ءۇيدى رەتكە كەلتىرۋدىڭ قاراپايىم ءادىسى
ەگەر كەزەكتى ءۇيدىڭ تولىقتاي تازالىق شارۋاسى جايلى ويدان جاسقانىپ تۇرساڭىز، وسى كەڭەستى قولدانىپ كورىڭىز.
ماسەلنىڭ نەگىزى
ءۇي جيناۋدان كەيىنگى تازالىق ۇزاقتىعى كوپكە سوزىلمايتىنىن مويىندايتىن شىعارسىز. ەرتە مە، كەش پە ءبارىبىر سىزگە زاتتاردى ورنىنا قويىپ، قاجەتسىزدەرىنەن ارىلىپ، شاشىلعان جەردى قايتا جيناۋعا تۋرا كەلەدى. الايدا، شەشىمى بار.
ۇيىڭىزدەگى قاجەتسىز ءبىر زاتتان ارىلىپ وتىرۋدى كۇندەلىكتى ادەتكە اينالدىرىڭىز.
بۇل سىنعان نەمەسە بۇزىلعان مايدا-شۇيدە زات بولۋى مۇمكىن. باسقاشا ايتقاندا، پاتەردىڭ كەسكىنىن كەتىرىپ، كورەر كوزگە تۇرپىدەي تيەتىن زات.
بۇل تازالىق ءسىزدىڭ كۇندەلىكتى بار بولعانى بىرەر مينۋتىڭىزدى الادى. دەسە دە، اتالعان ءادىس ءسىزدىڭ پاتەرىڭىزدى ۇزاق ۋاقىت بويىنا تازالىقتا ۇستاپ تۇرادى.
بۇل ءادىستى قالاي قولدانۋ كەرەك؟
1. ۋاقىتتى انىقتاڭىز
ءادىستىڭ تيىمدىلىگىن تەكسەرۋ ءۇشىن، ءبىر اي بويىنا ۇزدىكسىز جاساپ تۇرىڭىز. ۇمىتىپ كەتپەۋ ءۇشىن كىشكەنە قاعازعا جازىپ، وزىڭىزگە كورىنەتىن جەرگە جابىستىرىپ قويىڭىز.
الايدا، وسى ۋاقىت ارالىعىندا بۇكىل پاتەردىڭ تازالىق جۇمىسىنا كىرىسىپ كەتىپ جۇرمەڭىز. ەڭ الدىمەن، ناتيجەگە نازار سالىڭىز.
2. بار نازارىڭىزدى ءبىر ورىن نەمەسە بولمەگە باعىتتاڭىز
پاتەرىڭىزدە جانىنا جاقىنداۋعا جۇرەگىڭىز داۋالامايتىن، اۋزى مۇرنىنان شىعۋعا اينالعان سورە بار ما؟ سودان باستاڭىز. كۇندەلىكتى ءبىر زاتتى بولسا دا رەتتەپ وتىرۋ قىرۋار ەڭبەكتى تالاپ ەتپەسى انىق. سورە رەتكە كەلگەندە عانا باسقا جەردى جيناۋعا كىرىسىڭىز.
3. قايىرىمدىلىقپەن اينالىسىڭىز
ەگەر سىزدە جاقسى كۇيدەگى، ءبىراق، قاجەتسىز زاتتار بولسا، ونى بولەك سومكەگە سالىپ، جيناپ قويىڭىز. مۇمكىن، ول الدەكىمگە قاجەت بولىپ قالار. وسىلايشا، ءسىز ءۇيدى عانا تازالاپ قويماي، مۇقتاج جاندارعا قول ۇشىن سوزا الاسىز.
4. قاجەتتىلىكتەردى قاراستىرۋ
بۇل ءادىستىڭ كومەگىمەن ءسىز الداعى ۋاقىتتا قانداي زاتتاردى ساتىپ الۋدان اۋلاق بولۋىڭىز قاجەت ەكەنىن تۇسىنەسىز. ءبىر ءتيپتى كيىم مەن ءبىر ءپىشىندى اس ءۇي زاتتارىنان ارىلىپ جاتقانىڭىزدى بايقاساڭىز، كەلەسى جولى ولاردى قايتا ساتىپ الۋعا ىنتاڭىز بولماۋى مۇمكىن.
5. ءوزىڭىزدى شەكتەمەڭىز
لاقتىراتىن (بەرىپ نەمەسە ساتىپ جىبەرۋگە دە بولادى) زاتتارىڭىز كوپ بولىپ كەتسە، ءوزىڭىزدى شەكتەمەڭىز. وسىلايشا، ءسىز ماقساتقا ءبىر ادىم جاقىنداي تۇسەسىز.
6. العان بەتىڭىزدەن تايماڭىز
ەگەر ءسىز كەرەكسىز زاتتاردى تاستاماساڭىز، ۇيدە قايتادان كۇل-قوقىس كوبەيە باستايدى. وسىنى ۇمىتپاڭىز.
bilim-all.kz، نازەركە اسەتوۆا
وقۋعا كەڭەس بەرەمىز:
ءبىز ەسكەرە بەرمەيتىن ەڭ لاس 10 زات
ءۇي جيناۋدى جەڭىلدەتەتىن 13 ينتەرەرلىك قۋلىق
سوڭعى تازالىق: تازالىق جۇرگىزۋدىڭ شۆەسيالىق جاڭا ءادىسى
ءۇيدى تاپ-تازا ۇستاۋدىڭ 12 ءادىسى
ءۇيدىڭ شاشىلماۋىن قامتاماسىز ەتەتىن 7 ادەت
You Might Also Like
-
ەرتەدە اڭقاۋ ەلگە ارامزا مولدا بولعان، ەل اراسىندا وزىنشە «ابىرويعا» يە بولعان ءبىر جالعان اۋليە بار ەكەن. جۇرت ودان باتا الىپ كەتىپ جۇرەدى ەكەن. الگى اۋليەگە ءبىر كۇنى جاۋىرىنى قاقپاقتاي...
-
اتاقتى تاتتىمبەت كۇيشىنىڭ كىشى شەشەسىنەن تۋعان جاقسىمبەت دەگەن ءىنىسى تاز بولعان ەكەن. ونىسىنا ءوزى نامىستانىپ، بەرتىن ۇلكەن كىسى بولعاندا دا باسىنان تاقياسىن تاستامايدى ەكەن. ءبىر كۇنى بالاسى قولىنا ...
