InfoHub Logo

ەلىمىزدىڭ اتىنان حالىقارالىق پاندىك وليمپيادالارعا قاتىسىپ، جەڭىمپاز اتانعان وقۋشىلارعا ۇبت تاپسىرماي-اق جوعارى وقۋ ورىندارىنا ءتۇسۋ مۇمكىندىگى بەرىلەدى. بۇل تۋرالى ق ر وقۋ-اعارتۋ ءمينيسترى اسحات ايماعامبەتوۆ ءمالىم ەتتى.

«دارىندى بالالاردى قولداۋ بويىنشا بىزدە كەشەندى جۇمىس ءجۇرىپ جاتىر. بيىل ەلىمىزدە الەمدەگى ەڭ بەدەلدى وليمپيادالار بويىنشا رەكورد ورنادى. ءبىزدىڭ وقۋشىلار پاندىك حالىقارالىق وليمپيادالاردان 27 جۇلدە الىپ كەلدى. بۇل بالالار مەن ولاردى دايىنداعان ۇستازداردىڭ ەڭبەگى. سونىمەن قاتار اتا-انالاردىڭ قولداۋىنىڭ ارقاسىندا وسىنداي جەتىستىككە جەتىپ جاتىر»، – دەدى اسحات ايماعامبەتوۆ ەلورداداعى №86 مەكتەپ-گيمنازيادا وتكەن العاشقى قوڭىراۋ سالتاناتتى شاراسى بارىسىندا.

سونداي-اق، مينيستر حالىقارالىق وليمپيادالاردان جەڭىسپەن ورالىپ، مەدال الىپ كەلگەن وقۋشىلارعا قارجىلاي ۇستەماقى بەرىلەتىنى تۋرالى ايتتى.

«تاياۋدا عانا ەلىمىزدىڭ تۇكپىر-تۇكىرىنەن كەلگەن حالىقارالىق وليمپيادانىڭ بيىلعى جەڭىمپازدارىن قابىلداپ، ولارعا 4،7 ملن-نىڭ سەرتيفيكاتىن تابىس ەتتىم. ەندى بۇل بالالار ۇبت تاپسىرماي-اق، جوعارى وقۋ ورىندارىنا تۇسۋگە مۇمكىندىك الىپ وتىر. وسىلايشا ءبىزدىڭ مەملەكەت دارىندى بالالارعا قولداۋ كورسەتۋدە. بۇل جۇمىس جالعاسىن تابادى»، – دەيدى ول.

ايتا كەتسەك، ق ر وقۋ-اعارتۋ ءمينيسترى اسحات ايماعامبەتوۆ بۇگىن ەلورداداعى م. اۋەزوۆ اتىنداعى №86 مەكتەپ-گيمنازياسىندا جاڭا وقۋ جىلىنا وراي وتكەن سالتاناتتى شاراعا قاتىستى.

ق ر وقۋ-اعارتۋ مينيسترلىگىنىڭ مالىمەتىنشە، 2022-2023 وقۋ جىلىندا ەلىمىزدە 3،6 ملن بالا 7 637 مەكتەپتە ءبىلىم الادى.

---