InfoHub Logo

زىعىر مايىنىڭ تۇسسىزدەن سارعىشتاۋ مايعا دەيىنگى تۇرلەرى كەزدەسەدى. ماي زىعىردىڭ ابدەن پىسكەن ءارى كەپتىرىلگەن دانىنەن سىعۋ ارقىلى الىنادى.

زىعىر مايىنىڭ قۇرامى

زىعىر مايى باسقا دا ماي تۇرلەرى سەكىلدى تريگليسەريدتەن تۇرادى. تريگليسەريدتەردى قۇرايتىن مايلى قىشقىلداردىڭ قاسىندا الفا-لينول قىشقىلىنىڭ كوپ مولشەرىنەن تۇراتىن زىعىر مايى وتە ەرەكشە بولىپ كەلەدى. زىعىر مايىنداعى مايلى قىشقىلداردىڭ قۇرامى كەلەسىدەي: ءۇش ەسەلەنگەن قانىقپاعان الفا-لينول قىشقىلدارى (51،9%-55،2%)؛ قانىققان قىشقىلدار: پالميتين قىشقىلى (7 % جۋىق) جانە ستەارين قىشقىلى (3،4%-4،6%)؛ مونوقانىقپاعان ولەين قىشقىلى (18،5%-22،6%)؛ ەكى ەسەلەنگەن قانىقپاعان لينول قىشقىلى (14،2%-17،0%).

زىعىر مايى اسىرەسە وتتەگىنىڭ اسەرىن پوليمەرلەۋ رەاكسياسىندا اسا قابىلەتتى. پوليمەرلەۋ پروسەسىنىڭ جىلۋ شىعاراتىنى سونشالىق، بەلگىلى ءبىر كەزەڭدە ءتىپتى ءورت تۋىنداتۋى دا مۇمكىن.

زىعىر مايىن قولدانۋ

مايدى وڭدەۋ جولىنا قاراي زىعىر مايىن ءار ءتۇرلى ماقساتتا قولدانۋعا بولادى.

زىعىر مايىن تاعامدىق قوسپا رەتىندە پايدالانۋ

زىعىر ءدانىنىڭ قۇرامىندا انتيوكسيدانتتار بولىپ كەلەتىن ليگناندار (فيتوەستروگەندەر) جەتىپ ارتىلادى. كەيبىر مالىمەتتەر بويىنشا، زىعىر دانىنەن زىعىر مايى ءبولىنىپ شىققان كەزدە ليگناندار دا اجىراتىلىپ، انتيوكسيدانتتىق قاسيەتى بولماعانىمەن، وندىرۋشىلەر مايدى ءوندىرۋ پروسەسى كەزىندە ءبارىبىر ليگنانداردى قوسادى.

زىعىر مايى توتىققاننان كەيىن جايسىز يىسپەن بىردەن كوگەرىپ شىعا كەلەدى. ءتىپتى سالقىن ورىندا ساقتالعانىمەن، ونىڭ جارامدىلىق مەرزىمى بار-جوعى بىرنەشە اپتاعا سوزىلۋى مۇمكىن. كوگەرىپ كەتپەۋ ءۇشىن كومەرسيالىق تۇرعىدا زىعىر مايىنىڭ قۇرامىنا انتيوكسيدانتتار قوسىلادى. جايسىز ءيىسى بار كوگەرىپ كەتكەن زىعىر مايىن پايدالانۋعا بولمايدى.

ەزۋ ەكستراكسياسىنسىز سالقىن جولمەن سىعۋ ارقىلى الىنعان تاعامدىق زىعىر مايى گەرمەتيكالىق قاپتامادا تاعامدىق زىعىر مايى رەتىندە ساۋدا سورەلەرىنە تۇسەدى. جاڭا دايىندالعان، وڭدەلمەگەن جانە سالقىنداتىلعان زىعىر مايى تاعامدىق قوسپا رەتىندە قولدانىلادى.

تاماقتى تەك تاعامدىق مايمەن پىسىرگەن ابزال. جىلىتىلعان جانە حيميالىق زاتتار ارقىلى وڭدەلگەن ماي تاماققا پايدالانۋعا جارامايدى.

