ۆاريكوز دەرتىنەن قورعانۋ
ماماندار ۆاريكوز دەرتىنەن قورعانۋ ءۇشىن تالشىقتى ازىقتاردى تۇتىنۋعا كەڭەس بەرەدى. وسىلاي تامىرلارعا سالماق ءتۇسىرىپ ۆاريكوز قالىپتاسۋىنا سەبەپ بولاتىن ءىش قاتۋىنىڭ الدى الىنعان بولماق. تالشىقتى ازىقتار تامىر ساۋلىعىنا پايدالى. بالىق، جەمىس-جيدەك، كوكونىستەرمەن جۇيەلى قورەكتەنۋ كەرەك. سونداي-اق شيە، بۇلدىرگەن، قاربىزدىڭ دا تامىرعا پايداسى وراسان زور. قۇرامىنداعى انتيوكسيدانتتار ارقىلى كوكتامىر وكسيدانت زاتتاردىڭ زياندى اسەرىنە توتەپ بەرەدى. تاعى ءزىمبىر، پياز، سارىمساقتىڭ دا ۆاريكوز ەمىنە ايتارلىقتاي پايداسى بار. ال شەكەر مەن تۇز مولشەرى جوعارى كەلەتىن بالمۇزداق سەكىلدى تاتتىلەر مەن قۋىرىپ دايىندالاتىن ازىقتاردى، چيپستەردى كوپ تۇتىنباعان ءجون. تۇز مولشەرىن ازايتىپ قورەكتەنۋ اياقتاعى ءىسىنۋدىڭ ازايۋىنا ىقپال ەتەدى. كوپ سۋ ءىشۋ تامىرلارداعى قان اينالىمىنىڭ جاقسارۋىنا ىقپال ەتەدى. قان تامىرلارىن كەڭەيتىپ ۆاريكوزعا سەبەپ بولاتىن ءسپيرتتى ىشىمدىكتەردەن جانە قان قىسىمىنا كەرى اسەر ەتەتىن تەمەكى اتاۋلىدان اۋلاق بولعان ءجون.
تاڭەرتەڭ جانە كەشكە 20 مينۋت جاياۋ ءجۇرۋ اياق ساۋلىعى ءۇشىن وتە ماڭىزدى. ليفتكە ءمىنۋدىڭ ورنىنا باسپالداقپەن جۇرۋگە، ۆەلوسيپەد قولدانۋعا تىرىسىڭىز. وتىرعاندا اياقتى ايقاستىرىپ وتىرۋ قان اينالىمىنا بوگەت بولاتىندىقتان ۆاريكوز سەبەپتەرىنىڭ ءبىرى سانالادى. كەشكىسىن اياقتاردى جۇرەك دەڭگەيىنەن جوعارى كوتەرىپ 20 مينۋت جاتۋ دا پايدالى. ۆاريكوز مازاسىزدىعى بارلاردىڭ اياقتارىن سالقىن ۇستاۋى، ىستىق سۋعا سالماۋى ماڭىزدى.
حيرۋرگ دارىگەر مەيىرجان ەرمان
وقۋعا كەڭەس بەرەمىز:
ۆاريكوز اۋرۋىن زاماناۋي ەمدەۋ ادىستەرى
قان قىسىمىن قالاي كوتەرۋگە بولادى: كومەگى تيەرى انىق 5 جىلدام ءتاسىل
You Might Also Like
-
بۇرىنعى وتكەن زاماندا قازاق جۇرتىنىڭ ءبىر قارامەرگەن دەگەن كىسىسى بولىپتى. ءوزىنىڭ داۋلەتى جوق، جانە پەرزەنتى جوق ەكەن. مەرگەندىكپەن بۇعى اتىپ ءمۇيىزىن، قۇلان اتىپ ساۋرىسىن، ءارتۇرلى اڭ اتىپ، تەرىسىن س...
