2016 جىلى ۇبت سۇراقتارىنىڭ بازاسى ينتەرنەتتە جاريالانادى
استانا. قازاقپارات - 2016 جىلدىڭ قاڭتارىنان باستاپ، ۇبت تەستىلەرىنىڭ بازاسى ءبىلىم جانە عىلىم مينيسترلىگىنىڭ سايتىندا جاريالانادى. بۇل تۋرالى ق ر ءبىلىم جانە عىلىم ءمينيسترى اسلان ءسارىنجىپوۆ ونلاين كونفەرەنسيا باراسىندا ءمالىم ەتتى.
اتا-انالاردىڭ ءبىرى وقۋشىلاردىڭ اپتا سايىن الدىن الا تەستىلەۋدەن ءوتىپ تۇراتىندىعىن، ول تەستىلەۋدىڭ قۇنى ءار بالاعا 360 تەڭگە بولاتىنىن ايتىپ شاعىمدانعان بولاتىن.
ءوز كەزەگىندە مينيستر، ول تەستىلەۋلەر بالانىڭ ەركىمەن جۇرگىزىلەتىندىگىن اتاپ ءوتتى.
-الدىن الا سىناقتار ۇبت-عا قارساڭىندا دايىندىقتى شىڭداۋ دانە اتالعان پاندەر بويىنشا بالا ءبىلىمىن انىقتاۋ ءۇشىن قاجەت. تۇلەكتەر اتالعان سىناققا ءوز ەركىمەن قاتىسادى. مەكتەپ اكىمشىلىگى ولاردى كۇشتەۋگە نەمەسە ادىستەمەلىك قۇرالداردى ساتىپ الۋعا ماجبۇرلەۋگە قۇقىلى ەمەس، - دەدى ا. ءسارىنجىپوۆ.
ونىڭ ايتۋىنشا، ەگەر تەستىلەۋگە كۇشتەيتىن فاكتىلەر بولعان جاعدايدا جەرگىلىكتى ءبىلىم بەرۋ سالاسىن قاداعالاۋ دەپارتامەنتىنە شاعىمدانۋ قاجەت.
«2016 جىلدىڭ قاڭتارىنان باستاپ، ۇبت تەستىلەرىنىڭ بازاسى ءبىلىم جانە عىلىم مينيسترلىگىنىڭ جانە ۇلتتىق سىناق ورتالىعىنىڭ سايتتارىندا جاريالانادى»، - دەپ اتاپ ءوتتى مينيستر.
inform.kz
You Might Also Like
-
ءبارى دە قارىز سۇراۋدان باستالادى. اقشا جۇرگەن جەردە، ۇيات سىنعا تۇسەدى. قارىزدى العان ادام ەمەس، قارىزدى بەرگەن ادام ۇيالىپ جۇرەدى. - كەشىرىڭىز، - دەيدى قارىزىن سۇراپ كەلۋشى قىسىلا تۇرىپ. - سىزدەردە...
