InfoHub Logo

16 jeltoqsan – Táýelsizdik kúnine arnalǵan «Táýelsizdik – baqyt joly» erteńgilik senarııi
Maqsaty:
1. Bilimdiligi: Balalardyń boıynda Qazaqstannyń damý tarıhy týraly tanymdaryn qalyptastyrý. Ulttyq sana - sezimin oıatý. Táýelsizdik kúni týraly tereń maǵlumat berý. Táýelsizdik úshin kúresken jeltoqsan qurbandarynyń erligi jaıynda túsindirý.
2. Tárbıeliligi: balalarǵa patrıottyq tárbıe berý, Otandy súıý jáne erlikke baýlý. Balalardy dostyqqa, uıymshyldyqqa tárbıeleý.
3. Damytýshylyǵy: Balalardyń ótken tarıhqa degen qyzyǵýshylyǵyn oıatý.
Kórnekiligi:
1. Qazaqstan Respýblıkasynyń memlekettik rámizderi: Týy, Eltańbasy, Gımn.
2. Interaktıvti taqta
3. Sharlar, mýzykamen jabdyqtalǵan.
Zal ishi merekege saı bezendirilgen. Zalǵa balalar mýzyka súıemeldeýimen bir qatarmen kiredi.
Júrgizýshi: - Armysyzdar, qurmetti ustazdar, ata - analar, búldirshinder! Búgingi №1 «Balapan» tobynyń «Táýelsizdik – baqyt joly» atty erteńgiligimizge qosh keldińizder!
Babamnyń da armany,
Osy edi ǵoı ańsaǵan.
Táýelsizdik tańdary,
Baq beredi barshaǵa.
Kók týymdy qolyma,
Búgin berik ustadym.
Tústi baqyt jolyma,
Meniń Qazaqstanym.
Qazaqstan Respýblıkasynyń Memlekettik Gımni.
Júrgizýshi:- Balalardyń taqpaǵy:
Ádiljan:
Kók aspandaı kókpeńbek,
Qazaqstan jalaýy.
Kók emes ol tekten - tek,
Eldiń ashyq qabaǵy.
Ámir:
Eldigimniń reńi,
Teńdigimniń tiregi,
Múddesinen halyqtyń,
Ajyramas bir eli.
Altyn zańym – araı tańym!
Meıirjan:
Eltańbasy elimniń,
Netken aıbat ádemi.
Tunyǵyndaı kóńildiń,
Ortada – aspan álemi.
Nurtas:
Qut, bereke – shańyraq,
Oryn alǵan ol tórden.
Qanatty qos arǵymaq,
Eki jaqtan kómkergen.
Elaman:
Bizben birge bar álem,
Qýanady balasha,
Qýanyshqa bólengen,
Ómir qandaı tamasha.
Jannur:
Aq nıeti – altyn kún,
Asqaq arman qyrany.
Jalaýy bul halqymnyń,
Mártebesi, maqtany.
Júrgizýshi:- Jeltoqsannyń qandy sýyq yzǵary,
Qalyń ásker qazaǵymdy qorlady.
Táýelsizdikti qoldaǵan jastardyń,
Otan úshin tabandary tozbady.
- Mine, bıyl táýelsiz el – memleket bolǵanymyzǵa 32 jyl boldy. Osy Táýelsizdik Qaırat Rysqulbekov, Erbol Sypataıuly, Lázzat Asanova syndy qazaqtyń batyr, qaharman ul - qyzdarynyń arqasynda keldi. Olardyń Táýelsizdik jolyndaǵy erligi, qaısarlyǵy biz úshin ónege bolmaq. Jeltoqsan qurbandaryna taǵzym etip 1mınýt únsizdikpen eske alaıyq.
Balalardyń taqpaqtary:
Symbat:
Qaırattaı qaısar uldardyń,
Janymen kelgen erkindik.
Jazıra men Lázzattyń,
Arymen kelgen erkindik.
Qasiret pen qaıǵynyń,
Bárimen kelgen erkindik.
Farıza:
On altynshy jeltoqsan,
El mereıi tasyǵan.
Qazaq degen qalyń jurt,
Bárin keshti basynan.
Aıbol:
On altynshy jeltoqsan,
Táýelsizdik alǵan kún.
Erekshe bop máńgilik,
El jadynda qalǵan kún.
Rasýl:
Ádilettiń urany,
Aqıqattyń shyraǵy.
Tynyshtyqtyń týy bop,
Zor saltanat qurady.

16 jeltoqsan – Táýelsizdik kúnine arnalǵan «Táýelsizdik – baqyt joly» erteńgilik senarııi. júkteý