ۇيشىك
الاڭدا ءبىر ۇيشىك تۇر ەدى. جەرتەسەر تىشقان ونى كورىپ قالدى.
— نەتكەن ۇيشىك! كىمدىكى بۇل ۇيشىك؟
ەشكىم جاۋاپ قاتپادى. تىشقان ۇيشىككە كىرىپ، سوندا تۇرا باستادى. سەكىرىپ باقىلداۋىق باقا كەلدى.
— نەتكەن ۇيشىك! ۇيشىكتە كىم تۇرادى؟
— مەن، جەرتەسەر تىشقانمىن. ال سەن كىمسىڭ؟
— مەن — باقىلداۋىق باقامىن
— كەل، بىرگە تۇرايىق
ەكەۋى بىرگە تۇرا باستادى. سەكەكتەپ سەكەك قويان كەلدى.
— نەتكەن ۇيشىك! ۇيشىكتە كىم تۇرادى؟
— ءبىز — جەرتەسەر تىشقان، باقىلداۋىق باقا، ال سەن كىمسىڭ؟
— مەن — سەكەك قويانمىن.
— كەل، بىرگە تۇرايىق
ولار ۇشەۋى بولدى. جۇگىرىپ جىلماڭ تۇلكى كەلدى.
— نەتكەن ۇيشىك! ۇيشىكتە كىم تۇرادى؟
— ءبىز — جەرتەسەر تىشقان، باقىلداۋىق باقا جانە سەكەك قويان، ال سەن كىمسىڭ؟
— مەن — جىلماڭ تۇلكىمىن
— كەل، بىرگە تۇرايىق
ولار تورتەۋ بولدى. ۇيشىككە ايۋ كەلىپ، ەسىك قاقتى.
— نەتكەن ۇيشىك! ۇيشىكتە كىم تۇرادى؟
— ءبىز — جەرتەسەر تىشقان، باقىلداۋىق باقا، سەكەك قويان، جىلماڭ تۇلكى، ال سەن كىمسىڭ؟
— ال مەن – جانتايعىش ايۋمىن. ۇيشىگىڭە جانتايا كەتسەم — ءبارىڭ جانشىلىپ قالاسىڭدار.
قورقىپ كەتكەن اڭدار ۇيشىكتەن قاشىپ شىقتى. ال جانتايعىش ايۋ ۇيشىكتىڭ ۇستىنە جانتايا كەتىپ ەدى، ۇيشىك قيراپ قالدى. جەرتەسەر تىشقان، باقىلداۋىق باقا، سەكەك قويان، جىلماڭ تۇلكى، جانتايعىش ايۋ جينالىپ جاڭا ۇلكەن، ادەمى ۇيشىك سالىپ، بىرگە ءومىر ءسۇردى.
You Might Also Like
-
ەلەن دجونسون-سەرليف كوبىمىزگە افريكالىق ەل — ليبەريانىڭ العاشقى پرەزيدەنتى بولعانى ارقىلى تانىس. وجەت مىنەزدىلىگى مەن نانىم-سەنىمدەرىنىڭ بەرىكتىگى ءۇشىن ەلەندى «تەمىر حانىم» دەپ ات...
-
ەرتەدە ءبىر اتاي كۇشىگىمەن ورمانعا كەلە جاتسا، قولىنا كيەتىن قولعابىنىڭ بىرەۋىن ءتۇسىرىپ الىپتى. ونى كورگەن تىشقان قولعاپتىڭ ىشىنە كىرىپ الىپ: «مەن ەندى وسىندا تۇرامىن» — دەپتى.