زىعىر مايىن تۇرمىستىق سالادا قولدانۋ

زىعىر مايى كەندىر ماي بولىپ تابىلادى. ءوزىنىڭ پوليمەر قالىپتى قۇرامىنىڭ ارقاسىندا مايدى تازا تۇردە نەمەسە باسقا مايلارمەن كەشەندى تۇردە، ەرىتكىش نەمەسە قارا ماي، سونداي-اق سۇرەكتى وڭدەۋگە ارنالعان لاك، بوياۋ، بىتەۋ كەزىندە پلاستيفيكاتور جانە قاتايتقىش رەتىندە، لينولەۋم ءوندىرىسى كەزىندە قولدانۋعا بولادى. سوڭعى جىلدارى سينتەتيكالىق الكيدتى قارا ماي قولجەتىمدى بولا تۇسكەندىكتەن، زىعىر مايىن قولدانۋ ازايىپ كەتتى.

زىعىر مايىن كوسمەتولوگيادا قولدانۋ

كوسمەتولوگيادا زىعىر مايى بۇرىننان قولدانىلىپ كەلەدى. شاش بالزامى، تەرى مەن تىرناق ءۇشىن جارامدى كومپونەنت رەتىندە زىعىر مايى ءوزىنىڭ پايدالى ەكەنىن بۇرىندا-اق دالەلدەپ قويعان. تاپتىرمايتىن ماي قىشقىلدارى (تمق) جازىلۋدىڭ ەڭ باستى كومپونەتتەرىنىڭ ءبىرى بولىپ تابىلادى. دۇرىس قىزمەت اتقارۋ ءۇشىن اعزا ونى قاجەت ەتەتىندىكتەن، تمق-نىڭ باعاسى دا ارزان ەمەس.

بەزەۋدەن، قىشىمادان، قوتىردان، كۇنگە كۇيۋدەن، روزاسەادان ەمدەلۋ

زىعىر مايى قابىنۋعا قارسى قاسيەتكە يە. سونىمەن قاتار، ول ادامدى تىنىشتاندىرا الادى. كۇنگە كۇيگەننەن كەيىن زىعىر مايىن جاقساڭىز تەرى جىلدام جازىلادى.

زىعىر مايىن شاش پەن تىرناققا قولدانۋ

شاشقا ارنالعان زىعىر مايى. ماي قىشقىلدارى شاشتىڭ بۋىلتىعىن (ءتۇيىنىن) قۇنارلاندىرادى. شاشتىڭ ۇزىن ءارى ساۋ ءوسۋىن قامتاماسىز ەتىپ، بەرىك بولا تۇسەدى. ال بۇل قىشقىلداردىڭ تومەن دەڭگەيى شاشىڭىزدىڭ قۇرعاق ءارى كۇڭگىرت بولىپ كەتۋىنە الىپ كەلۋى مۇمكىن.

زىعىر مايى باس تەرىسىنىڭ قابىنۋىنىڭ الدىن الىپ، شاشتىڭ ءتۇسۋىن جانە قايىزعاقتىڭ پايدا بولۋىن توقتاتادى.

زىعىر ءدانىنىڭ ارشىلماعان قۇرامىندا بولاتىن ە دارۋمەنى باس تەرىسىنىڭ جانە شاش بۋىلتىعىنىڭ قوسىمشا بەرىك بولا تۇسۋىنە سەپتىگىن تيگىزەدى.

بەرىك ءارى قۇلپىرعان شاشىڭىزدىڭ بولۋىنا قول جەتكىزۋدىڭ ەكى جولى بار.

بۇل باعىتتا ءبىرىنشى ءارى ماڭىزدى قادام – زىعىر مايىن تۇتىنۋدىڭ راسيونىن ەنگىزۋ. زىعىر مايىن ەڭ الدىمەن ازداعان مولشەردە تۇتىنۋدىڭ ماڭىزى زور. ەگەر اعزاڭىز ءبىر تاۋلىكتە ماي قابىلداۋدىڭ بەلگىلى ءبىر مولشەرىنە ۇيرەنىپ قالسا، زىعىر مايىن بىردەن كوپ مولشەردە تۇتىنۋ ۇيلەسىمسىزدىككە اكەپ سوعۋى مۇمكىن.

