حورباتەلدىڭ كۇرەسىنگە تاستالۋى
1916 جىلدىڭ جازى. «يۋن جارلىعى شىعىپتى، قازاقتاردان سولداتقا كىسى الادى» دەگەن حابار قۇلاققا ساپ ەتە قالدى. كەشىكپەي-اق 19 بەن 31 جاستىڭ اراسىن سىپىرا باستادى. جۇرت ابىرجۋدا. بارار جەر، باسار تاۋ، پانالايتىن ورىن جوق. ادامقايىر قويتاسبايەۆ تاعى باسقا بىرنەشە جۇمىسشىلار ەكىباسقا قاشىپ كەتتى. كازىرگى باسسەينىمىزدەگى داڭقتىلاردىڭ ءبىرى بەكبوسىن سىيقىمبايەۆتىڭ بولەگەن دەگەن ءىنىسى سوڭىنان بىرنەشە جۇمىسكەرلەردى ەرتىپ پاتشانىڭ جارلىعىنا قارسى سپاسس ماڭىنا توپتالعان حالىقتىڭ كوتەرىلىسىن باسقارىپ كەتتى.
وي، شىرك-ى-ى-ن! قانداي جىگىت ەدى! جانىپ تۇرعان وت ەدى، شىركىن! سوندا:
— باتىل باس اياقتى، كەدەيلەر،
رۋحىڭمەن كۇرەسكە بەكەمدەن.
تۋدى شاق ءوزىمىز جول اشار،
بوستاندىق دۇنيەگە كەۋدەمەن.. —
دەپ ولەڭ ايتاتىن. اياعى كوپ بولاتىن ەدى، ادام ايتپاعان سوڭ ۇمىتىپ تا قالادى ەكەن.
سول جىلى يۋل ايى ەدى. حورباتەل ناريادقا كەلدى. كەكتى اشۋ كەرنەگەن جۇمىسشىلار ونى ماسقارالايتىن ىڭعاي ءبىلدىردى. الەكساندر گورباتوۆ، نۇرماعامبەتوۆ ىسقاق، التايبايەۆ حۇسايىن دەگەن جۇمىسشىلار بايقاۋسىزدا حورباتەلدىڭ ارتىنا تاشكە اكەلىپ قويدى. مەن ونى يتەرىپ، تاشكەگە قۇلاتتىم. ءازىر تۇرعان جۇمىسشىلار تاشكەنى تارتا جونەلدى. ولار سول بەتىندە حورباتەلدى توپىراق توگەتىن جەرگە، كۇرەسىنگە اپارىپ ءبىر-اق قۇلاتتى.
ءبىزدىڭ شاحتەرلەر اعىلشىن پايداكۇنەمدەرىنە ءوزىنىڭ كەكتى اشۋىن وسىلاي ءبىلدىرىپ ەدى.
You Might Also Like
-
كريستيان دوپلەر «دوپلەر اسەرى» دەپ اتالىپ كەتكەن فيزيكالىق قۇبىلىستى اشتى. قوزعالىسسىز تۇرعان پويىزبەن سالىستىرعاندا، جاقىنداپ كەلە جاتقان پويىزدىڭ گۋىلى كۇشتىرەك، ال الىستاپ بارا جاتقا...
-
1920 جىلدىڭ باسىندا قاراعاندى اق باندالاردان مۇلدە تازاردى. 1919 جىلدان قىس ايلارىندا قاراعاندىنىڭ بۇقپا سەلوسىندا تۇرعان قىزىلداردىڭ قارۋلى وتريادىنا ارقا سۇيەگەن جۇمىسشىلار وزدەرىنىڭ وندىرىستىك كو...
