وقۋشىلار قازاقستان تاريحىن مەملەكەتتىك تىلدە وقيدى
استانا. قازاقپارات - قازاقستان تاريحى مەكتەپتەردە مەملەكەتتىك تىلدە وقىتىلادى. بۇل تۋرالى ورتالىق كوممۋنيكاسيالار قىزمەتىندە 2015-2020 جىلدارعا ارنالعان ءۇشتىلدى ءبىلىمدى دامىتۋدىڭ جول كارتاسىن تانىستىرۋ كەزىندە ى.التىنسارين اتىنداعى ۇلتتىق ءبىلىم اكادەمياسىنىڭ ۆيسە-پرەزيدەنتى ماريام مۇقاتوۆا ءمالىم ەتتى.
«ءۇش تىلدە ءبىلىم بەرۋ - ول تەك اعىلشىن تىلىندە وقىتۋعا كوشۋ دەگەندى بىلدىرمەيدى. ءبىز بۇل تۇرعىدا مەملەكەتتىك ءتىلدىڭ باسىمدىعى جونىندە ۇمىتپاۋىمىز كەرەك»، - دەپ توقتالدى. - سوندىقتان دا قازىرگى كەزدە ۇلتتىق ءبىلىم اكادەمياسى بارشا ءبىلىم بەرۋ ۇيىمدارىندا وقىتۋ تىلىنە قاراماستان، «قازاقستان تاريحى» ءپانىن قازاق تىلىندە، ال «دۇنيەجۇزىلىك تاريح» ءپانىن ورىس تىلىندە وقىتۋ ماسەلەسىن قاراستىرىپ جاتىر».
م. مۇقاتوۆا ۇلتتىق ءبىلىم بەرۋ اكادەمياسى جانىندا ءۇش ءتىلدى ءبىلىم بەرۋ ورتالىعى قۇرىلاتىندىعىن، بۇل ءوز كەزەگىندە قازاقستاندا ءۇش تىلدە ءبىلىم بەرۋگە كوشۋ بويىنشا جۇمىستارعا جەتەكشىلىك ەتەتىنىن جەتكىزدى.
جول كارتاسى اياسىندا «بولاشاق» باعدارلاماسى تۇلەكتەرىنىڭ الەۋەتىن پايدالانۋ ەسكەرىلىپ وتىر.
inform.kz
You Might Also Like
-
اقوردانىڭ AkordaPress پاراقشاسىندا ەلباسى نۇرسۇلتان نازاربايەۆ تۋرالى 12 قىزىقتى دەرەك جاريالاندى.