ەڭ الدىمەن، تاڭەرتەڭ تاڭعى استى ىشەر الدىندا 1 گرامم جانە كەشكى اس ىشەر الدىندا 1 گرامم (بۇل تولىپ تۇرعان شاي قاسىعىنىڭ تورتتەن ءبىر بولىگى) زىعىر مايىن تۇتىنۋدان باستاڭىز. مايدى وسىنداي تارتىپتە تۇتىنۋعا قانشالىقتى ۇيرەنگەنىڭىزدى ساراپتاپ كورىڭىز. ەگەر جايلى دەسەڭىز، كەلەسى اپتادان باستاپ تاڭەرتەڭ تاڭعى استى ىشەر الدىندا 2 گرامم جانە كەشكى اس ىشەر الدىندا 2 گراممنان زىعىر مايىن ءىشىڭىز.

ال ءۇشىنشى اپتادا تۇتىناتىن زىعىر مايىنىڭ مولشەرىن 4-5 گراممعا دەيىن (ءبىر شاي قاسىعى) ارتتىرىڭىز. ەگەر مايدىڭ اعزاڭىزعا سىڭىمدىلىگىن سەزسەڭىز، تاۋلىكتىك تۇتىنۋ مولشەرىن قورىقپاي 8 گرامما دەيىن ارتتىرۋعا بولادى.

ەسىڭىزگە ساقتاڭىز، ءسىزدىڭ شاشىڭىز كۇنىنە شامامەن جارتى ميلليمەترگە وسەدى. وسىنى ەسكەرە وتىرىپ، تىلەگەن ناتيجەگە جەتۋ ءۇشىن ءبىرشاما ۋاقىتتىڭ كەرەكتىگىن تۇسىنۋگە بولادى.

اتالمىش باعىتتاعى ەكىنشى قادام – زىعىر مايىن شاشقا ماسكا نەمەسە جەلدەتكىش رەتىندە قولدانۋ بولىپ تابىلادى.

* الاقانىڭىزعا زىعىر مايىنىڭ ازداعان مولشەرىن تامىزىپ، باس تەرىسىن ۋقالاۋعا بولادى. بۇنى باس جۋعاننان كەيىن شاشتىڭ كەپپەگەن كەزىندە جاساعان ابزال.

* زىعىر مايىنىڭ ازداعان مولشەرىن قۇرعاق شاشقا تامىزىپ، باسىڭىزدى قۇرعاق ورامالمەن وراپ قويۋعا دا بولادى. ارادا 15-20 مينۋت وتكەننەن كەيىن سۋسابىندى قولدانا وتىرىپ، باستى جۋعان ءجون. باستى بۇدان كەيىن جەلدەتۋدىڭ قاجەتى شامالى. زىعىر مايى بۇل قىزمەتتى سىزگە ءوزى-اق كورسەتىپ، شاشىڭىز جۇمساق ءارى جىلتىراپ تۇرادى.

* الاقانعا سۋسابىن مەن زىعىر مايىن ارالاستىرا جاعىپ، اتالمىش قوسپانى قولدانا وتىرىپ، باسقا جەڭىل ماسساج جاساۋعا بولادى. بۇل زىعىر مايىنان جاسالعان ماسكانىڭ اسەرىندەي بولماسا دا، ءسىز باسىڭىزدى جۋعان كەزدە مۇنداي پروسەدۋرانى باسىڭىزدى جۋعان كەز كەلگەن ۋاقىتتا جاساي بەرۋگە بولادى.

* ەگەر ءسىز تابيعي كوسمەتيكاعا دەن قويعان ادام بولساڭىز، سونىمەن بىرگە ءبىرشاما بوس ۋاقىتىڭىز بولسا، زىعىر مايىن قولدانۋ ارقىلى تومەندە اتالعان گەلدەردىڭ رەسەپتى شاشىڭىزدى بابىندا ۇستاۋعا كومەگىن تيگىزە الادى.

شاشقا ارنالعان ءۇي زىعىر مايى

شاشقا ارنالعان زىعىر مايى اسا قىمبات بولمايتىنداي ونىمگە جاتادى. سونىمەن قاتار، بۇيرا جانە تولقىندى شاشقا ىڭعايلى كەلەدى. گەل شاشتىڭ ىلعالدانۋىنا اسەر ەتەدى. ءسىزدىڭ شاشىڭىزدىڭ قاجەتتىلىگىنە قاراي ۇيدە جاسالعان زىعىر مايىنىڭ گەلىنە قوسىمشا كومپونەتتەردى دە قوسۋعا ابدەن بولادى. پروسەسس 10-12 مينۋتتى الادى. گەل ەكى اپتا بويى سالقىن جەردە، تابيعي قوسىندىلار قوسىلسا ودان دا كوپ مەرزىم ساقتالادى.

