InfoHub Logo

الماتى وبلىسى، كەربۇلاق اۋدانى،
سارىباستاۋ ورتا مەكتەبى كمم
مەكتەپالدى دايارلىق توبىنىڭ تاربيەشىسى
نۋربەكوۆا اسەم جەتپيسوۆنا

تاقىرىبى: «ۇيشىك» ەرتەگىسى.
ماقساتى: 1. ەرتەگىنى ساحنالاۋعا ۇيرەتۋ.
2. دوستىق قاتىناستى باعالاي بىلۋگە باۋلۋ.
3. دوستاسا بىلۋگە، ادال دوستىققا تاربيەلەۋ.
كورنەكىلىگى: توپتىڭ ءىشى ورمان سەكىلدى بەزەندىرىلىپ، ۇيشىك قويىلادى.
جۇرگىزۋشىنىڭ ءسوزى:
كۇن كۇلەدى جادىرايدى،
قۇستار كەلىپ سايرايدى.
كەل، بالالار، كەلىڭدەر.
ەرتەگىگە ەنىڭدەر.
- ەرتە، ەرتە، ەرتەدە ورماندا ءبىر ۇيشىك بولعان ەكەن. «ۇيشىك» ەرتەگىسىن تاماشالاڭىزدار.
ورماندا كەلە جاتقان تىقىرلاۋىق تىشقان:
مەن تىقىرلاۋىق تىشقانمىن،
ءوز ىنىمنەن شىققانمىن.
دوس ىزدەيمىن وزىمە،
تاتۋ بولام وزىڭمەن.
ۇيشىكتى كورە تاڭعالىپ.
- ءسۇپ – سۇيكىمدى، كىپ-كىشكەنتاي ادەمى ۇيدە كىم تۇرادى؟
ۇيشىكتە ەشكىم تۇرماعان سوڭ تىشقان ۇيشىككە كىرىپ تۇرادى.
قويان كەلەدى.
مەن قويانمىن، قويانمىن،
ءسابىزدى جەپ تويامىن.
جەمىستەردى كوپ جيناپ،
قىسقا ساقتاپ قويامىن.
ۇيشىكتى كورگەن قورقاق قويان.
- ءسۇپ - سۇيكىمدى، كىپ-كىشكەنتاي ادەمى ۇيشىكتە كىم تۇرادى؟
- مەن تىقىرلاۋىق تىشقانمىن، كەل بىرگە تۇرايىق.
ءتيىن كەلەدى.
مەن ءتيىنمىن، ءتيىنمىن،
قىسقا جىلى كيىندىم.
قويمام تولى جاڭعاققا،
ءىشى جىلى ءۇيىمنىڭ.
- ءسۇپ - سۇيكىمدى، كىپ-كىشكەنتاي ادەمى ۇيشىكتە تۇرادى؟
- مەن تىقىرلاۋىق تىشقانمىن.
- مەن قورقاق قويانمىن كەل بىرگە تۇرايىق.
سۇلۋ تۇلكى كەلەدى.
مەن سۇلۋ تۇلكىمىن،
جاي وتپەس ءبىر كۇنىم.
ىشىندە جۇرەمىن،
ايعاي شۋ كۇلكىنىڭ.
- ءسۇپ – سۇيكىمدى، كىپ-كىشكەنتاي ادەمى ۇيشىكتە كىم تۇرادى.
- مەن تىقىرلاۋىق تىشقانمىن.
- مەن قورقاق قويانمىن.
- مەن ۇلپىلدەك ءتيىنمىن، كەل بىرگە تۇرايىق.
تۇلكى ۇيشىككە كىرىپ وزىنە جاڭا دوستار تابادى.
كوكجال قاسقىر كەلەدى.

مەن كوكجال قاسقىرمىن،
اۋىلدى توريمىن.
اڭشىدان قورقامىن،
سايلاردا جورتامىن.
- ءسۇپ – سۇيكىمدى، كىپ-كىشكەنتاي ادەمى ۇيشىكتە كىم تۇرادى.
- مەن تىقىرلاۋىق تىشقانمىن.
- مەن قورقاق قويانمىن.
- مەن ۇلپىلدەك ءتيىنمىن.
- مەن سۇلۋ تۇلكىمىن، كەل بىرگە تۇرايىق.
وسىلايشا قاسقىردا دوس بولىپ ۇيشىككە كىرىپ تۇرادى.
قورباڭداعان ايۋ كەلەدى.
مەن ايۋمىن قورباڭباي،
قيمىلدايمىن قورباڭداي.
ومارتانى كورگەندە،
باس سالامىن ويلانباي.
- ءسۇپ - سۇيكىمدى، كىپ-كىشكەنتاي، ادەمى ۇيشىكتە كىم تۇرادى.
- مەن تىقىرلاۋىق تىشقانمىن.
- مەن قورقاق قويانمىن.
- مەن ۇلپىلدەك ءتيىنمىن.
- مەن سۇلۋ تۇلكىمىن.
- مەن كوكجال قاسقىرمىن، كەل بىرگە تۇرايىق.
ايۋ دەنەسىنىڭ ۇلكەندىگىنە بايلانىستى ۇيشىكتىڭ ەسىگىنەن سىيماي قويادى، ۇيشىكتىڭ تەرەزەسىنەن كىرۋگە تىرىسادى بارىبىردە باسى كىرمەي قويادى.
ۇيشىكتىڭ شاتىرىنا شىعىپ تۇرۋعا تىرىسادى.
شاتىرىنا شىعا بەرگەن كەزدە ۇيشىكتى قۇلاتىپ قويادى.
قاپالانعان ايۋ.
- ۇيشىكتەرىڭدى قۇلاتىپ قويدىم كەشىرىڭدەر.
دوستارى:
- قاپالانبا دوستىم ءبارىمىز بىرگە ءۇي سالايىق.
ءبارى بىرگە:
بالدىرعان بالامىز،
دوستى كوپ تابامىز.
قاشان دا، قايدا دا،
دوستار ءبىر - بىرىنە،
سەنىمدى بولامىز.