InfoHub Logo

Tárbıe saǵatynyń taqyryby: Meniń otbasym
Tárbıe saǵatynyń baǵyty: Otbasylyq tárbıe berý
Maqsaty: Otbasy týraly túsinikterin bekitý, otbasynda úılesimdi qarym - qatynas daǵdylaryn qalyptastyrý, týǵan - týystar arasyndaǵy baılanystardy uǵynýǵa kómektesý.
Mindeti: Oqýshyǵa «Otbasy kúni» merekesi týraly túsinik berý
Kórnekiligi: naqyl sózder, stıker, sózjumbaq

Tárbıe saǵatynyń barysy:

I. Uıymdastyrý bólimi
Shattyq sheńber
Sálem kún - anamyz, (qol joǵary da)
Qýanatyn kún búgin.(qol ustasady)
Qaıyrly kún, qaıyrly kún,(qol keýdede)
Kúlip shyqshy sen búgin!(qol joǵaryda)

II. Negizgi bólim
Oqýshylardy eki topqa bólý
Kirispe:
- Búgingi tárbıe saǵatymyzda otbasy jaıly pikirlesemiz.
Otbasy - adam balasynyń túp qazyǵy, altyn uıasy.
Adam balasy shyr etip dúnıege kelgen kúnnen bastap, sol ortanyń ystyǵyna, sýyǵyna beıimdelip, yqpalyna kónip er jetedi. Sol otbasynan úlken ómirge qadam basamyz. Bizdiń ómirimizge túzý qadam basýymyzda otbasynyń orny erekshe.
Ataqty qazaq aqyny Q. Amanjolov óziniń óleńinde:
Otbasy - shaǵyn qoǵam
Men prezıdent, sen premer - degeni bar eken
Shynynda da, otbasy - ol shaǵyn memleket. Óz bolmysy, óz ereksheligi, óz dástúri, óz qaǵıdasy bar.
1. Toptardyń otbasy jaıly pikirleri
- Balalar, durys aıtasyńdar, adamnyń jeke bolymysynyń qalyptasýy otbasynan bastalady. Adamnyń boıyndaǵy ar - uıaty, aqyl - oıy, adamgershiligi, basqa adamdarmen qarym - qatynasy, mádenıeti alǵashqy qadamy otbasynan bastalady. Sondyqtan otbasy baqytty bolý úshin ne qajet?(meıirimdilik, súıispenshilik, birlik, densaýlyq. tatýlyq, sypaıylyq)

2. Meniń týystarym.
Jumbaq
Maǵan da, saǵan da,
Jaqyn týys bes adam.
Úsh áripten turatyn,
Ońǵa oqy, solǵa oqy.
Ózgermeıdi eshqashan,
Bári de óz jurtyń,
Aıtady, qane kim atyn?(ata, ana, ini, aǵa, apa)
- Bular bizdiń otbasymyzdy quraıdy. Árbir qazaq otbasynda atalar men ájelerdiń alar orny erekshe. Dástúrli qoǵamda ata - ájeler tárbıesin kórmeı ósken bala bolmaǵan. Ata - ájeler jyr, dastan, ertegi aıtyp nemerelerin, shóberelerin rýhanı baıytyp, mol tárbıe berip otyrǵan.(Ár top músheleri ata, áje týraly óleń, taqpaq aıtady)
Ana - otbasynyń uıytqysy, jylýy, shýaǵy, otbasyna bereke ákelip, januıany baqytqa bóleıdi.(toptardyń ata - ana týraly pikiri tyńdalady)

3. Otbasymdaǵy óz ornym
- Seniń esimiń qandaı maǵyna beredi?(oqýshylar óz esimi týraly aıtyp ótedi)
Árbir topqa 7 suraqtan beriledi.
1 - topqa:
1. Anańnyń ákesi saǵan kim bolady, sen oǵan kim bolasyń?
2. Jigittiń neshe jurty bar?
3. Qyz balany jasyna qaraı qalaı ataıdy?
4. Dúnıede ne tátti?
5. Anańnyń aǵasy kim bolady?
6. Ne qatty?
7. Atańa sen kim bolasyń?

2 - topqa:
1. Nemere dep kimdi ataıdy?
2. Ákeńniń apasy kim bolady?
3. Ózińnen kishi ul kim bolady?
4. Anańnyń apasy saǵan kim?
5. Dúnıede ne jumsaq?
6. Ul balany jasyna qaraı qalaı ataıdy?
7. Jeti atańdy bilesiń be?

Meniń otbasym. júkteý