زىعىر مايىن دايىنداۋدىڭ جولى

1 قادام. زىعىر ءدانىن تۇنىمەن سۋلاپ قويىڭىز. بۇل گەلدىڭ شىعىمىن جەدەلدەتىپ، ونى دايىنداۋدىڭ ۋاقىتىن قىسقارتادى. ءبىراق، بۇل قادام مىندەتتى ەمەس ەكەنىن ايتا كەتۋ كەرەك.

2 قادام. زىعىردىڭ سۋلانعان دانىمەن بىرگە سۋدى وتقا شىدامدى كاسترولگە ارالاستىرىپ، ونى ىستىق وتقا سالىپ، ارالاستىرىپ وتىرىڭىز. ءدال وسى كەزەڭدە اعىلشىن تۇزىن (كەرەك دەسەڭىز) قوسۋعا بولادى.

3 قادام. قوسپا قايناي باستاعان كەزدە قاتتى جانعان وتتى ورتاشا دەڭگەيدە ازايتقان ابزال. قوسپانىڭ ءتۇرى وسى كەزدە ەتتىڭ كوبىگىنە ۇقساپ تۇرۋى كەرەك.

4 قادام. داندەر كوبىكتەنگەن كۇيگە جەتكەن كەزدە وتتى ءوشىرىپ، قوسپانى سۇزگى ارقىلى ىدىسقا قۇيىڭىز. بۇل پروسەدۋرانى بىردەن جۇزەگە اسىرعان ابزال. سەبەبى، بىردەن قۇيىلماسا كەيىن سۇزگى ارقىلى قۇيۋ وڭايعا تۇسپەيدى.

5 قادام. قوسپا ازداپ سالقىنداعان كەزدە قاجەتتى ينگرەديەنتتى (ءسىزدىڭ شاشىڭىزدىڭ بابىنا قاراي) قوسا بەرۋگە بولادى. ءدال وسى كەزەڭدە كونسەرۆانت (ەگەر سىزگە گەلدىڭ ۇزاق ساقتالعانى كەرەك بولسا) قوسىلادى. قوسىمشا كومپونەنتتەردىڭ ءتىزىمى مەن ولاردىڭ قىزمەتى بۇدان كەيىن بەلگىلى بولادى.

6 قادام. الىنعان قوسپانى بلەندەرگە قۇيىپ، ازداعان اينالىمدى قوسۋ ارقىلى قوسپانى پاستالىق دارەجەگە دەيىن اينالدىرعان ءجون.

7 قادام. سالقىنداعان قوسپانى كونتەينەرگە قۇيىپ الىڭىز. ءسىزدىڭ گەلىڭىز قولدانۋعا دايار.

ءوز قولىڭىزبەن دايىندالعان گەلدى ساقتالۋعا بولاتىن مەرزىمگە دەيىن توڭازىتقىشتا ۇستاڭىز.

زىعىر گەلىن پايدالانۋدىڭ ءادىسى

زىعىر گەلىن شاشىڭىزعا جاعىڭىز. ادەتتەگىدەن گورى كوبىرەك ءونىمدى قولدانىڭىز. ءسىزدىڭ شاشىڭىز تولىعىمەن قانىققان بولۋى كەرەك. ەگەر تىم از گەلدى قولدانعان بولساڭىز، ءونىم اسا پايداسىن كورسەتە المايدى. شاشىڭىزدى فەنسىز تولىق كەپتىرىپ الىڭىز.

زىعىر مايىن دايىنداۋدىڭ رەسەپتتەرى

رەسەپت 1

ءبىر شىنى-اياقتىڭ ۇشتەن ءبىرىن تولتىراتىن زىعىر ءدانى؛ جارتى قاسىق بال؛ ماندارين مايىنىڭ 15 تامشىسى؛ جارتى قاسىق ليمون قىشقىلى.

