InfoHub Logo

Математика 2 сынып
Сабақтың тақырыбы: Қосындыдан санды азайту тәсілі.
Сабақтың мақсаттары:
Білімділік: Қосындыдан санды азайту тәсілдерін оқушыларға меңгерту. Есепті үш түрлі тәсілмен шығарудың жолын үйрету.
Дамытушылығы: Оқушылардың есте сақтау, ойлау қабілеттерін дамыта отырып, ауызша, жазбаша есептеу арқылы өз бетінше ізденушілігін дамыту.
Тәрбиелігі: Оқушыларды ұйымшылдыққа, ұқыптылыққа, тапқырлыққа,
білімпаз болуға, ақыл – ой белсенділігін арттыруға тәрбиелеу.
Сабақ типі: Іскерлік пен дағдыны қалыптастыру
Сабақтың әдісі: Интерактивті әдіс, СТО технологиялары
Пәнаралық байланыс: Әдебиеттік оқу
Сабақтың барысы:

І. Ұйымдастыру кезеңі.
Психологиялық дайындық.
Біздер тату баламыз,
Өсіп алға барамыз.
Есептерді шығарып,
Біз білімді боламыз.
ІІ. Қазақ халқының ел арасына тараған ақыл – ой, білім туралы айтылған мақал – мәтелдеріне сүйене отырып, бүгінгі сабағымыздың ұраны: «Оқусыз білім жоқ, білімсіз күнің жоқ» дегендей алған білімдерімізді ортаға салайық.
ІІІ. Ой қозғау: «Сандарды тиісті үйіне орналастырайық» ойынымен бастайық
.....................................
ІV. Жаңа сабақтың тақырыбы мен мақсатын хабарлау.
Бүгінгі жаңа сабағымыздың тақырыбы: «Қосындыдан санды азайту тәсілі»
1. Жаңа сабақтың ой ашары: «Білім – алып күш, біле білу де зор күш»
2. Мағынаны тану үшін интерактивті тақтаға назар салайық. Қосындыдан санды қандай тәсілдермен азайтуға болады?

1 – тәсілде: Жоғарыда 6 көбелек, төменде 4 көбелек қонып отыр. Барлық көбелектер санын білу үшін (6+4) қосамыз. 10 көбелек болды. Оның 3 – еуі ұшып кетті.\Яғни
(6+4) – 3= 7. Бұл – қосындыдан санды азайту тәсілі.
2 – тәсілде: 6 көбелектің 3 – еуі ұшып кетті, яғни (6 – 3 ). Оған төмендегі 4 көбелекті қосамыз.(6 – 3) + 4= 7
3 – тәсілде: төменде қонып отырған 4 көбелектің 3 – еуі ұшып кетті, яғни ( 4 – 3). Оған жоғарыдағы 6 көбелекті қосамыз. Сонда (4 – 3) + 6= 7 болады.
Енді есебімізді ары қарай «Алтын қақпа» ойыны түрінде өткіземіз. Алтын қақпаға ену үшін тапсырмаларды орындауымыз керек.
1 – ші қақпа: «Темір қақпа». Оны ашу үшін қақпа ауласында өсіп тұрған гүлдерге байланысты № 2 есепті шығаруымыз тиіс.
Аулада 8 ақ және 7 қызыл раушангүл өсіп тұр. Гүлшоғын құрастыру үшін 5 раушангүл қиып алынды. Аулада неше раушангүл қалды?
Есепті әр түрлі тәсілмен шығару.
1 – тәсіл: Гүлдердің барлығы қанша қанша екенін білеміз. Яғни (8+7). Гүл шоғые құрастыру үшін 5 гүл қиып алынды. Яғни қосындыдан санды азайтамыз. (8+7) – 5 =10
2 – тәсіл:(8 – 5) + 7=10 8ақ гүлдің 5 – еуін қиып алып оған 7 гүлді қосқанда 10 гүл боады.
3 – тәсіл:(7 – 5) + 8=10 7қызыл гүлдің 5 – еуін қиып алып, оған 8 қызыл гүлді қосқанда 10 гүл болады.
2 – қақпа: Мыс қақпа ену үшін № 3 есепті әр түрлі тәсілмен табамыз.
Күріш – 60 қап
Кеспе – 40 қап
Жөнелтілді – 30 қап
Қалды -?
1) Барлығы қанша қап бар екенін білуіміз керек.(60+40) қосындысынан санды азайтамыз. Сонда (60 + 40) - 30 =70
2), 3) тәсілдерін оқушылар өз бетінше орындайды.
3 – қақпа: «Күміс қақпа» № 4 Тиімді тәсілмен табу.
30+(5 + 65) (8+2) +70 8 + (80+2) 4 + (44 + 6)
4 – қақпа: «Алтын қақпа». Алтын қақпаны сабаққа өте жақсы қатысқан оқушы ашады. Алтын қақпадан «білім – байлық» деген сөз шықты. Бар байлыққа білімнің негізінде қол жеткіземіз. Сондықтан білімді болайық.
IV. Бағалау
V. Үйге тапсырма
VI. Қорытындылау