InfoHub Logo

وسپانوۆا گۇلماريا تۇرىسبەك قىزى
ءال—فارابي اتىنداعى قازۇۋ—دىڭ فيلولوگيا جانە الەم تىلدەرى فاكۋلتەتىنىڭ
قازاق ءتىلى مەن ادەبيەتىنىڭ 2—كۋرس ستۋدەنتتى

مۇحتار اۋەزوۆ — ءبىر بويىنا بىرنەشە  اسىل قاسيەتتەردى جيىپ،  ونەگەلى ومىرىندە ونەر مەن عىلىمعا قاتار ۇلەس قوسقان ايرىقشا تالانت يەسى. ول تۋرالى جازىلعان ز.قابدولوۆتىڭ «مەنىڭ اۋەزوۆىم» رومان-ەسسەسى— زاڭعار تۇلعانى سان ءتۇرلى قىرىنان جان—جاقتى سۋرەتتەيتىن بىرەگەي تۋىندى. شىعارمانىڭ ءون بويىندا م.اۋەزوۆتىڭ ءومىرى مەن قىزمەتىنىڭ ەرەكشە دارالاناتىن جانە ءوزارا ساباقتاس ەكى ۇعىمى ايقىن اڭعارىلادى. 
ز.قابدولوۆتىڭ «مەنىڭ اۋەزوۆىم» رومان-ەسسەسىندە تۋما دارىننىڭ ءومىرى مەن قىزمەتىنىڭ اجىراماس بولىگى ىسپەتتى ءوزارا تامىرلاس  ۇستازدىق  جانە جازۋشىلىق تۋرالى ەكى ۇعىم باستى نازارعا الىنعان. بۇل تۋىندىنى باسقالاردان وقشاۋلاپ تۇرعان باستى ەرەكشەلىگى دە وسىندا،دارا تۇلعانىڭ ۇستازدىعى مەن جازۋشىلىق قىرىن توعىستىرا وتىرىپ، قاتار سۋرەتتەي بىلۋىندە دەپ ويلايمىن. وعان شىعارماداعى: « اۋەزوۆ كادىمگى قازاقتىڭ «سەگىز قىرلى، ءبىر سىرلى» دەيتىن كىسىلىكتى كىسىسى،ۇلى تۇلعاسى.ول ۇستاز عانا ەمەس، جازۋشى ءارى عالىم جانە وسى قىرىنىڭ ۇشەۋىن دە ايتا قالعانداي ايقىنداپ العان ، ءۇش ماماندىعىنىڭ ۇشەۋىن دە جەتىك مەڭگەرگەن، ۇشەۋىندە دە الىپ، كۇشتى» ،—دەگەن سوزدەرى دالەل بولا الادى. اۆتور  وسى اتالعان ءۇش قىرىنىڭ ىشىنەن اسىرەسە العاشقى ەكەۋىن، ياعني ۇستازدىق جانە جازۋشىلىق قىزمەتىن  وزگەشە دارالاپ كورسەتەدى. ءبىر ۇزىندىدە: «قازاق ۋنيۆەرسيتەتىنىڭ وزگەلەردەن ەرەك تۇرعان ايرىقشا اياۋلى قاسيەتى — م.اۋەزوۆتىڭ  كۇللى سانالى عۇمىرى تۇپ-تۇگەل وسىندا وتكەنى، ۇستازدىق ەتكەنى — لەكسيا وقىعانى، ادام تاربيەلەگەنى»،— دەپ، ۇلى ۇستاز بەينەسىن ايشىقتاي تۇسسە، ەندى بىردە: «جازۋشى اۋەزوۆ—س اڭلاق سۋرەتكەر، كوركەم ءسوزدىڭ حاس شەبەرى. ءسوز ونەرى—اۋەزوۆتىڭ بىردەن—ءبىر جانە عۇمىرلىق ستيحياسى»دەگەن جولدار ارقىلى ونىڭ جازۋشىلىعىنا  اسا زور ءمان بەرەدى. وسىعان قاراپ، ۇستاز جانە قالامگەر بەينەسىنىڭ تۋىندىنىڭ باستى وزەگى ەكەنىنە كوز جەتكىزەمىز.

تۇيىندەي كەلە، ز.قابدولوۆتىڭ «مەنىڭ اۋەزوۆىم» رومان-ەسسەسىنىڭ ءون بويىندا م.اۋەزوۆتىڭ سانالى عۇمىرى مەن قىزمەتىنىڭ ءوزارا ساباقتاس ۇستازدىق جانە جازۋشىلىق ۇعىمدارى ەرەكشە دارالانىپ كورىنەدى. وسىنداي ىزگىلىكتى ۇعىمداردى كۇللى ومىرىنە سەرىك ەتكەن ۇلاعاتتى تۇلعانىڭ  وسيەت-ونەگەسى وسكەلەڭ ۇرپاق ءۇشىن اسا قىمبات قازىنا ەكەندىگىنە كۇمان جوق.

---