InfoHub Logo

ينەلىكتەر — جاندىكتەر كلاسىنىڭ ءبىر وتريادى. ۇزىندىعى 14-120 مم. قۇرساق ءبولىمى جىڭىشكە ءارى ۇزىن. اۋزى كەمىرۋگە بەيىمدەلگەن. وتە ۇلكەن فاسەتتى كوزدەرى باسىنىڭ جوعارعى بولىگىن الىپ ورنالاسقان. مۇرتشالارى قىسقا، كوزگە ارەڭ كورىنەدى. قاناتتارى تورلانىپ جۇيكەلەنگەن. باسقا جاندىكتەردەن ەرەكشەلىگى: اركا-قۇرساق قاناتىنىڭ بۇلشىق ەتتەرى جاقسى دامىعان، تىنىشتىق كۇيدە قاناتارىن دەنەسىنە جيناماي، جايىپ جىبەرەدى. قاناتتارىنىڭ قۇرىلىسىنا قاراي ينەلىكتەر: تەڭقاناتتىلار، ءار ءتۇرلى قاناتتىلار جانە اnءىsوzۋgورtەrا (تەك جاپونيا جانە ءۇندىستاندا عانا كەزدەسەدى) وترياد تارماقتارىنا بولىنەدى. ينەلىكتەردىڭ 4500-دەن استام ءتۇرى بەلگىلى. قازاقستاندا 7 ءتۇرى قورعاۋعا الىنىپ، قازاقستاننىڭ «قىزىل كىتابىنا» ەنگىزىلگەن. ينەلىكتەر — دارا جىنىستىلار، شالا تۇرلەنىپ داميدى. جۇمىرتقالارىن سۋعا نەمەسە سۋ وسىمدىكتەرىنىڭ ساباعىنا سالادى. دەرناسىلدەرى سۋ استىنداعى زاتتارعا جابىسىپ تىرشىلىك ەتەدى. قورەگىن (ۇساق سۋ جاندىكتەرى، ت.ب.) استىڭعى ەرىنى ارقىلى ۇستايدى. قىستاپ شىققان دەرناسىلدەرى كەلەسى جىلى جازعىتۇرىم بىرنەشە رەت تۇلەپ، ماۋسىم ايىندا ەرەسەك ينەلىكتەرگە اينالادى. ەرەسەك ينەلىكتەر تۇششى سۋ قويمالارىنىڭ ماڭىندا ءجيى كەزدەسەدى. شىبىن، ماسا، شىركەي، ۇساق جاندىكتەردى اۋادا ۇشىپ ءجۇرىپ ۇستايدى. ينەلىكتەر — پايدا كەلتىرەتىن ەنتوموفاگتار. دەرناسىلدەرى — بالىقتىڭ، سۋ قۇستارىنىڭ قورەگى.

---