يسەكەشيەۆ مەكتەپتەردەگى اقشا جيناۋ پروبلەماسىن باقىلاۋعا الماق
ەلوردا تۇرعىندارى مەكتەپتەردە اقشا جيناۋ پروبلەماسىمەن بەتپە-بەت كەلسە، قالا باسشىسىنا شاعىم جاساي الادى.
بۇل تۋرالى بۇگىن ەلوردا ءبىلىم قىزمەتكەرلەرىنىڭ تامىز كەڭەسىندە استانا قالاسىنىڭ اكىمى اسەت يسەكەشيەۆ ءمالىم ەتتى.
«الەۋمەتتىك جەلىلەردە مەكتەپكە بالانى اۋىستىرۋ بارىسىندا ورىن جوق دەگەن سىلتاۋمەن اقشا الۋ ماسەلەسىنە بايلانىستى كوپتەگەن سىننىڭ بار ەكەندىگىن اتاپ وتكىم كەلەدى»، - دەدى ول.
وسى رەتتە قالا باسشىسى ءدال وسى ماسەلەگە بايلانىستى جايتتار تۋىنداسا قالا تۇرعىندارىنىڭ كەز كەلگەن ۇسىنىستارىن قاراۋعا دايىن ەكەندىگىن جەتكىزدى.
«مەنىڭ جەكە وزىمە جىبەرۋلەرىڭىزگە دە بولادى. بۇعان قوسا، Facebook الەۋمەتتىك جەلىسىندە ەلوردانىڭ ءبىلىم بەرۋ سالاسىنىڭ «ءبىلىم. استانا» پاراقشاسى اشىلعان. ءبىزدىڭ ماماندار، كەيدە مەنىڭ ءوزىم دە كىرىپ وتىرامىز. استانانىڭ بارلىق پەداگوگ قوعامداستىعىنا سول جەردە اڭگىمەلەسۋگە شاقىرامىن. مەنىڭشە، بۇل پىكىر الماسۋدىڭ ەڭ جىلدام جولى»، - دەپ اتاپ ءوتتى ەلوردا اكىمى.
سونىمەن قاتار ءا.يسەكەشيەۆ اكىمدىك كەز كەلگەن ماسەلەگە شۇعىل ارەكەت ەتەتىندىگىن باسا ايتتى.
«سوندىقتان اكىمدىككە كەلۋدىڭ قاجەتى جوق. كەز كەلگەن ماسەلە بويىنشا اكىمدىك سايتى ارقىلى جۇمىس ىستەۋگە بولادى. ءبىز پروبلەمانى بىلەمىز. ولار: مەكتەپ فورماسى، تاماق، وقۋلىقتار. بۇلاردى شەشەتىن بولامىز»، - دەدى ول.
You Might Also Like
-
2017 جىلى ۇلتتىق ءبىرىڭعاي تەستىلەۋ وزگەرەدى. بۇل تۋرالى بۇگىن قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ق ر پرەمەر-مينيسترىنىڭ ورىنباسارى داريعا نازاربايەۆا ءمالىم ەتتى.
