءتۇسىپ. - قايتا-قايتا اقشامدى سۇراپ كەلە بەرگەنىم ۇيات بولدى-اۋ.
- ونىڭ نەسىنە قىسىلاسىڭ، شىراعىم، - دەيدى ءۇي يەسى ايەل قارىزىن سۇراۋشىنى جۇباتا سويلەپ. - قىسىلما. ەڭسەڭدى تىك ۇستاپ ءجۇر. - و، ءتاڭىرىم، - دەيدى سونان سوڭ ءۇي يەسى ايەل سۇڭقىلداي سويلەپ. - توبا دەپ وتىرعان ءۇي ەدىك، بۇل جۇرتقا نە بولعان تۇگە، وسى ۇيدەن قايتا-قايتا قارىزىن سۇراپ كەلە بەرگەنى نەسى؟! شىراعىم، بىلاي تۇرشى، ەسىكتىڭ كوزىندە ەربيىپ تۇرىپ الماي. جارىق بەرشى. تاماعىمىزدى دا جوندەپ ىشكىزبەدىڭ عوي.
وسى كەزدە ىشكى بولمەدەن ىسىڭكى كوزىنەن ۇيىقتاپ تۇرعاندىعى بەلگىلى بولىپ تۇرعان، مايكىشەڭ وسى ءۇيدىڭ وتاعاسى شىعادى.
"ءۇمىتىم وسى كىسىدە، - دەيدى قارىزىن سۇراپ كەلۋشى ىشتەي. - ءبىر تۇسىنسە، وسى اعا عانا تۇسىنەدى".
- اعاا، - دەيدى داۋسى دىرىلدەي سويلەپ.
- مىناۋ نەعىپ ءجۇر؟! - دەيدى ەركەك ايەلىنە الارا قاراپ.
- بىلتىرعى العان زاتتىڭ اقشاسىن سۇراي كەلىپتى.
- ءبىز ءبىر جاققا كوشىپ بارا جاتىرمىز با ەكەن؟! - ەركەك اڭكىلدەپ كەتەدى. - شىراعىم-اۋ، ءبىز ەشقايدا دا كوشىپ بارا جاتقان جوقپىز عوي!
- اكە-شەشەم ەشقايدا دا كوشىپ بارا جاتقان جوق! - دەيدى وسى ءۇيدىڭ ۇلكەن ۇلى قارىزىن سۇراۋشىعا قاراپ زىركىلدەپ.
- كوشىپ بارا جاتقان جوق! - دەيدى وسى ءۇيدىڭ قىزى ءبۇيىرىن تايانعان كۇيى شاپتىعا ءتىل قاتىپ. - ەشقايدا دا كوشىپ بارا جاتقان جوق!
- كوشىپ بارا جاتقان جوق. - بۇل داۋىس قايدان شىقتى تاعى؟ بەسىكتەگى ءسابي سويلەپ جاتىر ەكەن.
- كوشىپ بارا جاتقان جوق، - دەيدى ءسابي اپ-انىق ەتىپ. - ەشقايدا دا كوشىپ بارا جاتقان جوق قوي. - سونان سوڭ: - نەگە ۇرىپ جىبەرمەيسىڭدەر؟ - دەيدى بەسىك ىشىنەن شىققان داۋىس. - جابىلىپ ۇرىپ جىبەرسەڭدەرشى، سوسىن اقشاسىن سۇراپ كەلمەيتىن بولادى. ءيتتى بوساتىپ قويا بەرەتىن ەكەن.
"قوي، كەتەيىن، - دەيدى قارىزىن سۇراۋشىنىڭ ءوڭى قۋقىل تارتىپ. - ەسىم باردا، ەلىمدى تابايىن".
قارىزىن سۇراۋشى كەتىسىمەن، ءبارى جامىراي كۇلىسەدى.
بەسىك ىشىنەن شىقىلىقتاعان كۇلكى ەستىلەدى.
ۇيادا نە كورسە...
You Might Also Like
-
استانا. قازاقپارات - 2016 جىلدىڭ قاڭتارىنان باستاپ، ۇبت تەستىلەرىنىڭ بازاسى ءبىلىم جانە عىلىم مينيسترلىگىنىڭ سايتىندا جاريالانادى. بۇل تۋرالى ق ر ءبىلىم جانە عىلىم ءمينيسترى اسلان ءسارىنجىپوۆ ونلاين كون...
-
window.yaContextCb.push(()=>{ Ya.Context.AdvManager.render({ "blockId": "R-A-207161-157"، "renderTo": "yandex_rtb_R-A-207161-157" }) })
