InfoHub Logo

 بۇگىن الماتىدا م. اۋەزوۆ اتىنداعى اكادەميالىق دراما تەاترىندا ماتەماتيكا، فيزيكا جانە ينفورماتيكا پاندەرىنەن حII حالىقارالىق  جاۋتىكوۆ وليمپياداسىنىڭ جابىلۋ ءراسىمى بولىپ ءوتتى.

جىل سايىنعى ءداستۇرلى سايىسقا بيىل الەمنىڭ 17 ەلىنەن قۇرامىندا 413 وقۋشى بار 63 كوماندا قاتىستى. بۇل جاۋتىكوۆ وليمپياداسى تاريحىندا رەكوردتىق كورسەتكىش. ال قازاقستاننان بارلىعى بۇل حالىقارالىق سايىسقا 138 وقۋشى قاتىستى.  

ال، حالىقارالىق ءادىل قازىلار القاسى قۇرامىندا  قازاقستان، رەسەي، بولگاريا، ازەربايجان، ارمەنيا، گرۋزيا، بەلورۋسسيا، وزبەكستان سەكىلدى 8 ەلدىڭ عالىمدارى جۇمىس ىستەدى.

ساراپشىلاردىڭ ايتۋىنشا، وليمپيادا سۇراقتارى بىلتىرعى جىلمەن سالىستىرعاندا الدەقايدا كۇردەلىرەك بولدى. سوندىقتان ناعىز ينتەللەكتۋالدى دارىندى بالالار عانا وليمپيادانىڭ جەڭىمپازدارى اتاندى.

«وليمپيادا وتە جوعارى دەڭگەيدە ءوتتى. ەشقانداي وقىس وقيعالار بولعان جوق. تاپسىرمالاردىڭ كۇردەلىلىگى دە جوعارى دارەجەدە بولدى. جالپى، قاتىسۋشىلاردىڭ 45 پايىزى جۇلدەگەر اتاندى. قازاقستاندىق وقۋشىلار 191 مەدالدىڭ 48ء-ىن جەڭىپ الدى. بۇل جاقسى كورسەتكىش»، - دەدى ءوز سوزىندە وسى وليمپيادانىڭ ۇيلەستىرۋشىسى، جاۋتىكوۆ اتىنداعى رەسپۋبليكالىق مامانداندىرىلعان دارىندى بالالارعا ارنالعان فيزيكا-ماتەماتيكا ورتا مەكتەپ-ينتەرناتى ديرەكتورىنىڭ ورىنباسارى ارقات دولايەۆ.  

سونىمەن، ەكى كۇنگە سوزىلعان وليمپيادانىڭ قورىتىندىسى بويىنشا ۇزدىك 7 كوماندا انىقتالدى. ولارعا وليمپيادا دەمەۋشىلەرى باعالى سىيلىقتار ۇسىندى. ەڭ ۇزدىك كوماندا گران-پري يەسى اتاندى. جەكەلەي بىرىنشىلىك بويىنشا 38 التىن، 57 كۇمىس جانە 96 قولا مەدال ساراپقا سالىندى.   

كوماندالىق سايىستا گران-پري جۇلدەسىن ماسكەۋ قالاسىنىڭ №1329ء-شى مەكتەپ كومانداسى جەڭىپ الدى. بىلتىر گران-پري جاۋتىكوۆ اتىنداعى رفمش  كومانداسىنىڭ ەنشىسىنە تيگەن بولاتىن. 

ءبىرىنشى ورىنعا بولگاريانىڭ سوفيا قالاسىنان كەلگەن ماتەماتيكا گيمنازياسىنىڭ كومانداسى يە بولدى. ەكىنشى ورىندى مينسك قالاسىنىڭ (بەلارۋس) مەملەكەتتىك ۋنيۆەرسيتەتى جانىنداعى ليسەي كومانداسى مەن رەسەيلىك ماسكەۋ مەملەكەتتىك ورتالىعى جانىنداعى ارنايى عىلىمي وقۋ ورتالىعىنىڭ كومانداسى ءبولىپ الدى. ال ءۇشىنشى ورىندى ەريەۆان (ارمەنيا) مەملەكەتتىك ۋنيۆەرسيتەتى جانىنداعى ا. شاگينيان اتىنداعى فيزيكا-ماتەماتيكا مەكتەبى، رف چەليابى قالاسىنداعى №31ء-شى ليسەي كومانداسى جانە سەربيانىڭ بەلگراد كالاسىنان كەلگەن ماتەماتيكا گيمنازياسىنىڭ كوماندالارى ءبولىستى. ماراپاتتالعان ءار كوماندانىڭ مۇشەلەرىنە باعالى سىيلىقتار تابىستالدى. ال، گران-پريگە يە بولعان جەڭىمپاز كوماندا مۇشەلەرىنە نوۋتبۋك تاپسىرىلدى.

ال، جەكە بىرىنشىلىكتە 38 قاتىسۋشىعا التىن مەدال تابىس ەتىلدى.  ولاردىڭ ۇشەۋى - قازاقستاندىق وقۋشىلار، (رفمم-دان 1 وقۋشى). 57 كۇمىس مەدالدىڭ - 13ء-ىن (ونىڭ ىشىندە 2ء-ۋى ءرفمم-نىڭ ەنشىسىندە) جانە 96 قولا مەدالدىڭ - 32ء-سىن قازاقستاندىق وقۋشىلار جەڭىپ الدى (ولاردىڭ - 12ء-سى رفمم وقۋشىلارى).

سونىمەن، جالپى 191 مەدالدىڭ - 48ء-ى قازاقستاندىق وقۋشىلارعا بۇيىردى (ولاردىڭ ىشىندە رفمم-نە 15ء-ى تيەسىلى). جۇلدەلى بولعان بارلىق قاتىسۋشىلارعا ماقتاۋ گراموتالارى مەن باعالى سىيلىقتار تابىس ەتىلدى.

ايتا كەتەلىك، وليمپيادا ق ر ءبىلىم جانە عىلىم مينيسترلىگىنىڭ، «رفمم تۇلەكتەرى قوعامدىق قورى،  «دارىن» رەسپۋبليكالىق عىلىمي-پراكتيكالىق ورتالىعى جانە الماتى قالاسى اكىمشىلىگىنىڭ قولداۋىمەن ءوتتى. 

---