InfoHub Logo

عالىم جايلىباي (9.02.1958 جىلى تۋعان، قاراعاندى وبلىسى، جاڭاارقا اۋدانى، جەڭىس اۋىلى) — اقىن. «الاش» سىيلىعىنىڭ لاۋرەاتى (1999)، جىر ءمۇشايرالارىنىڭ بىرنەشە مارتە جەڭىمپازى. ۇزاق جىل اۋىلدا شوپان، جىلقىشى بولىپ جۇمىس ىستەگەن. اۋداندىق، وبلىستىق باسىلىمداردا قىزمەتتە بولعان. 1993 جىلى قازاقتىڭ مەنەدجمەنت، ەكونوميكا جانە بولجاۋ ينستيتۋتىن الەۋمەتتانۋشى ماماندىعى بويىنشا بىتىرگەن. ق ر سىرتقى ىستەر مينيسترلىگىندە، ءتۇرلى باسىلىمداردا قىزمەت اتقارعان. پوەزيالىق تۋىندىلارى وقىرمانداردىڭ ىقىلاسىنا يە بولعان. «جانىمنىڭ جاپىراقتارى» (1988)، «جۇرەگىمنىڭ جۇلدىزى» (1996) اتتى جىر كىتاپتارىنىڭ اۆتورى. سوڭعى جىر جيناعىندا ليريكالىق ىشكى يىرىمدەرمەن قوسا فيلوسوفيالىق وي تۇيۋلەرى وقىرمان كوڭىلىنەن شىقتى. جايلىبايەۆ ولەڭدەرى تابيعي دا قاراپايىم. ءتىلدىڭ قاسيەتى، مۇمكىندىكتەرى كورىنەدى. اينالاسىنا سۋرەتكەر كوزىمەن قاراۋعا قالىپتاسقان. اقىن جىرلارىندا ءومىر، تابيعات، تاعدىر تىلسىمدارى استاسىپ جاتادى. ولەڭدەرى ورىس، ۋكراين، قىرعىز تاعى باسقا حالىقتار تىلدەرىنە اۋدارىلعان. حالىق اقىنى جولدىكەي نۇرماعانبەت ۇلىنىڭ ارتىندا قالعان مول مۇراسىن جيناپ، ءالعىسوز جازىپ جەكە جيناق ەتىپ باستىرعان («سۇلۋ تەرەك»، 1996) "جانىمنىڭ جاپىراقتارى» جىر جيناعى ءۇشىن 1999 جىلى «الاش» سىيلىعى بەرىلگەن. قازاقستان جازۋشىلار وداعىنىڭ مۇشەسى. جۇڭگو حالىق رەسپۋبليكاسى كۇيتىڭ قالاسىنان شىققان «سۇمبىلە» دەپ اتالاتىن قازاق اقىندارىنىڭ جىر جيناعىنا ولەڭدەرى ەنگەن.

---