رەسەپت 2

ەكى اس ءۇي قاسىعىنا تولى زىعىر ءدانى؛ سۇزگىدەن وتكەن ءبىر شىنى-اياق سۋ؛ شاي قاسىعىنىڭ 1/4 بولىگىندەي ليمون قىشقىلى (كونسەرۆانت)، 5 تامشى ەفير مايى.

رەسەپت 3

جالبىزتىكەن تامىرىندا تۇنعان سۋ؛ جارتى قاسىق اۆوكادو مايى، 10 تامشى وسىمدىك گليسەرينى؛ جارتى قاسىق اگاۆا نەكتارى؛ شاي قاسىعىنىڭ 1/4 بولىگىندەي گرەيپفرۋت ءدانى ەكستراكتى.

زىعىر گەلىن دايىنداۋ ءۇشىن قولدانىلاتىن قوسىمشا كومپونەنتتەر

ءسىز شاشىڭىز ءۇشىن دايىندالعان گەلگە ءار ءتۇرلى كومپونەنتتەردى قوسا الاسىز. نە قوسساڭىز دا، ول ءسىزدىڭ شاشىڭىزعا اسەر ەتەتىنىن ەستە ساقتاڭىز. تومەندە قوسۋعا بولاتىن ءبىرشاما تارالعان كومپونەنتەر مەن ولاردىڭ قۇرامى تۋرالى مالىمەتتى ۇسىنامىز. ءسىز ءار ءتۇرلى كومپونەنتتەردى قولدانا وتىرىپ، قايسىسى ءسىزدىڭ شاشىڭىزعا كەلەتىنىن انىقتاي الاسىز.

- گەلدىڭ ساقتالۋ مەرزىمىن ۇزارتۋ ءۇشىن: اگاۆا نەكتارى، بال؛

- گەلدىڭ تىعىزدىعىن ارتتىرۋ ءۇشىن: پەكتين، لەسيتين، ايلاۋىق اعاشىنىڭ شايىرى (تاعامدىق قوسپا ءۇشىن بىرىكتىرگىش رەتىندە قولدانا الاسىز)؛

- شاشتى ىلعالداندىرۋ ءۇشىن: (جوجوبا مايى، اۆاكادو مايى، شي مايى)، گليسەرين. بالقۋ تەمپەراتۋراسى تومەن بولعاندىقتان، كوكوس مايىن قولدانۋ اسا ىڭعايلى ەمەس؛

- بۇرىم ءۇشىن: اعىلشىن تۇزى، الوە ۆەرا سۋسىنى؛

- حوش ءيىس ءۇشىن: قالاۋىڭىز بويىنشا ەفير مايى. مىنا ەفير مايلارى دا كونسەرۆانتتى بولىپ كەلەدى: لاۆاندا، روزمارين، قالامپىر، دارشىن، ليمون، راۋشان. قالامپىر مەن دارشىننىڭ مايى باس تەرىسىنىڭ قۇرعاقتىعىنا الىپ كەلۋى مۇمكىن.

- كونسەرۆانتتار: گرەيپفرۋت ءدانىنىڭ ەكستراكتى (6 تامشى)، ليمون قىشقىلى، ە دارۋمەنى، ەفير مايلارى (جوعارىدا جازىلعاندارى).

زىعىر مايى جايلى قايشى پىكىر

تەرى مەن شاشتى بابىندا ۇستاۋ ءۇشىن قولدانىلاتىن ءار ءتۇرلى زاتتاردى پايدالانباي تۇرىپ، زىعىر مايى نەگىزىندە ونىڭ تەرىگە قالاي اسەر ەتەتىن ءبىلىپ العان دۇرىس. جاناما اسەر ەتۋدىڭ الدىن الۋ ءۇشىن (ەگەر ونداي بولسا) زىعىر مايىن تاعامعا قولدانباس بۇرىن دارىگەرمەن مىندەتتى تۇردە اقىلداسىپ الۋ كەرەك.

كىشكەنتاي بالالار، اياعى اۋىر ايەلدەر مۇنداي قوسپالاردى دارىگەردىڭ رۇقساتىنسىز تۇتىنباۋى كەرەك.

زىعىر مايىنىڭ دەنساۋلىققا پايدالى تارتىپتە تۇتىنۋ ءۇشىن تابيعي زىعىر مايىن ساتىپ الىڭىز.

---