ەكى جاسقا اق تىلەك!
يگىلىكتىڭ تويىنا
بيلەت كەلدى قولىما،
بيلەت ۇستاپ وتىرىپ
نەلەر ءتۇستى ويىما.
كەشەعانا كىشكەنتاي
يگىلىك بۇگىن ەر جەتتى
ەر جەتكەنى وسى عوي
قىزىلجاردىڭ قىزىنا
ۇيلەنەتىن كەز جەتتى.
اينالايىن قاراعىم
قۇتتى بولسىن قادامىڭ
ومىرلىك بولسىن وزىڭە
تاڭداپ العان ادامىڭ.
قوندىرعان قۇستىڭ قولىڭا
باقىت قۇسى بولسىنشى
باقىت، داۋلەت بىردەي بوپ
ىرىس كەلىپ قونسىنشى.
تۋعان-جۋىس قۋانىپ
جاساپ جاتىر ۇلكەن توي
ابايدىڭ ءىزى - جالعاسى
بارىمىزگە ورتاق توي.
جاستايىڭنان ماپەلەپ
قاتارعا سەنى قوسام دەپ
ابايىمنىڭ كوزى دەپ
اۋزىنداعى ءسوزى دەپ
ساعان قاراپ قۋانعان
ساعان قاراپ جۋبانعان
جامبىل اتتى، اعاڭا
ريزاشىلىق ءبىلدىرىپ
العىسىمدى توگەيىن.
ماڭدايداعى جۇلدىزىڭ
جاعاڭداعى قۇندىزىڭ
ارداقتاسىن سەنى ەرتەڭ
سوڭىڭنان ەرگەن ۇل-قىزىڭ.
ۇل-قىزىڭ مەن تۋىستىڭ
قىزىقتارىڭ كورە بەر.
قارتايعاندا سولاردىڭ
راحاتىنا بولەنىپ
سوڭدارىنان ەرە بەر.
يگىلىك پەن كەلىنگە
مەن تىلەيمىن اق تىلەك
اق ماحاببات بەرىك بوپ
بىرگە سوقسىن قوس جۇرەك
ۇلكەن-كىشى تىلەگەن،
قابىل بولسىن كوپ تىلەك
ومىرگە سەنى اكەلگەن
مارجان اتتى اناڭ بار
ايالاپ، باعىپ قۇرمەتتەپ
سول اناڭا قاراڭدار
سيلاپ وتسەڭ اناڭدى
كوتەرەر ەل باعاڭدى
اق باتا الساڭ اناڭنان
جۇلدىزدارىڭ جانادى.
قول ۇستاسىپ جۇرىڭدەر.
كۇلسەڭدەر بىرگە كۇلىڭدەر.
ءبىر-بىرىڭدى ماڭگىلىك
قۇرمەتتەڭدەر سۇيىڭدەر.
ەكى جاقتىڭ قۇداسى
قۇتتى بولسىن تويلارىڭ
كەلىپ-كەتىپ جۇرۋگە
اشىق بولسىن جولدارىڭ!
*** *** *** *** ***
قوناق كەلسە اۋىلعا تۇز بەن ءدام الار
قۇشاق جايىپ قارسى الار ءسىزدى بار ادام
كۋاسى بوپ قوس جۇرەك تابىسقان كۇنى
ءبىر بولۋدى ماڭگىلىك باقىت ساناعان
اتا-انانىڭ وسى عوي باستى ارمانى دا
جادىرايدى كاراشى جاستار جانى دا
نە جەتەدى جاڭا ءومىر باستالعانىنا
قۋانىشپەن جايىلعان داستارحانىنا
كوڭىل بيىك تولقىسىن بويدى بيلەسىن
اسىل ارمان جەتەلەر ويدى كۇيگە شىن
قازاعىمنىڭ ءداستۇرىن سالتىن ساقتاعان
بەرەكەسى شاتتىعى تويدىڭ ورلەسىن
اسەم اۋەن شارىقتاپ جاندى تەربەسىن
اساۋ تولقىن ورناسىن ناردىڭ كەمەسىن
وسى ءبىر كەش قالايشا ءساندى دەمەسىن
ماحابباتتى قوس جۇرەك ماڭگى سونبەسىن
*** *** *** *** ***
سۇيگەن جۇرەك سونبەسىن، جالىنداسىن!
سۇيگەن جۇرەك وزگەنى ساعىنباسىن!
جاس جۇبايلار قوساعىمەن قوسا اعارىپ،
باقىتتارى الدارىنان جارىلقاسىن.
*** *** *** *** ***
تويعا شاشۋ
قازاق ايتقان:
تويىڭ تويعا ۇلاسسىن دەپ،
شالقىتىپ سالعان ءانىڭ قىر اسسىن كەپ.
شاقىرىپ ۇلان تويعا ساۋىن ايتتىڭ،
اعايىن قىزىعىما قۋانسىن دەپ.
اباي ايتقان:
ادامنىڭ ءبىر قىزىعى بالا دەگەن،
بالاسىز كوڭىل شىركىن تولار ما ەكەن.
ءدۇبىرلى توي جاساماي بالاسىنا،
قازاقتىڭ جاعاسى جايلاۋىنا قونار ما ەكەن.
مەن ايتام:
قۇتتى بولسىن شالقار تويىڭ،
تارقاماسىن ۇيىڭنەن قىزىق-ويىن.
باقىتىنا كەنەلىپ ەكى جاستىڭ،
تولا بەرسىن ىرىسقا قونىش-قوينىڭ.
جۇرت ايتار
اق تىلەگىن اقتارىلعان بۇگىن ءدايىم،
قابىل بولسىن نيەتتەر ىلعيدايىن.
تۇگەندەلگەن ۇلىڭنىڭ ءۇش جۇرتىنىڭ،
ىنتىماعى جاراسسىن بارعان سايىن.
ءتۇيىپ ايتسام
كەنەلگەن كوكىرەگىمە تىلەگىمدى،
بىلەسىڭ اق كوڭىلىممەن تىلەرىمدى.
ۇرپاعىڭ ۇرپاعىڭا ۇلاسسىن دەپ،
ۇسىندىم اق تىلەۋلى جۇرەگىمدى!!!
*** *** *** *** ***
اياۋلىم
بۇل شۋماعىم ءبىر كادەگە جاراپ قالار،
ايتا السا، تىڭداعان ەل قالاپ الار.
الداۋ ەمەس كىسىنى، كوڭىلىن تابۋ اعايىننىڭ
اعايىن قولقا سالسا مەن بە ەكەن قاراپ تۇرار.
*** *** *** *** ***
You Might Also Like
-
ىشىنە شىنتاق اينالمايتىن، ەجىرەي دەگەن ۇلىڭ بولادى. اقىل ايتساڭ اۋىرىپ قالاتىن، بەدىرەي دەگەن قىزىڭ بولادى. الدىڭنان كەس-كەستەپ وتەتىن، كەكىرەي دەگەن كەلىنىڭ بولادى.
-
قىمباتتى جاس جۇبايلار .... — .........! سىزدەردى بۇگىنگى نەكەگە وتىرۋ سالتاناتىمەن شىن جۇرەكتەن قۇتتىقتايمىن! حالقىمىزدا «وتان وتباسىنان باستالادى» دەگەن ءسوز بار. سىزدەر بۇگىن مەم...
