InfoHub Logo

Tanymal qazaqstandyq ázilkesh Qajet Smaǵul jeke ómirindegi jańalyqpen bólisip, eldi eleń etkizdi. Ol ózinen 25 jas kishi áıelmen shańyraq kótergenin meńzep, áleýmettik jelidegi jazbasy kópshiliktiń qyzý talqysyna aınaldy.

Bul týraly Infohub.kz aqparat agenttigi habarlaıdy.

Buǵan deıin Qajet Smaǵul ózinen 25 jas kishi janmen otaý qurǵanyn ısharalap, jazba qaldyrǵan bolatyn. Alaıda, ol kezde tolyq aqparat bermeı, jaǵdaıdy jumbaq kúıinde qaldyrǵan edi. "Kóp adam sezip júrgen shyǵar… Ózimnen 25 jas kishi…. Júregim tynysh… Kózim baqytty… Qalǵanyn keıin aıtamyn. Ázirge bárin aıtpaı-aq qoıaıyn…", - dep jazǵan ázilkesh.

Jelidegi daýly pikirler

Bul jazba jelide qyzý talqylanyp, oqyrmandar ekige aıyryldy. Biri ázilkeshti quttyqtap jatsa, endi biri jas aıyrmashylyǵyna baılanysty syn pikirler aıtty. Keıbir qoldanýshylar onyń ıtalándyqtar sıaqty baı emestigin alǵa tartty.

Osydan keıin Qajet Smaǵul ózine aıtylǵan pikirlerge jaýap berip, jaǵdaıdy túsindirýge tyrysty. Onyń aıtýynsha, kópshilik jazbany ártúrli qabyldaǵan. "25 jas kishi dep post salyp edim, Qazaqstan ekige bólindi. Jerden alyp jerge salyp jatqandar da, quttyqtap jatqandar da bar. Italándyq sıaqty baı emessiń ǵoı deıtinder bar. Áıelimniń fotosyn salamyn ba dep oılaǵan edim. Biraq mynadaı negatıvke urynyp, kóńili túsip qala ma degen oı bar", - dedi ol.

Qajet Smaǵul kim?

Qajet Smaǵul – qazaqstandyq akter, ázilkesh ári kópshilikke ekran men sahna arqyly tanylǵan óner ıesi. Ol kórermenge komedıalyq rólderimen, jeńil ıýmorymen jáne qazaqy qaljyńdy jetkizý mánerimen tanys. Ásirese, "Bıznes po-kazahskı" fılmindegi rólimen kópshiliktiń yqylasyna bólendi. Óner jolynda ázil men akterlikti qatar alyp júrip, halyqqa jaqyndyǵymen erekshelenedi.

Ázilkesh áleýmettik jelide de belsendi. Onyń jeke ómirine qatysty jazbalary jıi talqylanyp jatady. Jaqynda ǵana ózinen 25 jas kishi áıelge úılengenin meńzep, qoǵamda qyzý pikirtalas týdyrdy. Degenmen, ol jarynyń sýretin jarıalaýǵa asyqpaıtynyn, sebebi jelidegi jaǵymsyz pikirlerdiń jaqyn adamynyń kóńiline áser etýi múmkin ekenin aıtty.