ىرعاقتى ايىرۋ ويىنى
مۋزىكاسىن جازعان كۇنسايىن قۋاتبايەۆ
داڭعىرانى ۇر قاتتى،
ءدال قايتالا ىرعاقتى.
توعايدا كوپ توقىلداق،
ءۇن ەستىلدى توقىلداپ:
توق، توق، توق!
توق، توق، توق، توق!
داڭعىرانى ۇر قاتتى،
ءدال قايتالا ىرعاقتى.
كۇن كۇركىرەپ، جارقىلداپ،
بۇرشاق جاۋدى سارتىلداپ:
سارت – سارت – سارت – سارت!
سارت – سارت – سارت – سارت – سارت!
داڭعىرانى ۇر قاتتى،
ءدال قايتالا ىرعاقتى.
دۇرسىلدەتىپ دالانى،
پويىز كەتىپ بارادى:
دۋ – دۋ – دۋ – دۋ –
دۋ – دۋ – دۋ – دۋ – دۋ!
دۋ – دۋ – دۋ – دۋ –
دۋ – دۋ – دۋ – دۋ.
بالالار قول ۇستاسىپ، شەڭبەر جاساي ءجۇرىپ، ءاننىڭ ءبىرىنشى جانە ەكىنشى شۋماعىن ايتادى: «توق – توق – توق...»، «سارت – سارت – سارت...» سوزدەرىنە توقتاپ، ىرعاقتى الاقاندارىمەن سوعادى.
ءبىرىنشى شۋماقتىڭ 4ء-شى جولى قايتالانعاندا، قول ۇستاسادى، ەكىنشى شۋماقتىڭ 4ء-شى جولى قايتالانعاندا، ءبىرىنىڭ ارتىنان ءبىرى تۇرادى.
ءۇشىنشى شۋماقتا شەڭبەرمەن ءجۇرىپ ءان سالادى: «دۋ – دۋ – دۋ...» بۋىندارىندا ءبىرىنىڭ سوڭىنان ءبىرى ءجۇرىپ، پويىز ءجۇرىسىن سالادى، سوڭعى جول قايتالانعاندا توقتاپ، كەتىپ بارا جاتقان «پويىزعا» قول بۇلعايدى.
You Might Also Like
-
بۇرىنعى زاماندا بولعان ءبىر پاتشا. ول پاتشانىڭ ءۇش ۇلى ءھام ءبىر ءجۇدا ۇلكەن باقشاسى بار ەكەن. سونداي باقشا ماقتاۋعا كەلەتىن ەدى. مۇنداي باقشا ول زاماندا دۇنيە جۇزىندە بولماعان. ەگەر بۇل باقشاعا قايعىلى...
